ប្រទេសរុស្ស៊ី ៖ មនុស្សជាង១០០០នាក់ កាលពីថ្ងៃទី១២មិថុនា បានប្រមូលផ្ដុំគ្នានាកណ្ដាលក្រុងមូស្គូ ក្នុងក្របខណ្ឌនៃបាតុកម្មគ្មានការអនុញ្ញាតមួយ ប្រឆាំងការរំលោភបំពានរបស់ពួកប៉ូលិស និងដើម្បីសម្ដែងការគាំទ្រ ចំពោះអ្នកកាសែតលោកអុីវ៉ានហ្គោលូណូវ ដែលទទួលការចោទប្រកាន់យ៉ាងអយុត្តិធម៌ពីបទរត់ពន្ធគ្រឿងញៀន ប៉ុន្តែទីបំផុតការចោទប្រកាន់នោះត្រូវលុបចោលវិញហើយរូបលោកត្រូវបានដោះលែង។
១២ម៉ោងក្រោយការដោះលែងអ្នកកាសែតរូបនេះ កងកម្លាំងសន្តិសុខរុស្ស៊ីបានចាប់ខ្លួនមនុស្សច្រើនរយនាក់ នៅក្រុងមូស្គូកាលពីថ្ងៃទី១២មិថុនា នាឱកាសនៃបាតុកម្មមួយគាំទ្រអ្នកកាសែតលោកអុីវ៉ានហ្គោលូណូវ ដោយគ្មានការអនុញ្ញាតពីសាលាក្រុងមូស្គូ។
ក្នុងចំណោមអ្នកត្រូវចាប់ខ្លួនមានអ្នកកាសែតរុស្ស៊ី និងបរទេសជាច្រើនសិបនាក់។ យោងតាមអង្គការក្រៅរដ្ឋាភិបាលមួយថា មនុស្សដល់ទៅ៤០០នាក់ត្រូវចាប់ខ្លួន ក្នុងចំណុចជាច្រើននៃរដ្ឋធានី៕ (កែសម្រួលដោយ ៖ បុប្ផា)
ចែករំលែកព័តមាននេះ