សហរដ្ឋអាមេរិក-កូរ៉េខាងជើង ៖ ប្រធានាធិបតីអាមរិកលោកដូណាល់ត្រាំអះអាងតាម TWITTER កាលពីថ្ងៃទី២៦ ឧសភាថា លោកនៅតែមានទំនុកចិត្តនៅឡើយចំពោះមេដឹកនាំកូរ៉េខាងជើងលោកគីមជុងអ៊ុន ទោះបីការចរចាលើការរំសាយនុយក្លេអ៊ែរ ជួបបញ្ហានិងមានការបាញ់សាកល្បងបណ្ដាមីស៊ីលនាពេលថ្មីៗនេះរបស់ក្រុងព្យុងយ៉ាងក្ដី។
លោកត្រាំបន្តថា កូរ៉េខាងជើងបានបាញ់សាកមីស៊ីលតូចៗប៉ុន្មានគ្រាប់ ដែលបានបង្កើតការរំខានមួយចំនួនក្នុងប្រទេសខ្ញុំនិងក្នុងប្រទេសឯទៀតៗ ប៉ុន្តែសម្រាប់ខ្ញុំនៅតែមានទំនុកចិត្តចំពោះលោកគីមជុងអ៊ុន។ លោកត្រាំអះអាងបែបនេះពេលលោកមកបំពេញទស្សនកិច្ចផ្លូវការ ក្នុងប្រទេសជប៉ុន។
ប្រធានាធិបតីអាមេរិកនិយាយម្យ៉ាងទៀតថា លោកអស់សំណើចចំពោះការប្រមាថនានា របស់ទីភ្នាក់ងារព័ត៌មានផ្លូវការកូរ៉េខាងជើង KCNA ប្រឆាំងអតីតប្រធានាធិបតីអាមេរិក លោកJOE BIDEN ដោយចាត់ទុកថាជាមនុស្សភ្លើនិងឡប់គ្រឿង ក្រោយពីធ្វើការរិះគន់នានា ប្រឆាំងមេដឹកនាំកូរ៉េខាងជើង។
លោកថាតើនោះជាសញ្ញានៃចេតនារបស់ខ្ញុំឬ? លោកJOE BIDENជាបេក្ខជនសម្រាំងនៃគណបក្សប្រជាធិបតេយ្យ ដែលសង្ឃឹមជាគូប្រជែងរបស់លោកត្រាំ ក្នុងការបោះឆ្នោតប្រធានាធិបតីអាមេរិក នាឆ្នាំ២០២០ខាងមុខនេះ៕ (កែសម្រួលដោយ ៖ បុប្ផា)
ចែករំលែកព័តមាននេះ