រាជធានីភ្នំពេញ ៖ ជនរងគ្រោះបានអះអាងថា ម៉ូតូស៊េរីទំនើប១គ្រឿង ដោយគ្រាន់តែទុកនៅមុខផ្ទះមួយភ្លែច ពោលគឺប្រមាណ១០នាទីប៉ុណ្ណោះ ស្រាប់តែចេញមកបំណងយកម៉ូតូចូលទៅផ្ទះវិញនោះ ក៏ស្រាប់តែម៉ូតូត្រូវបានចោរកាច់សោ.កយកទៅបាត់ភ្លាមៗតែម្តង។ ហេតុការណ៍នេះបានកើតឡើងកាលពីវេលាម៉ោង៦និង១០នាទីល្ងាច ថ្ងៃទី៤ មករា ២០១៤ ស្ថិតនៅក្រោយផ្សារទឹកថ្លា ក្នុង
រាជធានីភ្នំពេញ ៖ ជនរងគ្រោះបានអះអាងថា ម៉ូតូស៊េរីទំនើប១គ្រឿង ដោយគ្រាន់តែទុកនៅមុខផ្ទះមួយភ្លែច ពោលគឺប្រមាណ១០នាទីប៉ុណ្ណោះ ស្រាប់តែចេញមកបំណងយកម៉ូតូចូលទៅផ្ទះវិញនោះ ក៏ស្រាប់តែម៉ូតូត្រូវបានចោរកាច់សោ.កយកទៅបាត់ភ្លាមៗតែម្តង។ ហេតុការណ៍នេះបានកើតឡើងកាលពីវេលាម៉ោង៦និង១០នាទីល្ងាច ថ្ងៃទី៤ មករា ២០១៤ ស្ថិតនៅក្រោយផ្សារទឹកថ្លា ក្នុងភូមិស្លែងរលើង សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
ជនរងគ្រោះឈ្មោះហួរ តៃហាក់ ភេទប្រុស អាយុ២៣ឆ្នាំ មានទីលំនៅចំណុចកើតហេតុខាងលើបានត្រឹមតែគ្រវីក្បាលហួសចិត្ត និងនឹកស្មានមិនដល់ថា ចោរថ្លើមធំនៅចំណោមមនុស្សអ៊ូរអរសោះ ហ៊ានលួចយកម៉ូតូ ។
ជនរងគ្រោះបាននិយាយថា មុនពេលកើតហេតុ គាត់បានជិះម៉ូតូម៉ាកហ្វីណូ ពណ៌ផ្កាឈូក ពាក់ស្លាកលេខភ្នំពេញ 1T-2582 ត្រឡប់ពីធ្វើការ និងបានចតនៅមុខផ្ទះ រួចហើយបានចូលទៅខាងក្រោយផ្ទះតែ១ភ្លែតតែប៉ុណ្ណោះ ប៉ុន្តែពេលចេញមកវិញ បម្រុងយកម៉ូតូចូលទៅក្នុងផ្ទះវិញ ស្រាប់តែចោរកាត់សោ.កលួចយកទៅបាត់តែម្តង ។ ជនរងគ្រោះបានបញ្ជាក់ថា ក្រោយម៉ូតូត្រូវចោរលួចទៅបាត់ គាត់បានត្រឹមតែទៅដាក់ពាក្យបណ្តឹងនៅការិយាល័យប៉ូលិសប៉ុស្តិ៍ទឹកថ្លាតែប៉ុណ្ណោះ ដោយគ្មានសង្ឃឹមនោះទេ ។
អ្នកភូមិនៅចំណុចបាត់ម៉ូតូខាងលើ បានឱ្យដឹងថា ទាំងយប់ទាំងថ្ងៃនៅខាងក្រោយផ្សារទឹកថ្លានេះកើតចោរហារយខ្លាំងណាស់ ពួកគេបានស្តីបន្ទោសទៅមេប៉ូលិសប៉ុស្តិ៍ទឹកថ្លាថា អសមត្ថភាពក្នុងការការពារសន្តិសុខ និងសុវត្ថិភាពជូនអ្នកភូមិ ។
ចែករំលែកព័តមាននេះ