ប្រទេសអុីរ៉ង់ ៖ ក្នុងពិធីមួយកាលពីថ្ងៃទី៩មិថុនានៅក្រុងតេហេរ៉ង់ រដ្ឋមន្ត្រីការពារប្រទេសអុីរ៉ង់ លោកAMIR HATAMI បានបង្ហាញប្រព័ន្ធការពារប្រឆាំងមីស៊ីលថ្មី ផលិតដោយខ្លួនឯង ឈ្មោះHORDAL15។
តាមទីភ្នាក់ងារព័ត៌មានអុីរ៉ង់TASNIMថា ប្រព័ន្ធអាវុធនេះ អាចវាយប្រហារគោលដៅជាច្រើនជាមួយមីស៊ីលអុីរ៉ង់SAYYAD3។ ប្រព័ន្ធនោះអាចចាប់ឃើញគោលដៅផ្សេងៗ ក្នុងនោះរួមទាំងបណ្ដាយន្តហោះយោធានិងដ្រូនក្នុងរង្វង់១៥០គីឡូម៉ែត្រ ហើយតាមដានគោលដៅទាំងនោះក្នុងចម្ងាយ១២០គីឡូម៉ែត្រ។
តាមលោកAMIR HATAMIថាក្រៅពីនេះប្រព័ន្ធការពារថ្មី ក៏អាចចាប់បានដែរបណ្ដាគោលដៅពិបាកមើលឃើញច្បាស់ក្នុងរង្វង់៨៥គីឡូម៉ែត្រ។ ប្រព័ន្ធនេះអាចស្ទាក់កម្ទេចដំណាលគ្នាគោលដៅដល់ទៅ៦។
ភាពងាយចល័តរបស់ប្រព័ន្ធនេះអាចឲ្យកងយោធារៀបចំបានល្អការវាយប្រហារបណ្ដាគោលដៅបាន ដោយប្រើពេលខ្លីមិនដល់៥នាទីផង។ លោកបន្តថាប្រព័ន្ធHORDAL15បានប្រគល់ជាផ្លូវការដល់កងទ័ពអីុរ៉ង់ប្រើប្រាស់រួចហើយ៕ (កែសម្រួលដោយ ៖ បុប្ផា)
ចែករំលែកព័តមាននេះ