រាជធានីភ្នំពេញ ៖ ពីមួយថ្ងៃទៅមួយថ្ងៃតម្រូវការនៃការប្រើប្រាស់យានយន្តចេះតែមានការកើនឡើងជាលំដាប់ ដូច្នេះហើយអ្នកប្រើប្រាស់តែងតែទិញ ឬបង់រំលស់យានយន្តគ្រប់ប្រភេទយកមកប្រើប្រាស់ដើម្បីជាមធ្យោបាយធ្វើដំណើរប្រចាំថ្ងៃ។ ជាមួយគ្នានេះដែរ ដើម្បីជាការផ្តល់ជូនពិសេសដល់អតិថិជនរបស់ខ្លូន ក្រុមហ៊ុន លី ហួរ លីស៊ីង ដែលជាក្រុមហ៊ុនឈានមុខគេនៅកម្ពុជាក្នុងការលក់ និងបង់រំលស់រថយន្ត ម៉ូតូ ទូទាំង ២៥ ខេត្ត-ក្រុង បានផ្តល់ជូននូវកម្មវិធីពិសេសមួយដែលមានឈ្មោះថា «ទិញឡានឈ្នះដំណើរកម្សាន្តទៅសិង្ហបុរី-ម៉ាឡេស៊ី» ។
គោលបំណងនៃការផ្តល់ជូននេះ គឺរាល់អតិថិជនដែលទិញរថយន្តនៅក្រុមហ៊ុនដោយផ្ទាល់ ឬទិញនៅហាងលក់រថយន្តផ្សេងទៀតដោយគ្រាន់តែប្រើប្រាស់សេវារំលស់របស់ក្រុមហ៊ុន ចាប់ពីថ្ងៃនេះ រហូតដល់ថ្ងៃទី ៣០ ខែ កញ្ញា ឆ្នាំ ២០១៩ នឹងមានឱកាសឈ្នះដំណើរកម្សាន្តទៅប្រទេសសិង្ហបុរី-ម៉ាឡេស៊ី ចំនួន ៣ យប់ ៤ ថ្ងៃ ដែលរង្វាន់ផ្តល់ជូនសរុបមានរហូតដល់ ២០ នាក់ ក្នុងនោះរាប់បញ្ចូលទាំងដៃគូម្នាក់ដែលអតិថិជនអាចនាំទៅជាមួយបានផងដែរ ។
អ្នកស្រី សាន សោម៉ានី នាយិកាប្រតិបត្តិស្តីទីរបស់ក្រុមហ៊ុន លី ហួរ លីស៊ីង បានឱ្យដឹងថា ការផ្តល់ជូននូវកម្មវិធីពិសេសនេះ ត្រូវបានធ្វើឡើងក្នុងគោលបំណងឆ្លើយតបទៅនឹងភាពរីកចម្រើនជាបន្តបន្ទាប់របស់ក្រុមហ៊ុន ក៏ដូចជាផ្តល់ជូននូវអត្ថប្រយោជន៍បន្ថែមកាន់តែច្រើនទៅកាន់អតិថិជនទាំងអស់ដែលតែងជឿជាក់ និងគាំទ្រហើយប្រើប្រាស់សេវារបស់ក្រុមហ៊ុន។
អ្នកស្រីបន្ថែមថា បើទោះបីអតិថិជនសម្រេចចិត្តមកប្រើប្រាស់សេវារបស់ក្រុមហ៊ុនជាច្រើនតាមរយៈការពេញចិត្តនូវគុណភាពរបស់ផលិតផលរួមជាមួយនឹងតម្លៃសមរម្យ ក៏ដូចជាតម្លាភាពក្នុងការផ្តល់ជូនសេវាយ៉ាងណាក៏ដោយ លោកស្រីយល់ថា ការផ្តល់ជូនកម្មវិធីពិសេសនេះ នឹងធ្វើឱ្យអតិថិជនមានការចងចាំល្អៗបន្ថែមទៀតអំពីក្រុមហ៊ុន ក៏ដូចជាបង្ហាញពីការយកចិត្តទុកដាក់ខ្លាំងរបស់ក្រុមហ៊ុនចំពោះគ្រប់អតិថិជន និងចាត់ទុកអតិថិជនជាដៃគូអាជីវកម្មរយៈពេលវែងរបស់ខ្លួន ។
គួរបញ្ជាក់ថា លី ហួរ លីស៊ីង គឺជាក្រុមហ៊ុនបុត្រសម្ព័ន្ធរបស់ក្រុមហ៊ុន លី ហួរ គ្រុប ដែលទទួលបានអាជ្ញាប័ណ្ណប្រកបអាជីវកម្មភតិសន្យាហិរញ្ញវត្ថុជាផ្លូវការពីធនាគារជាតិ នៃកម្ពុជា កាលពីថ្ងៃទី ០៨ ខែមេសា ឆ្នាំ ២០១៦ ៕
ទំនាក់ទំនងក្រុមហ៊ុន៖
ទូរស័ព្ទ៖ 023 900 779 / 061 558 989 / 081 558 989
គេហទំព័រ៖ www.lyhourleasing.com
Facebook: www.facebook.com/lyhourleasing
Youtube: www.youtube.com/watch?v=xCzTPnor_E0 ។ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ