ខេត្តសៀមរាប ៖ ជាការកត់សម្គាល់ មានជនជាតិចិនដីគោក២នាក់បានព្យាយាមនាំលុយដុល្លារជាសាច់ ប្រាក់សុទ្ធ២លើកហើយ ចូលមកកម្ពុជាពីក្រុងហុងកុងដូចគ្នានេះ។ ជាក់ស្តែង នគរបាលអន្តោប្រវេសន៍ ប្រចាំនៅព្រលានយន្តហោះអន្តរជាតិសៀមរាប កាលពីថ្ងៃទី៧…
ខេត្តសៀមរាប ៖ ជាការកត់សម្គាល់ មានជនជាតិចិនដីគោក២នាក់បានព្យាយាមនាំលុយដុល្លារជាសាច់ ប្រាក់សុទ្ធ២លើកហើយ ចូលមកកម្ពុជាពីក្រុងហុងកុងដូចគ្នានេះ។ ជាក់ស្តែង នគរបាលអន្តោប្រវេសន៍ ប្រចាំនៅព្រលានយន្តហោះអន្តរជាតិសៀមរាប កាលពីថ្ងៃទី៧ កក្កដា កន្លងមក បានឃាត់ខ្លួនបុរសជន
ជាតិកូរ៉េខាងត្បូង២នាក់ ដោយរឹបអូសប្រាក់ដុល្លារបានជាង២លានដុល្លារ ជាសាច់ប្រាក់សុទ្ធ។ ហើយបច្ចុប្បន្ន កំពុងរក្សាទុកជាបណ្តោះអាសន្ននៅការិយាល័យគយនិងរដ្ឋាករប្រចាំការក្នុងអាកាសយានដ្ឋានអន្តរជាតិសៀមរាប ដើម្បីបន្តនីតិវិធី ។
យោងតាមរបាយការណ៍របស់សមត្ថកិច្ចឱ្យដឹងថា ជនជាតិកូរ៉េខាងត្បូង២នាក់ ដែលត្រូវបានឃាត់ខ្លួននេះ ធ្វើដំណើរតាមជើងហោះហើរលេខ UO-706 (HKG-REP) មកពីក្រុងហុងកុង ប្រទេសចិន ។ ពេលមកដល់ព្រលានយន្តហោះ អន្តរជាតិសៀមរាប កម្លាំងនគរបាលអន្តោប្រវេសន៍ សហការជាមួយកម្លាំងការិ យាល័យគយ និងរដ្ឋាករប្រចាំអាកាសយានដ្ឋាន ក៏បានឃាត់ខ្លួនបុរសកូរ៉េខាងត្បូងទាំង២នាក់ បន្ទាប់ពីឆែកឆេរឃើញនាំប្រាក់ដុល្លារជាសាច់ប្រាក់សុទ្ធចំនួន២.២០០.០០០ដុល្លារចូលប្រទេសកម្ពុជា ដោយ
ខុសច្បាប់ ដោយការនាំចូលមិនបានប្រកាសឱ្យដឹងមុន និងគ្មានប្រភពច្បាស់លាស់ នាំមកពីទីក្រុងហុងកុង ប្រទេសចិន ។ ប្រាក់ទាំង២,២លានដុល្លារនេះមាន ក្រដាសប្រាក់ប្រភេទ១០០ ដុល្លារចំនួន២១.៩០០សន្លឹក និងប្រភេទ៥០ដុល្លារចំនួន២០០សន្លឹក ។
បុរសជនជាតិកូរ៉េទាំង២នាក់នេះ ម្នាក់ឈ្មោYoon Wongi អាយុជាង៣០ឆ្នាំ និងម្នាក់ទៀតឈ្មោះ Song Hyunhoo អាយុជាង៤០ឆ្នាំ ។ យោងតាមបញ្ជារបស់នាយឧត្តមសេនីយ៍ អគ្នាយកអន្តោប្រវេសន៍ជនជាតិកូរ៉េទាំង២នាក់ខាងលើ ត្រូវបានប្រគល់ជូនក្រុមប្រតិបត្តិការទី១ (សៀមរាប) នាយក ដ្ឋានស៊ើបអង្កេត និងអនុវត្តនីតិវិធីចាត់ការតាមច្បាប់ ។ (សម្រួលដោយ៖ស្រីណា)
ចែករំលែកព័តមាននេះ