សក់របស់មនុស្សយើងអាចជាប្រភពនៃភាពរីករាយ ជាពិសេសនៅពេលវាកំពុងតែលូតលាស់យ៉ាងក្រាស ស្រស់ស្អាត និងមានភាពរស់រវើកល្អ។ ប៉ុន្តែវាក៏មានសក់ខ្លះដែលលូតលាស់មិនសមប្រកប និងការចង់របស់យើងដែរ ឬលូតលាស់ស្តើងៗទៅៗជាម្តង។រ
ឿងនេះអាចដោយសារតែរបៀបរស់នៅរបស់យើងផ្ទាល់ដូចជា ការលេងស្តាយសក់ច្រើនពេក ឬប្រើវិធីអ៊ុតសក់ដោយប្រើកម្តៅខ្លាំងៗ ទើបធ្វើឲ្យសក់លូតលាស់កាន់តែស្តើងទៅៗបែបនេះ។ ដូច្នេះ តើអ្នកអាចធ្វើអ្វីបានទៅដើម្បីជួយឲ្យសក់លូតលាស់កាន់តែក្រាស់ជាងមុនទៅ?
ប្រទាលកន្ទុយក្រពើគឺជាឱសថព្យាបាលសក់ខូចឲ្យលូតលាស់កាន់តែក្រាស់ដ៏ល្អមួយ ដោយសារតែវាផ្ទុកទៅដោយវីតាមីនជាច្រើន ព្រមទាំងជីវជាតិដែលជួយផ្តល់សំណើមដល់សក់ និងផ្តល់ភាពរលោងបែបធម្មជាតិទៀតផង។ បើសិនជាអ្នកកំពុងតែប្រើប្រាស់ប្រទាលកនញទុយក្រពើមែន អ្នកក៏ត្រូវតែប្រើផ្សំគ្នាជាមួយប្រេងដូង និងទឹកឃ្មុំផង។
ចូរលាយជែលប្រទាលកន្ទុយក្រពើ ៥ស្លាបព្រាបាយ ប្រេងដូង ៣ស្លាបព្រាបាយ និងទឹកឃ្មុំ ២ស្លាបព្រាបាយ។ក្រោយពីលាយរួច ចូរយកវាទៅលាបលើសរសៃសក់ និងស្បែកក្បាល ហើយម៉ាស្សាវាប្រហែលពីរទៅបីនាទី ហើយទុកចោលកន្លះម៉ោង។ ចូរលាងសម្អាតសក់ជាមួយនឹងទឹកត្រជាក់ និងសាប៊ូកក់សក់ផង (ប្រភពពី៖ Health.com.kh)៕ (កែសម្រួលដោយ ៖ បុប្ផា)
ចែករំលែកព័តមាននេះ