សហរដ្ឋអាមេរិក ៖ ការរញ្ជួយដីខ្លាំងមួយមានកម្លាំង៦,៤រីស្ទ័រ កើតមានកាលពីថ្ងៃទី៤ ខែកក្កដា ឆ្នាំ២០១៩ នៅកាលីហ្វ័រនីញ៉ា សហរដ្ឋអាមេរិក។ នោះជាការរញ្ជួយដីខ្លាំងមួយក្នុងតំបន់នេះ ចាប់តាំងពីឆ្នាំ១៩៩៩មក។…
សហរដ្ឋអាមេរិក ៖ ការរញ្ជួយដីខ្លាំងមួយមានកម្លាំង៦,៤រីស្ទ័រ កើតមានកាលពីថ្ងៃទី៤ ខែកក្កដា ឆ្នាំ២០១៩ នៅកាលីហ្វ័រនីញ៉ា សហរដ្ឋអាមេរិក។ នោះជាការរញ្ជួយដីខ្លាំងមួយក្នុងតំបន់នេះ ចាប់តាំងពីឆ្នាំ១៩៩៩មក។
ការញ័ររញ្ជួយកើតមាននាវេលាម៉ោង១០និង៣៣នាទីម៉ោងក្នុងស្រុក ដោយចំណុចកណ្ដាលរបស់វា មានជម្រៅ៨,៧គីឡូម៉ែត្រ ស្ថិតក្នុងតំបន់ SEARLES VALLEY ចម្ងាយប្រមាណ២៤០គីឡូម៉ែត្រភាគឦសាន ទីក្រុងឡូសអេនចឺឡេស។ ជិតចំណុចកណ្ដាលនៃការរញ្ជួយដីនេះ មានទីក្រុងតូចមួយ គឺទីក្រុងRIDGECREST មានប្រជាជន30.០០០នាក់ ព្រមទាំងមូលដ្ឋានយោធាមួយរបស់កងម៉ារីនអាមេរិក NAVAL AIR WEAPONS STATION CHINA LAKE។
អ្នកទទួលខុសត្រូវម្នាក់នៃមូលដ្ឋាននោះរៀបរាប់ពីការខូចខាតសំខាន់នានា។ មានភ្លើងឆាបឆេះ ការធ្លាយទឹក និងធ្លាយផលិតផលមានគ្រោះថ្នាក់នានា។ មូលដ្ឋានយោធានោះរងការខូចខាត ហើយមានអគ្គិភ័យនានានៅតាមកន្លែងខ្លះ។
ពួកអ្នកពន្លត់ភ្លើងនៃតំបន់ KERN ដែលមានទីក្រុង RIDGECREST គូសបញ្ជាក់តាម TWITTER ថា ទទួលការហៅឲ្យជួយធ្វើអន្តរាគមន៍ចំនួន២០លើក ហើយមានភ្លើងឆេះអគារនានាក្នុង និងជុំវិញទីក្រុងនោះ តែពុំបាននិយាយពីជនរងគ្រោះឡើយក្នុងដំណាក់កាលនេះ។ ចំណែកពួកអ្នកពន្លត់ភ្លើងនៃទីក្រុងSAN BERNADINO ជិតខាង គូសបញ្ជាក់ពីការខូចខាតផ្លូវថ្នល់មួយចំនួន និងការប្រេះអគារនានា។ បំពង់បង្ហូរទឹកស្អាតត្រូវដាច់ហើយខ្សែអគ្គិសនីក៏រងការខូចខាតដែរ និងមានការធ្លាក់ថ្មលើផ្លូវថ្នល់មួយចំនួនតែពុំមានអ្នករងរបួសឡើយ។
ការរញ្ជួយដីនេះមានរយៈពេលច្រើនវិនាទី ហើយញ័ររង្គើរដល់ទីក្រុងឡូសអេនចឺឡេស។ ២ម៉ោងក្រោយការរញ្ជួយដីនោះ ប្រធានាធិបតីអាមេរិកលោកដូណាល់ត្រាំអះអាងថា លោកត្រូវបានគេរាយការណ៍ពីការរញ្ជួយដីនោះនៅភាគខាងខាងត្បូងកាលីហ្វ័រនីញ៉ា។ អ្វីៗហាក់ដូចជាស្ថិតក្រោមការត្រួតត្រា៕ (កែសម្រួលដោយ ៖ បុប្ផា) (ប្រភពវីដេអូ ៖ gervais côté)
ចែករំលែកព័តមាននេះ