ខេត្តកពង់ធំ ៖ អនុប្រធានកិត្តិយសសាខាកាកបាទក្រហមកម្ពុជាខេត្តកំពង់ធំបានប្រគល់ផ្ទះថ្មីចំនួន៣ខ្នងជូនដល់គ្រួសារខ្វះខាតចំនួន៣គ្រួសាររស់នៅឃុំត្បូងក្រពើ និងឃុំជ្រាបស្ថិតក្នុងស្រុកសន្ទុក ខេត្តកពង់ធំ។
ផ្ទះថ្មីទាំង៣ខ្នងនេះគឺជាអំណោយដ៏ថ្លៃថ្លារប្រកបដោយទឹកចិត្តព្រហ្មវិហារធ៌មពោរពេញដោយក្ដីអាណិតស្រឡាញ់របស់សម្ដេចតេជោ ហ៊ុន សែន និងសម្ដេចកិត្តិព្រឹទ្ធ ប៊ុន រ៉ានី ហ៊ុន សែនប្រធានកាកបាទក្រហមកម្ពុជានេះត្រូវបានលោកជំទាវ ខៀវស៊ីណា ជា ចាន់តូ អនុប្រធានកិត្តិយសសាខាកាកបាទក្រហមកម្ពុជាខេត្តកំពង់ធំប្រគល់ជូននៅរសៀលថ្ងៃទី៣ ខែឧសភា ឆ្នាំ២០១៩ ។ ផ្ទះថ្មីទាំង៣ខ្នងនេះសាងសង់ដោយក្រុមការងារដឹកនាំដោយផ្ទាល់ពីលោកជំទាវខៀវស៊ីណា សង់ពីឈើប្រក់ស័ង្កសី មានទំហំ៤ម៉ែត្រគុណនឹង៦ម៉ែត្រ ។
លោកជំទាវ ខៀវស៊ីណា ជា ចាន់តូ បានបញ្ជាក់ថា ទោះបីស្ថិតក្នុងកាលៈទសៈណាក៏ដោយសម្ដេចទាំង២ពិសេសកាកបាទក្រហមកម្ពុជាដែលមានសម្ដេចកិត្តិព្រឹទ្ធ ប៊ុន រ៉ានី ហ៊ុន សែនប្រធាននោះលោកតែងតែគិតគូរ និងជួយដោះស្រាយដល់ការខ្វះខាតរបស់ប្រជាពលរដ្ឋក្រីក្រជានិច្ចដោយផ្ទាល់និងតាមរយៈក្រុមការងារ ។
លោកជំទាវបានបញ្ជាក់ដែរថា ដើមរំដោះខ្លួនចេញពីការខ្វះខាតបានលុះត្រាណាបងប្អូនមានការតស៊ូនិងខិតខំផ្ទាល់ពីខ្លួនយើងម្នាក់ៗតាមរយៈការចិញ្ចឹមសត្វ បង្កបង្កើនផលនិងការប្រកបមុខរបរបន្ថែមក្រៅពីធ្វើស្រែចម្ការ ។
នៅក្នុងឱកាសនោះលោកជំទាវ ខៀវ ស៊ីណា បានអំនាវដល់ប្រជាពលរដ្ឋឲ្យមានការប្រុងប្រយ័ត្នផខ្ពស់ចំពោះបញ្ហាសុខភាពផងដែរព្រោះរដូវនេះជារដូវក្ដៅងាយរងឆ្លងជម្ងឺផ្សេង ៗពិសេសបញ្ហារាករុះ ។ ពោលត្រូវរស់នៅប្រកបដោយអនាម័យគឺទទួលទានទឹកស្អាតនិងដាំពុះ ។
លោកជំទាវបានបន្តទៀតថា គ្រប់កាលៈទេសៈថ្នាក់ដឹកនាំពិសេសសម្ដេចតេជោ ហ៊ុន សែនតែងតែចុះជួយដោះស្រាយការខ្វះខាតរបស់ប្រជាពលរដ្ឋក្រីក្រយើងនៅទូទាំងប្រទេសដោយចាត់ទុកសុខទុក្ខរបស់ប្រជាពលរដ្ឋគឺជាទុក្ខលំបាករបស់ថ្នាក់ដឹកនាំគ្រប់ៗរូបដែលត្រូវតែមានការគាំពារយកចិត្តទុកដាក់ និងជួយឧបត្ថម្ភឲ្យទាន់ពេលវេលា ។ ដូចនេះបងប្អូនត្រូវជឿជាក់លើការដឹកនាំរបស់រាជរដ្ឋាភិបាលដែលមានសម្ដេចតេជោជាប្រមុខក្នុងនោះរួមទាំងកាកបាទក្រហមកម្ពុជាផងគឺគ្មានថ្ងៃណាបំភ្លេចនិងបោះបង់បងប្អូនចោលនោះឡើយ ។
ដើម្បីជាចំណងដៃក្នុងថ្ងៃទទួលបានផ្ទះថ្មីនេះដែរតាមរយៈលោកជំទាវ ខៀវ ស៊ីណា ជា ចាន់តូ សម្ដេចតេជោ ហ៊ុន សែន និងសម្ដេចកិត្តិព្រឹទ្ធ ប៊ុន រ៉ានី ហ៊ុន សែន បានផ្ដល់ជូននូវសម្ភារៈប្រើប្រាស់ និងថវិកាមួយចំនួនជូនដល់គ្រួសារដែលទទួលបានផ្ទះថ្មីទាំង៣គ្រួសារក្នុងនោះលោកជំទាវ និងក្រុមការងារផ្ដល់ថវិកាចំនួន១លានរៀលដើម្បីដល់គ្រួសារមួយដែលជំពាក់ថ្លៃដីគេនៅឃុំត្បូងក្រពើនោះផងដែរ ។
ដោយឡែកនៅរសៀលថ្ងៃដដែលនោះដែរលោកជំទាវក៏បាននាំយកបច្ច័យជាង៣លានរៀល ភេសជ្ជះ គ្រឿងឧបភោគ បរិភោគ និងសម្ភារៈប្រើប្រាស់ជាច្រើនមុខប្រគេនដល់ព្រះសង្ឃគង់នៅអាស្រមដែលស្ថិតនៅតំបន់សែនអភិវឌ្ឍន៍១ក្នុងឃុំទីពោផងដែរ ៕
ចែករំលែកព័តមាននេះ