ល្បីថាទាស់គ្នាប៉ុន្តែគូស្នេហ៍តារាល្បី២រូបនេះជួបគ្នាក្នុងសណ្ឋាគារ
ភាពស្រស់ស្រាយរមែងពាក់ព័ន្ធលើរូបសម្រស់របស់គូស្នេហ៍នៅលើលោក ។ យ៉ាងណាមិញសម្រាប់លោកជេមី ហ្វុក (Jamie Foxx) តារាសំដែងដ៏ល្បី ជាមួយនាងខេធី ហូម (Katie…
ភាពស្រស់ស្រាយរមែងពាក់ព័ន្ធលើរូបសម្រស់របស់គូស្នេហ៍នៅលើលោក ។ យ៉ាងណាមិញសម្រាប់លោកជេមី ហ្វុក (Jamie Foxx) តារាសំដែងដ៏ល្បី ជាមួយនាងខេធី ហូម (Katie Holmes) ជាគូស្នេហ៍បានបង្ហាញខ្លួននៅក្នុងសណ្ឋាគារដែលលោកហ្វុកស្នាក់នៅ ។
អ្នកទាំង២មានដំណឹងថាស្រឡាញ់គ្នាយ៉ាងល្អូកល្អិនតាំងពីឆ្នាំ២០១៣ ហើយសម្ព័ន្ធភាពរបស់ពួកគេកាន់តែមានភាពស្អិតរមួតខ្លាំងឡើង ក្រោយពីនាងបានលែងលះជាមួយលោកថុម គ្រូសអតីតប្ដីរួចរាល់ ។
ទោះជាយ៉ាងណាក្ដីមួយរយៈក្រោយនេះមានពាក្យចចាមអារ៉ាមថាសម្ព័ន្ធភាពរបស់ពួកគេមានកើតភាពរកាំរកូសជារឿយៗ និងកាលពីពេលថ្មីៗនេះប្រភព «Radar» បានគូសបញ្ជាក់ថាពួកគេឈប់សេពគប់គ្នាហើយ ។
ប្រភពខាងលើមិនមែនជាការណ៍ពិត ខណៈពេលចុងក្រោយនេះពួកគេគូសបញ្ជាក់ថានៅតែល្អូកល្អិនគ្នា និងបញ្ជាក់ជាថ្មីព្រោះនាងហូមបានបង្ហាញខ្លួននៅឯសណ្ឋាគារជាមួយលោកហ្វុក ខណៈពេលពួកគេមិនបង្ហាញភាពលេចធ្លោណាមួយគួរឲ្យចាប់អារម្មណ៍ក៏ដោយ ប៉ុន្តែក៏មានគេថតរូបបានទុកជាតឹកតាង ៕
ចែករំលែកព័តមាននេះ