ស្ថានទូតម៉ាឡេស៊ីប្រចាំក្រុងភ្នំពេញរៀបចំពិធីស្រាយបួស «AIDILFITRI 2019»ស្វាគមន៍មនុស្សគ្រប់ទិសទី
- ភ្នំពេញ
ថ្ងៃទី៥ ខែមិថុនា ឆ្នាំ២០១៩ គឺជាថ្ងៃនៃខែ Syawal និងជាថ្ងៃក្នុងឱកាសនៃការប្រារព្ធពិធី Hari Raya Aidilfitri ឬ…
ថ្ងៃទី៥ ខែមិថុនា ឆ្នាំ២០១៩ គឺជាថ្ងៃនៃខែ Syawal និងជាថ្ងៃក្នុងឱកាសនៃការប្រារព្ធពិធី Hari Raya Aidilfitri ឬ…
ថ្ងៃទី៥ ខែមិថុនា ឆ្នាំ២០១៩ គឺជាថ្ងៃនៃខែ Syawal និងជាថ្ងៃក្នុងឱកាសនៃការប្រារព្ធពិធី Hari Raya Aidilfitri ឬ Eid Mubarak ។ ជាមួយគ្នានេះដែរស្ថានទូតម៉ាឡេស៊ីនៅក្រុងភ្នំពេញបានរៀបចំពិធីស្រាយបួស «Aiddilfitri 2019» នៅអគារ Dewan Malaysia ។
នៅក្នុងពិធីនេះផងដែរមានការចូលរួមពីជនជាតិម៉ាឡេស៊ីដែលមានអាស័យដ្ឋានក្នុងរាជធានីភ្នំពេញចំនួនប្រហែល២០០នាក់ ព្រមទាំងមន្ត្រីជាន់ខ្ពស់របស់រាជរដ្ឋាភិបាល និងតំណាងអ្នកការទូតជាច្រើនទៀត ។ ភ្ញៀវដែលចូលរួមទាំងអស់ទទួលបានការស្វាគមន៍ដោយម្ហូបអាហារចូលឆ្នាំជាច្រើនមុខដូចជា៖ Ketupat (បាយដំណើបខ្ចប់ស្លឹកដូង), Rendang (សាច់គោឆាហិរ និងសាច់មាន់), Nasi Beriani (បាយឥណ្ឌា), Satay (សាច់អាំងចង្កាក់) និងម្ហូបជាច្រើនមុខទៀត ។
សូមបញ្ជាក់ផងដែរថា Hari Raya Aisilfitri គឺជាឱកាសដ៏សំខាន់មួយនៅក្នុងប្រតិទិនអ៊ីស្លាម ដែលបានប្រារព្ធដោយសាសនិកអ៊ីស្លាមទូទាំងពិភពលោក ។ វាជាថ្ងៃបញ្ចប់នៃខែបួសដែលហៅថា រ៉ាម៉ាដាន ។ ក្នុងអំឡុងពេលបុណ្យរ៉ាម៉ាដាន សាសនិកអ៊ីស្លាមទូទាំងពិភពលោកត្រូវតែតមអាហារក្នុងអំឡុងពេលថ្ងៃក្នុងរយៈពេលយ៉ាងហោចណាស់៣០ថ្ងៃ ។ សាសនិកអ៊ីស្លាមប្រើប្រតិទិនច័ន្ទគតិ ដើម្បីកំណត់ថ្ងៃសំខាន់ៗដូចជា៖ Ramadan និង Syawal ដែលកើតឡើងក្នុងខែផ្សេងគ្នាក្នុងប្រតិទិន គ្រីកូរៀនជារៀងរាល់ឆ្នាំ ។
ក្នុងខែ Syawal សាសនិកអ៊ីស្លាមភាគច្រើនបើកទ្វារផ្ទះរបស់ពួកគេទទួលស្វាគមន៍មនុស្សគ្រប់គ្នាដោយមិនគិតពីជាតិសាសន៍ វប្បធម៌ និងតួនាទីឡើយ ដើម្បីចូលរួមសប្បាយរីករាយទាំងអស់គ្នា ។ ជាមួយគ្នានេះផងដែរស្ថានទូតម៉ាឡេស៊ី ក៏បើកទ្វារទទួលស្វាគមន៍មនុស្សគ្រប់ទិសទីដោយមិនគិតពីសាសនា តួនាទី ឬប្រវត្តិឡើយ ដើម្បីពង្រីកនូវការរួបរួមសហការ និងលើកកម្ពស់សមាហរណកម្មជាតិសាសន៍ ក៏ដូចជាការយល់ដឹងអំពីពិធីបុណ្យ និងវប្បធម៌ ៕កែសម្រួលដោយ ៖សុឃាក់
ចែករំលែកព័តមាននេះ