តាមប្រភពពីShanghaiist បានឱ្យដឹងថា បុរសម្នាក់សុខចិត្តតែងខ្លួនធ្វើជាតួកំប្លែង (Clown) ដើរលក់ប៉េងប៉ោងឱ្យក្មេងលេង ដើម្បីរកលុយមកព្យាបាលកូនស្រីអាយុ២ឆ្នាំ ដែលកនាងកំពុងមានជំងឺពិការខួរ ក្បាល ។ លោក Tu Xiancheng កាលពីខែតុលាមុន កូនស្រីរបស់លោកបានធ្លាក់ពីលើគ្រែ។
ក្រោយពីកើតរឿងនេះមក គ្រូពេទ្យបានរកឃើញថា នាងមានរបួសខួរក្បាល (ហូរឈាមក្នុងខួរក្បាល និង ពិការខួរក្បាល) ដែលធ្វើឱ្យនាងងងឹតភ្នែក និងពិការ ។ ការព្យាបាលទាមទាររយៈពេលយូរមែនទែន ដើម្បីឱ្យមានភាពប្រសើរវិញ។
អស់រយៈពេល៥ខែកន្លងមកនេះ Tu និងប្រពន្ធរបស់លោក បានចំណាយប្រាក់២.៩០០០ដុល្លារអាមេរិក ដើម្បីព្យាបាលកូនស្រី នៅពេលនេះ ក្នុងមួយថ្ងៃ គេត្រូវចំណាយប្រាក់៧២ដុល្លារ ដើម្បីព្យាបាល ។ នៅថ្ងៃមុន វានឹងអាចកើនដល់១៤៤ដុល្លារក្នុងមួយថ្ងៃ ។ បងប្អូនសាច់ញាតិរបស់លោកបានប្រាប់ឱ្យលោកបោះបង់ការព្យាបាលកូនស្រីទៅ ព្រោះតែនាងគឺជាបន្ទុកយ៉ាងធ្ងន់ ធ្វើឱ្យគ្រួសារពិបាករកលុយ ។
លោក Tu បានប្រកែក ហើយប្រាប់ថា៖«កាលណាបើខ្ញុំនៅមានជីវិត ខ្ញុំនឹងមិនបោះបង់ចោលកូនស្រី
ខ្ញុំទេ»។ ដូចនេះ ជារៀងរាល់ថ្ងៃ លោក Tu ត្រូវដើរលក់ប៉េងប៉ោងក្នុងឈុតជាអ្នកកំប្លែង ដើម្បីទាក់ទាញអ្នកទិញ ។
នៅស្រុកចិនមានព័ត៌មានច្រើនណាស់កន្លងមក ទាក់ទងនឹងមនុស្សហ៊ានដើរលក់គ្រប់បែបយ៉ាង ឱ្យតែបានលុយមកព្យាបាលមនុស្សជាទីស្រឡាញ់ ៕
ចែករំលែកព័តមាននេះ