ប្រទេសកាណាដា ៖ យន្តហោះមួយគ្រឿងរបស់កងទ័ពអាកាសកាណាដា កាលពីថ្ងៃទី២៧ ខែកក្កដា ឆ្នាំ២០១៩ បានចូលរួមក្នុងការតាមប្រមាញ់មនុស្សដ៏ធំមួយ ដែលធ្វើចាប់តាំងពីច្រើនថ្ងៃមកហើយ ដើម្បីតាមចាប់យុវជនកាណាដា២នាក់ជាឃាតករដ៏សាហាវ សម្លាប់មនុស្ស៣នាក់…
ប្រទេសកាណាដា ៖ យន្តហោះមួយគ្រឿងរបស់កងទ័ពអាកាសកាណាដា កាលពីថ្ងៃទី២៧ ខែកក្កដា ឆ្នាំ២០១៩ បានចូលរួមក្នុងការតាមប្រមាញ់មនុស្សដ៏ធំមួយ ដែលធ្វើចាប់តាំងពីច្រើនថ្ងៃមកហើយ ដើម្បីតាមចាប់យុវជនកាណាដា២នាក់ជាឃាតករដ៏សាហាវ សម្លាប់មនុស្ស៣នាក់ ក្នុងនោះមានអ្នកទេសចរបរទេស២នាក់។
យន្តហោះយោធាធុនC-130 HERCULEមួយគ្រឿង នាថ្ងៃទី២៧កក្កដាបានមកដល់តំបន់GILLAM ជាកន្លែងប្រមូលផ្ដុំកម្លាំងតាមរុករក។ យន្តហោះនោះធ្វើប្រតិបត្តិការតាមរកពីលើអាកាស តាមសំណើរបស់ប៉ូលិសសហព័ន្ធ។ ចាប់តាំងពីថ្ងៃទី២៣កក្កដាមក តំបន់GILLAMនៅជិតឆកHOUDSON ជាតំបន់មានការតាមប្រមាញ់មនុស្សធំ ជាមួយការប្រើឆ្កែជា ច្រើនក្បាល ដ្រូននិងបណ្ដារថពាសដែកដើម្បីប៉ុនប៉ងតាមរកយុវជន២នាក់ ម្នាក់ឈ្មោះKAM MCLEODអាយុ១៩ឆ្នាំនិងម្នាក់ទៀតឈ្មោះBRYER SCMEGELSKYអាយុ១៨ឆ្នាំ។
យុវជនទាំង២នាក់នោះត្រូវបានគេចោទប្រកាន់ជាផ្លូវការ ពីបទសម្លាប់ដោយគ្មានការគ្រោងទុក សាស្ត្រាចារ្យម្នាក់អាយុ៦៤ឆ្នាំ និងសង្ស័យជាអ្នកសម្លាប់យុវជនអូស្ត្រាលីម្នាក់អាយុ២៣ឆ្នាំនិងមិត្តស្រីរបស់គេជនជាតិអាមេរិកអាយុ២៤ឆ្នាំ ដែលសាកសពរបស់ពួកគេត្រូវបានរកឃើញកាលពីថ្ងៃទី១៥កក្កដា នៅតាមបណ្ដោយផ្លូវថ្នល់មួយ នាភាគខាងជើងតំបន់កូឡុំប៊ី-អង់គ្លេស។ យុវជនជាឃាតករដ៏សាហាវទាំង២នាក់តាមព័ត៌មាននានាថា ជាអ្នកងុបងុលនឹងការលេងហ្គេមវីដេអូពីការបាញ់ប្រហារនិងឆាកសាហាវព្រមទាំងបែបណាហ្ស៊ី ៕ (កែសម្រួលដោយ ៖ បុប្ផា)
ចែករំលែកព័តមាននេះ