ហេតុ​អ្វី​ប្រើ​ស្រោមអនាម័យ​រហូត​សោះ នៅ​​តែ​មាន​ផ្ទៃពោះ និង​ឆ្លង​រោគ​ទៀត? (18+)


មុន​នឹង​ឆ្លើយ​សំណួរ​នេះ ខ្ញុំ​សូម​ឲ្យ​យល់​ថា នេះ​ដោយសារ​តែ​អ្នក​ប្រើ​ស្រោមអនាម័យ​មិន​បាន​ត្រឹមត្រូវ ឬ​ប្រើ​ខុស​។​ស្រោមអនាម័យ​ត្រូវ​បាន​គេ​ចាត់​ទុក​ថា​ជា​វិធី​ពន្យា​កំណើត និង​ការពារ​ជំងឺឆ្លង​តាម​ការ​រួម​ភេទ​ដ៏​ល្អ​បំផុត ប៉ុន្តែ​វា​មាន​ប្រសិទ្ធភាព​បាន​លុះត្រាតែ​វា​ត្រូវ​បាន​ប្រើប្រាស់​ត្រឹមត្រូវ និង​មិន​មានការ​រហែក​ក្នុង​ពេល​ប្រើ​។ ខាងក្រោម​នេះ​គឺជា​ហេតុផល​មួយ​ចំនួន​ដែល អ្នក​ប្រើ​ស្រោមអនាម័យ​គ្រប់ពេល​រួម​ភេទ​ហេតុ តែ​នៅ​តែ​បណ្តាល​ឲ្យ​ឆ្លង​រោគ ឬ​មាន​ផ្ទៃពោះ​ទៀត​។

១-អ្នក​ប្រើប្រាស់​ទឹករំអិល​ខុស ៖ ការ​ប្រើប្រាស់​ទឹករំអិល​ដែល​មាន​ជាតិ​ប្រេង បន្ថែម​លើ​ស្រោមអនាម័យ វា​អាច​នឹង​ធ្វើ​ឲ្យ​ប្រសិទ្ធភាព​របស់​ជាតិ​ជ័រ​របស់​ស្រោមអនាម័យ​ចុះ​ខ្សោយ និង​រហែក​បាន​។

២-ទុក​ស្រោមអនាម័យ​នៅ​កន្លែង​ក្តៅ ៖ ចូរ​ប្រាកដ​ថា អ្នក​មិន​បាន​ទុក​ស្រោមអនាម័យ​នៅ​កន្លែង​ដែល​មាន​អាកាសធាតុ​ក្តៅ​ទេ ជា​ពិសេស​ក្នុង​ការ​បូ​ប​លុយ ព្រោះ​ភាព​ក្តៅ​នឹង​បំផ្លាញ​ជ័រ​របស់​ស្រោមអនាម័យ​បាន​។ ចូរ​ទុក​វា​នៅ​ក្នុង​ទូរ​ដាក់​ថ្នាំ​ធម្មតា​វិញ​ទៅ​។

៣-ប្រើ​ស្រោមអនាម័យ​ដែល​មិន​ត្រូវ​នឹង​ទំហំ​លិង្គ ៖ បើសិនជា​អ្នក​ប្រើ​ស្រោមអនាម័យ​ដែល​តូច​ពេក ឬ​ធំ​ពេក វា​ពិតជា​ងាយ​នឹង​របូត​ចេញ​ណាស់ ដូច្នេះ​ចូរ​ប្រាកដ​ថា អ្នក​បាន​សាកល្បង​ស្រោមអនាម័យ​ដែល​មាន​ទំហំ​ខុស​ៗ​គ្នា​រួច ហើយ​ជ្រើសរើស​មួយ​ប្រភេទ​ដែល​មិន​តឹង​ពេក ឬ​រលង់​ពេក​។

៤-ស្រោមអនាម័យ​ហួស​កាលបរិច្ឆេទ ៖ បើសិនជា​អ្នក​ប្រើ​ស្រោមអនាម័យ​ដែល​ហួស​កាលបរិច្ឆេទ វា​នឹង​មិន​មាន​ប្រសិទ្ធភាព​ការពារ​អ្នក​ពី​ជំងឺ​គា​ម​រោគ ឬ​មាន​ផ្ទៃពោះ​ដោយ​ចៃដន្យ​ឡើយ​។ ដូច្នេះ​មុន​នឹង​អ្នក​សម្រេចចិត្ត​ហែក​ស្រោមអនាម័យ​ប្រើ ចូរ​ពិនិត្យ​ទៅ​លើ​កាលបរិច្ឆេទ​របស់​វា​ផង​។

៥-ខាង​ស្រី​មាន​សាច់ដុំ​ទ្វារមាស​តឹង ៖ ស្ត្រី​ខ្លះ​មាន​សាច់ដុំ​ទ្វារមាស​តឹង ដែល​វា​ក៏​អាច​បណ្តាល​ឲ្យ​ស្រោម​អនាម័យ​រហែក​បាន​ដែរ​។ ដូច្នេះ​ចូរ​ប្រាកដ​ថា អ្នក​តែងតែ​ប្រើ​ទឹករំអិល​ជំនួយ​ជា​និច្ច​គ្រប់ពេល​ជួប​ករណី​បែប​នេះ​ (ប្រភព​ពី​៖ Health.com.kh)៕ (កែ សម្រួល​ដោយ ៖ បុប្ផា)

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

សុខភាព

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ