ប្រទេសកូរ៉េខាងជើង ៖ កាសែតអាមេរិកWALL STREET JOURNALរាយការណ៍កាលពីថ្ងៃទី១០មិថុនាថា លោកគីមយ៉ុងណាមបងប្រុសម្ដាយទីទៃ របស់មេដឹកនាំកូរ៉េខាងជើងលោកគីមជុងអ៊ុន ដែលត្រូវគេធ្វើឃាតដោយអាថ៌កំបាំងនៅម៉ាឡេស៊ី ជាអ្នកផ្ដល់ព័ត៌មានដល់ភ្នាក់ងារស៊ើបការណ៍អាមេរិកCIA។ ដកស្រង់ប្រភពច្បាស់ការណ៍មួយក្នុងផ្ទៃCIAកាសែតនោះអះអាងថា…
ប្រទេសកូរ៉េខាងជើង ៖ កាសែតអាមេរិកWALL STREET JOURNALរាយការណ៍កាលពីថ្ងៃទី១០មិថុនាថា លោកគីមយ៉ុងណាមបងប្រុសម្ដាយទីទៃ របស់មេដឹកនាំកូរ៉េខាងជើងលោកគីមជុងអ៊ុន ដែលត្រូវគេធ្វើឃាតដោយអាថ៌កំបាំងនៅម៉ាឡេស៊ី ជាអ្នកផ្ដល់ព័ត៌មានដល់ភ្នាក់ងារស៊ើបការណ៍អាមេរិកCIA។
ដកស្រង់ប្រភពច្បាស់ការណ៍មួយក្នុងផ្ទៃCIAកាសែតនោះអះអាងថា លោកគីមយ៉ុងណាមមានទំនាក់ទំនងជាមួយភ្នាក់ងារស៊ើបការណ៍អាមេរិកនោះ។ ទោះបីភាពលម្អិតនៅមិនច្បាស់ តែលោកគីមយ៉ុងណាមបានជួបជាច្រើនលើកជាមួយបណ្ដាសមាជិកCIA។
ចំណែកអតីតអ្នកទទួលខុសត្រូវអាមេរិកជាច្រើនរូបនិយាយថា បងប្រុសលោកគីមជុងអ៊ុនដែលរស់នៅក្រៅស្រុករយៈពេលច្រើនឆ្នាំ ហើយពុំមានមូលដ្ឋានណាមួយដែលគេដឹងនៅក្រុងព្យុងយ៉ាង ប្រហែលជាពុំមានលទ្ធភាពគ្រប់គ្រាន់ ផ្ដល់ភាពលម្អិតនានាស្ដីពីកិច្ចដំណើរការផ្ទៃក្នុងរបស់ប្រទេសលោកឡើយ។
ម្យ៉ាងវិញទៀតលោកគីមយ៉ុងណាមដែលរស់នៅនិរទេស ពិតណាស់មានទំនាក់ទំនងជាមួយភ្នាក់ងាររបស់ប្រទេសឯទៀតៗពិសេសចិន។ ជនសង្ស័យ២នាក់លើការធ្វើឃាតលោកគីមយ៉ុងណាមត្រូវបានម៉ាឡេស៊ីដោះលែងអស់ហើយ៕ (កែសម្រួលដោយ ៖ បុប្ផា)
ចែករំលែកព័តមាននេះ