សហរដ្ឋអាមេរិក ៖ អាជ្ញាធរកាលីហ្វ័រនីញ៉ាប្រកាសកាលពីថ្ងៃទី២៩ មេសា ពីការចាប់ខ្លួនអតីតទាហានអាមេរិកម្នាក់ ដែលប៉ុនប៉ងរៀបចំការវាយប្រហារភេរវកម្ម នៅជិតក្រុងឡូសអេនចឺឡេស។ ជននោះអះអាងថាបំណងរបស់គេ គឹដើម្បីសងសឹកចំពោះការវាយប្រហារ ប្រឆាំងព្រះវិហារអ៊ិស្លាម២នៅនូវែលហ្សេឡង់កាលពីខែមីនា។
MARK STEVEN DOMINGO អាយុ២៦ឆ្នាំត្រូវចាប់ខ្លួន កាលពីថ្ងៃទី២៦មេសា ក្រោយពីគេទទួលនូវរបស់មួយ ដែលគេជឿជាក់ថាជាគ្រាប់បែក ផ្ដល់ដោយប៉ូលិសបង្កប់ម្នាក់ដែលតាមការពិត នោះជាគ្រាប់បែកក្លែងក្លាយ។ ជនសង្ស័យត្រូវបដិសេធមិនដោះលែងឲ្យមានសេរីភាពក្រោមការបង់ប្រាក់ធានា ក្រោយពេលនាំចូលតុលាការកាលពីថ្ងៃទី២៩មេសា។ រូបគេត្រូវនាំខ្លួនចូលតុលាការទៀតនាថ្ងៃទី៣១ឧសភា។
យោងតាមការស៊ើបអង្កេតរបស់ប៉ូលិសសហព័ន្ធថា អតីតយុទ្ធជនរូបនោះដែលធ្លាប់ជាពិសេសទៅប្រយុទ្ធនៅអាហ្វហ្គានីស្ថាន រវាងឆ្នាំ២០១២ទៅ២០១៣ គ្រោងដាក់ឲ្យផ្ទុះគ្រាប់បែកច្នៃ១គ្រាប់ ពេលមានការប្រមូលផ្ដុំគ្នារបស់ពួកស្ដាំនិយមជ្រុលនាថ្ងៃទី២៨មេសា នៅឡុងបិច ភាគខាងត្បូងក្រុងឡូសអេនចឺឡេស។ ពេលពិភាក្សាគ្នាតាមអុីនធើរណេត ជាមួយភ្នាក់ងារ FBI បង្កប់ខ្លួនម្នាក់ ជននោះដែលទើបចូលអ៊ិស្លាម មិនត្រឹមតែប្រកាសគាំទ្រដល់ពួកជីហាដទេ តែក៏បង្ហាញពីការប្ដេជ្ញាចិត្តរបស់គេក្លាយជាទុក្ខបុគ្គលម្នាក់នៃសាសនាផង។
ជននោះគ្រោងវាយប្រហារគោលដៅផ្សេងៗ ដែលមានពួកជ្វីហ្វបណ្ដានាយប៉ូលិស បណ្ដាព្រះវិហារកាតូលិក និងទីតាំងយោធា។ រូបគេនិយាយថាគេមានកាំភ្លើងAK-47មួយដើម ដើម្បីប្រើវាយប្រហារផង។ ក្នុងវីដេអូមួយរូបគេយល់ថា អាមេរិកត្រូវការព្រឹតិ្តការណ៍ឡាស់វេហ្គាស់មួយទៀត ដែលចង់និយាយសំដៅលើការបាញ់ប្រហារ បណ្ដាលឲ្យមនុស្សស្លាប់៥៨នាក់ក្នុងពេលប្រគំតន្ត្រីូមួយ កាលពីខែតុលាឆ្នាំ២០១៧ ដើម្បីឲ្យអាមេរិភ្លក់រសជាតិ នៃការឈឺចាប់ដែលខ្លួនតែងបង្កគ្រប់ទីកន្លែងនៃពិភពលោក៕
ចែករំលែកព័តមាននេះ