យោងតាមគេហទំព័របរទេស ចេញផ្សាយកាលពីថ្ងៃទី១៤ វិច្ឆិកា ឆ្នាំ២០១៣ ឱ្យដឹងថា តារាចម្រៀងកូរ៉េ កញ្ញា Ailee ជួបរឿងអាម៉ាស់បន្ទាប់ពីលេចធ្លាយរូបថតអាក្រាតលើប្រព័ន្ធ Online ដែលធ្វើឱ្យអ្នកគាំទ្រនាងទាំងអស់ភ្ញាក់ផ្អើលយ៉ាងខ្លាំង ។
យោងតាមគេហទំព័របរទេស ចេញផ្សាយកាលពីថ្ងៃទី១៤ វិច្ឆិកា ឆ្នាំ២០១៣ ឱ្យដឹងថា តារាចម្រៀងកូរ៉េ កញ្ញា Ailee ជួបរឿងអាម៉ាស់បន្ទាប់ពីលេចធ្លាយរូបថតអាក្រាតលើប្រព័ន្ធ Online ដែលធ្វើឱ្យអ្នកគាំទ្រនាងទាំងអស់ភ្ញាក់ផ្អើលយ៉ាងខ្លាំង ។
ភ្នាក់ងាររបស់តារាចម្រៀងវ័យ២៤ឆ្នាំរូបនេះ ដែលគ្រប់គ្រងផលិតកម្ម YMC ឱ្យដឹងថា ក្រុមហ៊ុននឹងចាត់វិធានការផ្លូវច្បាប់ដើម្បីស្វែងរកអ្នកចែកចាយរូបភាពនោះ ។ រូបថតស្រាតដែលមានភាពចម្រូងចម្រាសនោះ ត្រូវគេលួចថតមុនពេលនាងបង្ហាញខ្លួនក្នុងសហរដ្ឋអាមេរិក បន្ទាប់ពីនាងត្រូវផ្តល់ឱកាសឱ្យថតពាណិជ្ជកម្មខោទ្រនាប់ដែលជាម៉ាកដ៏ល្បីឈ្មោះមួយ ។
ភ្នាក់ងាររបស់នាងបានឱ្យដឹងទៀតថា ក្នុងកិច្ចសន្យាថតឈុតផ្សាយពាណិជ្ជកម្មខោទ្រនាប់ តារាចម្រៀងដែលនិយមស្លៀកពាក់សិចស៊ីរូបនេះ ត្រូវម្ចាស់ក្រុមហ៊ុនឱ្យថតស្រាតដើម្បីធ្វើពិសោធន៍សាកល្បងកាមេរ៉ា ហើយនាងជឿថា រូបថតទាំងនោះនឹងមិនត្រូវបែកធ្លាយទេ ។ ទោះជាយ៉ាងណាក្តី ក្រុមហ៊ុននេះមិនទាន់បានហៅនាងឱ្យថតឈុតផ្សាយពាណិជ្ជកម្មជាផ្លូវការនៅឡើយទេ ហើយគេជឿថាវាជាផែនការដែលគេបានរៀបចំទុកជាមុន ធ្វើឱ្យនាងជួបរឿងអាស្រូវបែបនេះ ។ ដោយឡែកផលិតកម្មរបស់នាងAilee សង្ឃឹមថា អ្នកគាំទ្រ និងមិត្តភក្តិរបស់នាង នឹងបន្តជួយគាំទ្រ ព្រមទាំងផ្តល់កម្លាំងចិត្តឱ្យ នាង ។ ទោះបីជាបែកធ្លាយរូបអាក្រាតយា៉ងណាក៏ដោយ នាងនឹងមានវត្តមានក្នុងកម្មវិធី Melon Music Award នៅថ្ងៃទី១៦ វិច្ឆិកា ២០១៣ ៕
ចែករំលែកព័តមាននេះ