រាជធានីភ្នំពេញ ៖ ជារឿយៗមន្ទីរពេទ្យរ៉ូយ៉ាល់ភ្នំពេញ តែងតែបង្ហាញពីវិធីសាស្ត្រនៃការព្យាបាលជំងឺដោយបច្ចេកវិទ្យាចុងក្រោយរបស់ខ្លួនទៅកាន់អ្នកជំងឺនិងអ្នកពាក់ព័ន្ធ ហើយកាលពីចុងសប្ដាហ៍កន្លងទៅនេះដែរ មន្ទីរពេទ្យមួយនេះក៏បានបង្ហាញពីការព្យាបាលជំងឺខួរឆ្អឹងខ្នង ដោយការវះកាត់ និងការព្យាបាល ការរងរបួសធ្ងន់ធ្ងរផ្នែកខួរក្បាល ។…
រាជធានីភ្នំពេញ ៖ ជារឿយៗមន្ទីរពេទ្យរ៉ូយ៉ាល់ភ្នំពេញ តែងតែបង្ហាញពីវិធីសាស្ត្រនៃការព្យាបាលជំងឺដោយបច្ចេកវិទ្យាចុងក្រោយរបស់ខ្លួនទៅកាន់អ្នកជំងឺនិងអ្នកពាក់ព័ន្ធ ហើយកាលពីចុងសប្ដាហ៍កន្លងទៅនេះដែរ មន្ទីរពេទ្យមួយនេះក៏បានបង្ហាញពីការព្យាបាលជំងឺខួរឆ្អឹងខ្នង ដោយការវះកាត់ និងការព្យាបាល ការរងរបួសធ្ងន់ធ្ងរផ្នែកខួរក្បាល ។ នៅក្នុងបទបង្ហាញនីមួយៗ ក៏មានវេជ្ជបណ្ឌិតជំនាញៗមកពីមន្ទីរពេទ្យល្បីៗប្រទេសថៃ ដែលជាដៃគូររបស់មន្ទីរពេទ្យរ៉ូយ៉ាល់ភ្នំពេញផងដែរ ។
លោកវេជ្ជបណ្ឌិត Tewajessada វេជ្ជជំនាញវះកាត់ឆ្អឹងខ្នងបានមានប្រសាសន៍ថា ការព្យាបាលជំងឺឈឺឆ្អឹងខ្នងដែលបង្កឡើងដោយខួរឆ្អឹងខ្នង គឺមានវិធីវះកាត់ថ្មីមួយជាបច្ចេកវិទ្យាចុងក្រោយ វះកាត់ទំហំតូច មិនបង្កឱ្យមានស្នាមរបួសធំ ។ វិធីសាស្ត្រថ្មីនេះ អាចទទួលបានជោគជ័យខ្ពស់ ហើយជាពិសេសផល វិបាក នៅក្រោយការវះកាត់ក៏មានតិច ដែលមិនបង្កឱ្យអ្នកជំងឺសម្រាកពេទ្យយូរឡើយ ។
លោកវេជ្ជបណ្ឌិតបន្តថា ការព្យាបាលជំងឺរហូតឈានដល់ការវះកាត់ឆ្អឺងខ្នងនេះ គឺបណ្ដាលមកពីជំងឺខួរឆ្អឹងខ្នង ។ តែមុននឹងវះកាត់វេជ្ជបណ្ឌិតក៏មានការតាមដានជាប់លាប់ផងដែរ ។ យ៉ាងណាក៏ដោយការវះកាត់នេះជាវិធីសាស្ត្រចុងក្រោយ ដោយធ្វើតាមបច្ចេកវិទ្យាចុងក្រោយរបស់មន្ទីរពេទ្យរ៉ូយ៉ាល់ភ្នំពេញ ដែលទើបនឹងនាំចូល ។
លោកបន្ថែមថា អ្នកជំងឺដែលចេះតែពន្យារពេលមិនព្រមស្វែងរកការព្យាបាលជំងឺឈឺឆ្អឹងខ្នងនេះ វាអាចបណ្ដាលឱ្យក្លាយជាពិការភាព ដូចជាពិការជើង ពិការដៃ និងការចុះខ្សោយនេះ កំលាំងដៃជើង ហើយវាក៏អាចធ្វើឱ្យបាត់បង់ញាណនៃការដឹង ។
ដោយឡែកលោកវេជ្ជបណ្ឌិត Sarun Jotikasthira វេជ្ជបណ្ឌិតជំនាញប្រព័ន្ធប្រសាទខួរក្បាល បានឱ្យដឹងផងដែរថា ការប៉ះទង្គិចនូវផ្នែកណាមួយនៃខួរក្បាល គឺវាបង្កផលប៉ះពាល់ជាច្រើនដល់រាងកាយ ដូចជាបង្កឱ្យមានពិការភាព ។ ដូច្នេះមនុស្សម្នាក់ៗត្រូវការពារផ្នែកក្បាលកុំអោយមានការប៉ះទង្គិចធ្ងន់ធ្ងរ ឬប៉ះពាល់វាញឹកញាប់ពេក ។
លោកបន្តថា ការប៉ះទង្គិចផ្នែកខួរក្បាល បើក្នុងទំហំស្រាលៗ អាចព្យាបាលដោយខ្លួនឯង តែបើសិនជាវាកាន់តែធ្ងន់ធ្ងរ ត្រូវទាមទារអោយមានការវះកាត់ ដើម្បីព្យាបាល ។ លោកថា អ្វីដែលសំខាន់សម្រាប់ការពារខួរក្បាល សូមកុំឱ្យមានការប៉ះទង្គិចលើផ្នែកក្បាល ហើយបើសិនជាមានរងការប៉ះទង្គិច ត្រូវប្រញ៉ាប់ទៅរកមន្ទីរពេទ្យណាក៏បានដែលមានជំនាញផ្នែកខួរក្បាល កុំបណ្ដោយទុកវាអោយនៅយូរ ៕ ដោយសហការ
ចែករំលែកព័តមាននេះ