រាជធានីភ្នំពេញ ៖ សម្តេច ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានស្នើឲ្យមានយន្តការទប់ស្កាត់ការចែកចាយ និងប្រើប្រាស់គ្រឿងញៀន ក្នុងសាលារៀនឲ្យម៉ឺងម៉ាត់ ហើយត្រូវរួមគ្នាទប់ស្កាត់ការចែកចាយគ្រឿងញៀនឲ្យអស់ត្រឹមឆ្នាំ២០១៩ ។ ថ្លែងក្នុងពិធីបញ្ចុះខណ្ឌសីមាព្រះវិហារថ្មី និងសម្ពោធសមិទ្ធផលនានា ក្នុងវត្តបុញ្ញខេត្តនារាម ហៅវត្តអន្លង់តាម៉ុក ខេត្តបាត់ដំបង ត្រូវមានយន្តការទប់ស្កាត់ និងការចែកចាយការប្រើប្រាស់គ្រឿនញៀននៅក្នុងសាលារៀនចាប់ថ្នាក់បឋមអនុវិទ្យាល័យ និងវិទ្យាល័យ នៅក្នុងសាលារៀនឲ្យបានម៉ឹងម៉ាត់ ។
សម្តេចបញ្ជាក់ថា «ខ្ញុំបានដាក់ប្តេជ្ញាចិត្តដោយបានដាក់ចេញបទបញ្ហាថា ឆ្នាំ២០១៩នេះត្រូវលុបបំបាត់ឲ្យបានដាច់ខាតនូវការចែកចាយការប្រើប្រាស់គ្រឿងញៀននៅក្នុងរង្គសាល និងកន្លែងកម្សាន្តសប្បាយនានា» ។ សម្តេចបន្តថា មានកន្លែងសប្បាយអាចកើតមាន ប៉ុន្តែមិនត្រូវឲ្យមានយកគ្រឿងញៀនទៅប្រើប្រាស់ និងចែកចាយនៅកន្លែងនឹងឲ្យសោះ ។ សម្តេចក៏បានលើកឡើងថា បទបញ្ជានេះមិនសំដៅទៅខេត្តណាមួយនោះទេ គឺត្រូវធ្វើនៅទូទាំងប្រទេសជាពិសេសនោះរាជធានីភ្នំពេញ ។
ឥឡូវនេះយើងឃើញថា នៅរាជធានីភ្នំពេញ បន្ទាប់ស្នងការរាជធានីភ្នំពេញចុះបង្ក្រាបបានប៉ុន្មានរង្គសាលមានភាពស្ងប់ ប៉ុន្តែមិនទាន់អស់នៅឡើយទេ ។ ជាមួយគ្នានោះដែរសម្តេចក៏បានអំពាវនាវដល់ប្រជាពលរដ្ឋចូលក្នុងការផ្តល់ព័ត៌មានពាក់ព័ន្ធនឹងកន្លែងប្រើប្រាស់ ចែកចាយ គ្រឿងមកសមត្ថកិច្ច ដើម្បីចុះទៅបង្គ្រាបឲ្យបានទាន់ពេលផងដែរ ៕
ចែករំលែកព័តមាននេះ