រាជធានីភ្នំពេញ ៖ កុមារកម្ពុជាចំនួន៣នាក់បន្ថែមទៀត ត្រូវបានក្រុមគ្រូពេទ្យជំនាញរបស់ប្រ ទេសចិនជួយព្យាបាលជំងឺបេះដូងចំហទទួលបានជោគជ័យ ខណៈកុមារ៣នាក់ទៀតកំពុងព្យា បាលក្នុងសប្តាហ៍នេះ ។
លោក ម៉ា លីនឃុន (MA LINKUN) អនុប្រធានមន្ទីរពេទ្យបេះដូង FUWAI ខេត្តយូណា ប្រទេសចិនបានដឹងថា កាលពីថ្ងៃទី២២ កក្កដា ក្រុមគ្រូពេទ្យជំនា ញរបស់ចិនបានវះកាត់ព្យាបាលកុមារដែលមានជំងឺបេះដូងចំហចំនួន៣នាក់ ទទួលជោគជ័យ ហើយកុមារ៣នាក់ទៀតនឹងព្យាបាលនៅក្នុងសប្តាហ៍នេះ ។ លោកក៏បានអបសាទរនឹងលទ្ធផលថ្មីនៃការជួយដល់កុមារកម្ពុជា ហើយបានថ្លែងអំណរគុណដល់ស្ថាប័នពាក់ព័ន្ធនានាក្នុងនោះរួមមានលោកបណ្ឌិត ជា មុនីឫទ្ធិ ប្រធានសមាគម អ្នកស្រាវជ្រាវវឌ្ឍនភាពកម្ពុជា-ចិន ដែលបានជួយសម្របសម្រួលដល់ការងារនេះ ហើយលោកវាយតម្លៃខ្ពស់ចំពោះក្រុមគ្រួសាររបស់កុមារកម្ពុជាដែលបានទុកចិត្តដល់ក្រុមគ្រូពេទ្យជំនាញប្រកបដោយវិជ្ជាជីវៈ និងទំនួលខុសត្រូវខ្ពស់របស់មន្ទីរពេទ្យក្នុងការវះកាត់ និងព្យាបាលជំងឺបេះដូងចំហជូនដល់កុមារកម្ពុជាផងដែរ ។
សូមជម្រាបថា កាលពីរសៀលថ្ងៃទី២២ ខែកក្កដា ឆ្នាំ២០១៩ អង្គការមជ្ឈមណ្ឌលស្រាវជ្រាវឥរិយាបថ និងសុខភាពសិក្សា YUNDI បាននាំយកសម្ភារៈសិក្សា និងវត្ថុអនុស្សាវ រីយ៍មួយចំនួនជូនដល់កុមារកម្ពុជាចំនួន៣រូប ដែលទើបជាសះស្បើយពីការវះកាត់ និងព្យាបាលជំងឺបេះដូងចំហនៅមន្ទីរពេទ្យបេះដូង FUWAI ខេត្តយូណាន ។
លោក ផន សៀម ដែលត្រូវជាឪពុករបស់កុមារី សៀម ស៊ាវថង ដែលរស់នៅក្នុងស្រុក ភ្នំស្រួច ខេត្តកំពង់ស្ពឺ បានបញ្ជាក់ថា កាលពីថ្ងៃទី១៦ ខែកក្កដា ឆ្នាំ២០១៩ កុមារចំនួន៦រូប ដែលក្នុងនោះមានកូនរបស់លោកមួយរូបផងដែរ បានមកដល់មន្ទីរពេទ្យបេះដូង FUWAI ខេត្តយូណានដើម្បីវះកាត់ និងព្យាបាលជំងឺបេះដូងចំហ ។ ហើយនៅថ្ងៃទី១៧ ខែកក្កដា ឆ្នាំ២០១៩ កូនរបស់លោករួមជាមួយកុមារចំនួន២ទៀត ត្រូវបានក្រុមគ្រូពេទ្យជំនាញវះកាត់ និងព្យាបាលជំងឺបេះដូងចំហ បានដោយជោគជ័យ ហើយកូនរបស់លោក និងកុមារទាំង២រូបទៀតនឹងវិលត្រឡប់មកកាន់មាតុភូមិវិញ នាថ្ងៃទី២៣ ខែកក្កដា ឆ្នាំ២០១៩ ។
ដោយឡែកកុមារចំនួន៣រូបទៀតនឹងត្រូវវះកាត់ និងព្យាបាលនៅថ្ងៃពុធសប្តាហ៍នេះ ។ លោកបានថ្លែងអំណរគុណដល់លោក ឡ ជឺ (LUO ZHI) ប្រធាន YUNDI ដែលបាននាំយកនូវសម្ភារៈសិក្សា និងវត្ថុអនុស្សាវរីយ៍មួយចំនួនជូនដល់កូនរបស់លោក និងកុមារ២រូបផ្សេងទៀត ។ ជាមួយគ្នានោះដែរលោក LUO ZHI បានបញ្ជាក់ថា លោកលើកទឹកចិត្តដល់អ ង្គការសង្គមស៊ីវិល មន្ទីរពេទ្យមណ្ឌលសុខភាពនានាក្នុងប្រទេសកម្ពុជាចូលរួមសហការជាមួយ អង្គការក្នុងការចូលរួមជាមួយរាជរដ្ឋាភិបាលកម្ពុជា ក្រោមការដឹកនាំប្រកបដោយគតិបណ្ឌិតរបស់សម្តេចតេជោហ៊ុនសែន នាយករដ្ឋមន្ត្រីក្នុងការជួយដល់កុមារកម្ពុជា ដែលមានជំងឺបេះដូងចំហពីកំណើតនេះ ។
គួរបញ្ជាក់ថា ក្រោយពេលដែលអង្គការនេះបានទទួលស្គាល់ជាផ្លូវការដោយក្រសួងការបរទេស និងសហប្រតិបត្តិការអន្តរជាតិ កាលពីថ្ងៃទី១ ខែកក្កដា ឆ្នាំ២០១៩ បានបំពេញ បេសកកម្មយ៉ាងសកម្មនៅកម្ពុជា ដើម្បីចូលរួមកាត់បន្ថយបរិមាណកុមារកម្ពុជាដែលមានជំងឺបេះដូងចំហ កុមារ៣រូបនេះជាកុមារទី៣២ដល់៣៤ក្នុងចំណោមកុមារទាំង៦រូប ដែលអង្គការYUNDI បានជួយដល់កុមារទាំងមុន ទាំងក្នុងពេល និងទាំងក្រោយពេលវះកាត់ និងព្យាបាលដោយឥតគិតថ្លៃនៅប្រទេសចិន ៕ កែសម្រួលដោយ៖ សុឃាក់
ចែករំលែកព័តមាននេះ