ប្រទេសលីប៊ី់ ៖ ពួកអន្តោប្រវេសន៍ប្រមាណជា៦០០.០០០នាក់ដែលជាប់នៅលីប៊ី បានក្លាយជាចំណាប់ខ្មាំងនៃសង្គ្រាមនៅលីប៊ី ព្រមទាំងជាកម្មវត្ថុនៃការចាប់បង្ខំរបស់ពួកអ្នកច្បាំងគ្នានៅទីនោះ និងបណ្ដាសម្ព័ន្ធមិត្តរបស់ពួកគេ។
ការទម្លាក់គ្រាប់បែកកាលពីយប់ថ្ងៃទី២ទៅទី៣កក្កដា លើមជ្ឈមណ្ឌលឃុំទុកពួកអន្តោប្រវេសន៍នៅក្រុងTAJOURAH ចម្ងាយប្រមាណជា១៥គីឡូម៉ែត្រពីរដ្ឋធានីទ្រីប៉ូលី បង្ហាញពីគ្រោះថ្នាក់ប្រកបដោយសោកនាដកម្មរបស់ពួកអន្តោប្រវេសន៍ទាំងនេះ។ គ្រាប់បែកបានទម្លាក់ចំហង់់ហ្គាជាជម្រកសំខាន់ របស់ពួកអន្តោប្រវេសន៍អេរីត្រេនិងស៊ូដង់។ តុល្យការពិតជាធ្ងន់ធ្ងរបំផុតដោយចំនួនអ្នកស្លាប់ឡើងដល់ជាង៦០នាក់ ហើយមនុស្សយ៉ាងតិច៨០នាក់រងរបួស។
ស្នងការជាន់ខ្ពស់អ.ស.បខាងជនភៀសខ្លួននិងបណ្ដាអង្គការក្រៅរដ្ឋាភិបាល ជួបប្រទះនឹងគ្រោះមហន្តរាយមនុស្សធម៌មួយ ប៉ះពាល់ដល់ពួកអន្តោប្រវេសន៍ច្រើនពាន់នាក់ ដែលជាប់ផុងដោយសង្គ្រាមនៅលីប៊ី ព្រមទាំងរបាំងដែលដាក់ដោយពួកអឺរ៉ុបក្នុងសមុទ្រមេឌីទែរ៉ាណេ។ ពួកអន្តោប្រវេសន៍ភាគច្រើនត្រូវឃាត់ក្នុងសមុទ្រដោយពួកឆ្មាំឆ្នេរសមុទ្រលីប៊ី ក្រោមអាជ្ញាធរក្រុងទ្រីប៉ូលី។
ប្រសិនបើពួកអន្តោប្រវេសន៍អាចនៅរស់រានមានជីវិត នោះពួកគេត្រូវបានគេវាស់ដីឲ្យដើរ ហើយជួនកាលត្រូវគេចាប់បង្ខំឲ្យធ្វើជាទាសករ ដូចជាសេចក្ដីរាយការណ៍របស់ទូរទស្សន៍អាមេរិកCNN បង្ហាញកាលពីឆ្នាំ២០១៧ដូច្នោះដែរ៕ (កែសម្រួលដោយ ៖ បុប្ផា)
ចែករំលែកព័តមាននេះ