ADផ្ទាំងផ្សព្វផ្សាយពាណិជ្ជកម្ម

Picture

ក្រុមហ៊ុន​លំដាប់​អន្តរជាតិ​មួយ​ជំរុញ​ឱ្យ​ស្ត្រី​ក្លាយជា​អ្នកដឹកនាំ​តាម​ស្ថាប័ន​កាន់តែ​ច្រើន

4 ឆ្នាំ មុន
  • ភ្នំពេញ

រាជធានី​ភ្នំពេញ ៖ ក្រុមហ៊ុន Worldbridge Group ដែល​គេ​ដឹង​ថា ជា​ក្រុមហ៊ុន​លំដាប់​អន្តរជាតិ មាន​បុគ្គលិក​ប្រមាណ​៤​ពាន់​នាក់​បាន​ចុះហត្ថលេខា​ជាមួយ​អង្គការ She Can…

រាជធានី​ភ្នំពេញ ៖ ក្រុមហ៊ុន Worldbridge Group ដែល​គេ​ដឹង​ថា ជា​ក្រុមហ៊ុន​លំដាប់​អន្តរជាតិ មាន​បុគ្គលិក​ប្រមាណ​៤​ពាន់​នាក់​បាន​ចុះហត្ថលេខា​ជាមួយ​អង្គការ She Can ដើម្បី​ចូលរួម​កសាង និង​អភិ​វឌ្ឍន៍​ធនធានមនុស្ស ដែល​មាន​ទេ​ព្យ​កោសល្យ​សម្រាប់​ប្រទេស​កម្ពុជា ជា​ពិសេស​ស្ត្រី ក្នុង​គោលបំណង​ជំរុញ​ឱ្យ​មាន​ស្ត្រី​នៅ​ក្នុង​ការ​ដឹកនាំ​ធុរកិច្ច​នៅ​កម្ពុជា កាន់តែ​ច្រើន ។

នៅ​ក្នុង​សេចក្តី​ប្រកាស​ព័ត៌មាន​រួម​រវាង​ក្រុមហ៊ុន Worldbridge Group និង​អង្គការ She Can បាន​ឱ្យ​ដឹង​ថា គោលបំណង​នៃ​ការ​ចុះ​អនុស្សរណ​រួម​រវាង​ស្ថាប័ន​ទាំង​ពីរ គឺ​ដើម្បី​បង្កើត​ក្របខ័ណ្ឌ​នៃ​កិច្ចសហ​ការ​មួយ​សម្រាប់​អង្គការ She Can និង​ក្រុមហ៊ុន វើ​ល​ដ៏​ប្រ៊ី​ជ​គ្រុប ដើម្បី​ផ្ដល់​ជា​មធ្យោបាយ​សម្រាប់​ក្មេង​ស្រី និង​ស្ត្រី​ដែល​មាន​ភាព​ជា​អ្នកដឹកនាំ មានចំណេះ​ដឹង មាន​ភាព​អង់អាច​និង​ភាព​ជា​បណ្ដាញ ទទួល​បានការ​ចុះ​កម្មសិក្សា និង​ឱកាស​ការងារ​នៅ​ក្នុង​ប្រទេស​កម្ពុជា ។

លោក​ឧកញ៉ា សៀ ឬ​ទ្ធី អគ្គនាយក​ក្រុមហ៊ុន​វើ​ល​ដ៏​ប្រ៊ី​ជ​គ្រុប បាន​មាន​ប្រសាសន៍​នៅ​ក្នុង​សន្និសីទ​កាលពី​ថ្ងៃ​ទី ២២ មេ​សា ២០១៩​នេះ​ថា គោលបំណង​របស់​ក្រុមហ៊ុន​វើ​ល​ដ៏​ប្រ៊ី​ជ គឺ​ចង់ឱ្យ​ស្ត្រី​ក្លាយជា​អ្នកដឹកនាំ​ឱ្យ​បាន​ច្រើន ពីព្រោះ​ស្ត្រី​កម្ពុជា សុទ្ធតែ​មាន​សមត្ថភាព ក៏​ប៉ុន្តែ​មុន​នឹង​អាច​ឱ្យ​ពួក​គាត់​ចូល​ការងារ​ដែល​ត្រូវ​​នឹង​ជំនាញ​របស់​ពួក​គាត់ ក្រុមហ៊ុន​វើ​ល​ដ៏​ប្រ៊ី​ជ ចង់ឱ្យ​ពួក​គាត់​មក​អនុវត្តន៍​ការងារ​ក្នុង​ពេល​ពួក​គាត់​កំពុង​ស្ថិត​នៅ​ក្នុង​វិស្សមកាល និង​មក​លេង​នៅ​កម្ពុជា ហើយ​ក្រុមហ៊ុន​នឹង​ជំរុញ​ឱ្យ​ពួក​គាត់​ចូល​កាន់ការ​ងារ​ណា​ដែល​ត្រូវ​នឹង​ជំនាញ​ដែល​ពួក​គាត់​កំពុង​សិក្សា នៅ​ក្រៅប្រទេស​។

លោក​បន្ត​ថា នៅ​ក្នុង​ក្រុមហ៊ុន​វើ​ល​ដ៏​ប្រ៊ី​ជ​គ្រុប មានការ​ងារ​ច្រើន​ជំនាញ ឬ​អាច​និយាយ​ស្ទើរតែ​គ្របដណ្ដប់​គ្រប់​វិស័យ​លើ​ការ​រកស៊ី​នៅ​កម្ពុជា ដូច​ជា​វិស័យ​ហិរញ្ញវត្ថុ សេវាកម្ម វិស័យ​ដឹក​ជញ្ជូន សំណង់ និង​វិស័យ​ពាណិជ្ជកម្ម​ជាដើម ដូច្នេះ​សិក្ខាកាម​អាច​ចូល​មក​ហាត់​ការងារ អំឡុង​ពេល​វិស្សមកាល​បាន​គ្រប់​ជំនាញ ។

លោកស្រី បា​បា​រ៉ា បៃ​យ៍​លី​ញ៉ា ស្ថាបនិក​និង​ជា​នាយិកា​ប្រតិបត្តិ​អង្គការ She Can បាន​មាន​ប្រសាសន៍​ថា អង្គការ She Can ជា​អង្គការ​ដែល​ជ្រើសរើស​ក្មេង​ស្រី​ពូកែ​មាន​សមត្ថភាព ទៅ​បន្ត​សិក្សា​នៅ​ក្រៅ​ប្រទេស​ជា​ពិសេស​សហរដ្ឋអាមេរិក ដើម្បី​យកចំណេះ​ដែល​ពួក​គេ​ទទួល​បាន​នៅ​ក្រៅប្រទេស​មក​អភិវឌ្ឍន៍​ប្រទេស​របស់​គេ​វិញ ដូច្នេះ​ហើយ​ទើប​អង្គការ​នេះ ជ្រើសរើស​យក​តែ​ក្មេង​ស្រី​ណា ដែល​មាន​ភាព​ក្លាហាន អង់អាច និង​មាន​ឆន្ទៈ​ក្នុង​ការ​អភិវឌ្ឍន៍​ប្រទេស​របស់​គេ ។ មាន​ន័យ​ថា នៅ​ពេល​ពួក​គេ​រៀន​ចប់ ពួក​គេ​ត្រូវ​តែ​ត្រលប់​មក​ប្រទេស​កំណើត ដើម្បី​អនុវត្តន៍​ជំនាញ​ដែល​ទទួល​បាន មក​អភិវឌ្ឍន៍​ប្រទេស​របស់​ពួក​គេ​វិញ។

លោកស្រី​បន្ត​ថា ការ​សហការ​ជាមួយ​ក្រុមហ៊ុន​វើ​ល​ដ៏​ប្រ៊ី​ជ​គ្រុប មាន​សារសំខាន់​ណាស់​សម្រាប់​ក្មេង​ស្រី​ដែល​កំពុង​សិក្សា​នៅ​ក្រៅប្រទេស​ហើយ​ត្រលប់​មក​ស្រុក​វិញ ពីព្រោះ​ក្រុមហ៊ុន​មាន​ទាំង​កន្លែង​សម្រាប់​ហាត់​ការ ការងារ និង​មាន​ការងារ​សម្រាប់​ផ្ដល់​ជូន​ពួក​គេ ពេល​ត្រឡប់​មក​ប្រទេស​កំណើត​វិញ​ផង​ដែរ ៕ ដោយ​សហការ

អត្ថបទសរសេរ ដោយ

កែសម្រួលដោយ