សន្ទុក= លោកជំទាវ ខៀវ ស៊ីណា ជា ចាន់តូ អនុប្រធានកិត្តិយសសាខាកាកបាទក្រហមកម្ពុជា
ខេត្តកំពង់ធំ រួមនឹងក្រុមការងារស្ត្រីនៅថ្ងៃទី២៧ មិថុនា ឆ្នាំ២០១៩ បាននាំយកទៀនព្រះវស្សា គ្រឿងបរិក្ខារ ព្រមទាំងបច្ច័យមួយចំនួនទៀតទៅវេប្រគេនព្រះសង្ឃដែលនឹងខិតចូលមកនៅថ្ងៃ១ រោចខែអាសាឍ ឆ្នាំកុរឯកស័ក ពុទ្ធសករាជ ២៥៦៣ ត្រូវនឹងថ្ងៃទី១៧ ខែកក្កដា ឆ្នាំ២០១៩ ខាងមុខដល់វត្តចំនួន ៤៥ ស្ថិតក្នុងស្រុកសន្ទុក ខេត្តកំពង់ធំ ទៅតាមទំនៀមទម្លាប់ប្រពៃណីព្រះពុទ្ធសាសនា។
នៅក្នុងឱកាសដែលលោកជំទាវនាំទៀនព្រះវស្សា គ្រឿងបរិក្ខារ និងបច្ច័យទៅប្រគេនដល់វត្តចំនួន៤៥ក្នុងស្រុកសន្ទុក ខេត្តកំពង់ធំនោះ ជំទាវ ខៀវ ស៊ីណា ជា ចាន់តូ បានមានប្រសាសន៍បានគូសបញ្ជាក់ថា÷មនុស្សគ្រប់រូបៗត្រូវការជាចាំបាច់នូវសេចក្ដីសុខទាំងផ្លូវកាយ និង ផ្លូវចិត្ត ដោយមិនអាចអត់សេចក្ដីសុខមួយណាបានឡើយ។
លោកជំទាវបានបន្តទៀតថា÷ការស្វែងរកសេចក្ដីសុខសម្រាប់មនុស្សម្នាក់ៗ គឺមានការលំបាកណាស់ហើយប្រសិនណាយើងមិនមានការជឿជាក់ និងមានសេចក្ដីស្ងប់ក្នុងចិត្ត និងស្គាល់ពីតម្លៃពិតនៃសេចក្ដីសុខទេ ក៏មិនទទួលបានសេចក្ដីសុខមកជាក់ខ្លួនយើងបានដែរ។ យ៉ាងណាម៉ិញក្នុងសង្គមគ្រួសារមួយបើយើងមិនសន្សំនិងព្យាយាមប្រឹងប្រែងស្វែងរកដោយខ្លួនយើងទេ គ្រួរសារយើងក៏មិនអាចទទួលបាននូវសេចក្ដីសុខ និងមានសុភមង្គលដែរ។ ដូចនេះយើងម្នាក់ៗត្រូវធ្វើអំពើដែលជាកុសល និងស្គាល់គុណទោស កុំលុះតាមឧបាយផ្សេងៗដែលបំផ្លាញនូវសេចក្ដីសុខដែលបានខិតខំសន្សំនោះជាដាច់ខាត។
ហើយអ្វីដែលយើងត្រូវការទៀតនោះ គឺសុខសន្តិភាពដែលប្រទេសជាតិទទួលបានក្រោមការដឹកនាំរបស់រាជរដ្ឋាភិបាលដែលកើតចេញពីនយោបាយឈ្នះ ឈ្នះ សម្ដេចតេជោ ហ៊ុន សែន សព្វថ្ងៃនេះគឺមានតម្លៃធំធេងណាស់ដែលបង្កឱកាសគ្រប់បែបយ៉ាងសម្រាប់ការរស់នៅ ការរកទទួលទានចិញ្ចឹមជីវិត គឺសុទ្ធ
តែនាំឲ្យយើងមានសេចក្ដីសុខ ផ្លូវចិត្តព្រោះរយៈនេះបានបង្កឲ្យយើងបានធ្វើបុណ្យទានតាមការ ប៉ងប្រាថ្នាសម្រាប់ក្នុងផ្លូវលោក និងក្នុងផ្លូវព្រះពុទ្ធសាសនា។
លោកជំទាវ ខៀវ ស៊ីណា ជា ចាន់តូ នូវបានលើកឡើងទៀតថា÷ ដោយមើលឃើញអំពីតម្លៃ និងតួនាទីរបស់វិស័យព្រះពុទ្ធសាសនានោះ រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជាប្រមុខ បានចាត់ទុកព្រះពុទ្ធសាសនា ជាសាសនារបស់រដ្ឋ ដែលក្នុងនោះមានប្រជាពលរដ្ឋខ្មែរជាង ៩៥ ភាគរយជាអ្នកគោរពប្រតិបត្តិព្រះពុទ្ធសាសនា។ ម្យ៉ាងវិញទៀត កាលណាវិស័យអាណាចក្រមានការរីក
ចម្រើន វិស័យពុទ្ធចក្រក៏មានការរីកចម្រើនជឿលឿនដូចគ្នាដែរ ។ ដូចនេះត្រូវចូលរួមថែរក្សាការពារសាសនា និងសុខសន្តិភាពដែលកម្ពុជាមានដ៏លំបាកនេះឲ្យបានគង់វង្សជានិច្ចនិរន្តទុកឲ្យកូនចៅជំនាន់ក្រោយៗបន្តបន្ទាប់ទៀតបានគោរពប្រតិបត្តិ។
ទៀនព្រះវស្សា គ្រឿងឧបភោគ បរិភោគ បរិក្ខារ និងបច្ច័យដែលបានវេរប្រគេនព្រះសង្ឃដែលគង់ចាំព្រះវស្សាអស់កាលត្រីមាសសម្រាប់វត្តទាំង៤៥ក្នុងស្រុកសន្ទុកនាពេលនោះក្នុងមួយវត្តៗ ទទួលបាន៖ទៀនព្រះវស្សា១គូរ អង្ករ មី ត្រីខ ទឹកដោះគោ ទឹកសុទ្ធ ទឹកក្រូចទឹកត្រី ទឹកស៊ីអុីវ អំបិល ប៊ីចេង តែ កាហ្វេ និង បច្ច័យមួយចំនួនផងដែរ ក្នុងនោះក៏បានផ្ដល់ទានជាថវិកាក្រណាត់សជូនដល់ លោកតាអាចារ្យតាមវត្ត និងបានជូនថវិកាសម្រាប់ដឹកជញ្ជូនផងដែរ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ