យោងតាមសារព័ត៌មាន gizmochina បានឱ្យដឹងថា ក្រុមហ៊ុនអេឡិចត្រូនិកជប៉ុន Panasonic បាននិយាយកាលពីថ្ងៃព្រហស្បតិ៍ ថាខ្លួនបានផ្អាកការដឹកជញ្ជូនគ្រឿងបន្លាស់មួយចំនួនទៅឱ្យក្រុមហ៊ុន Huawei ហើយបានបញ្ឈប់ប្រតិបត្តិការអាជីវកម្មទាំងអស់ជាមួយក្រុមហ៊ុនបន្ទាប់ពីការហាមឃាត់របស់អាមេរិកលើក្រុមហ៊ុន Huawei…
យោងតាមសារព័ត៌មាន gizmochina បានឱ្យដឹងថា ក្រុមហ៊ុនអេឡិចត្រូនិកជប៉ុន Panasonic បាននិយាយកាលពីថ្ងៃព្រហស្បតិ៍ ថាខ្លួនបានផ្អាកការដឹកជញ្ជូនគ្រឿងបន្លាស់មួយចំនួនទៅឱ្យក្រុមហ៊ុន Huawei ហើយបានបញ្ឈប់ប្រតិបត្តិការអាជីវកម្មទាំងអស់ជាមួយក្រុមហ៊ុនបន្ទាប់ពីការហាមឃាត់របស់អាមេរិកលើក្រុមហ៊ុន Huawei ។ ប៉ុន្តែក្រុមហ៊ុននេះបានសម្រេចចិត្តត្រលប់មកវិញជាមួយនិងសេចក្តីថ្លែងការណ៍របស់ខ្លូនថានឹងបន្តផ្គត់ផ្គង់គ្រឿងបន្លាស់ដល់ក្រុមហ៊ុនចិនដែលមានបញ្ហា ។
ក្រុមហ៊ុន Panasonic បានផ្ញើការជូនដំណឹងផ្ទៃក្នុងមួយថាខ្លួននឹងពន្យារពេលប្រតិបត្តិការជាមួយក្រុមហ៊ុន Huawei និងសាខា ៦៨ របស់ខ្លួនដែលត្រូវបានហាមឃាត់ដោយរដ្ឋាភិបាលសហរដ្ឋអាមេរិក ។ បន្ទាប់ពីពិនិត្យឱ្យបានដិតដល់ថាតើវាជាការរំលោភលើទណ្ឌកម្មរបស់សហរដ្ឋអាមេរិកដោយបន្តប្រតិបត្តិការជាមួយក្រុមហ៊ុន Huawei យ៉ាងណាក៏ដោយ Panasonic បានប្រកាសថានឹងធ្វើពាណិជ្ជកម្មដូចធម្មតាជាមួយក្រុមហ៊ុនចិននេះ ។
ក្រុមហ៊ុននេះបាននិយាយនៅក្នុងសេចក្តីថ្លែងការណ៍មួយថា «ក្រុមហ៊ុន Huawei តែងតែជាដៃគូដ៏សំខាន់ជាមួយក្រុមហ៊ុន Panasonic Corp» ។ «យើងនឹងបន្តលក់ទំនិញ និងផ្តល់សេវាកម្មដល់អតិថិជនចិនរបស់យើងដូចជាក្រុមហ៊ុន Huawei យោងទៅតាមច្បាប់ និងបទប្បញ្ញត្តិរបស់ប្រទេស និងតំបន់ដែលក្រុមហ៊ុន Panasonic Corp មានទីតាំងស្ថិតនៅ» ។ ដោយការជួយប្រទេសចិន យើងក៏នឹងជួយអាជីវកម្មរបស់យើងឱ្យរីកចម្រើននៅក្នុងប្រទេសចិនផងដែរ ៕
កែសម្រួលដោយ ៖ សំណាង
ចែករំលែកព័តមាននេះ