Kerry Express និងហាង Circle K ចាប់ដៃគ្នាពង្រីកសេវាបញ្ញើនៅម្ពុជា
រាជធានីភ្នំពេញ ៖ ក្រុមហ៊ុនដឹកជញ្ជូន Kerry Express និងហាង Circle K បានចាប់ដៃសហការគ្នា ដើម្បីពង្រីកសេវាដឹកជញ្ជូនទំនិញ…
រាជធានីភ្នំពេញ ៖ ក្រុមហ៊ុនដឹកជញ្ជូន Kerry Express និងហាង Circle K បានចាប់ដៃសហការគ្នា ដើម្បីពង្រីកសេវាដឹកជញ្ជូនទំនិញ…
រាជធានីភ្នំពេញ ៖ ក្រុមហ៊ុនដឹកជញ្ជូន Kerry Express និងហាង Circle K បានចាប់ដៃសហការគ្នា ដើម្បីពង្រីកសេវាដឹកជញ្ជូនទំនិញ និងបញ្ញើទំនិញទៅកាន់ទីតាំងនានាក្នុងប្រទេសកម្ពុជា ដើម្បីសម្រួលដល់ធុរជនកម្ពុជា ជាពិសេសអាជីវករក្នុងវិស័យទិញលក់ទំនិញតាមអនឡាន ។
យោងតាមសេចក្តីប្រកាសព័ត៌មានរបស់ក្រុមហ៊ុនទាំងពីរបានអោយដឹងថា បច្ចុប្បន្ននេះ បច្ចេកវិទ្យា និងសេវាកម្មថ្មីបានដើរតួនាទីយ៉ាងសំខាន់ ក្នុងការសម្រប តាមការផ្លាស់ប្តូរយ៉ាងឆាប់រហ័សរបស់អតិថិជនដែលរួមមានការប្រើប្រាស់សេវាកម្មទិញ ឥវ៉ាន់អនឡាន និងប្រតិបត្តិការហិញ្ញវត្ថុតាមអេឡិចត្រូនិក ។ ដូច្នេះអាជីវកម្មហាងទំនិញត្រូវការផ្ដល់ជូនអតិថិជនរបស់ខ្លួននូវទម្រង់ថ្មីនៃសេវាកម្ម ដើម្បីបំពេញនូវតម្រូវការរបស់អតិថិជនអោយមានភាពងាយស្រួល និងសម្បូរបែបតាមដែលអាចធ្វើទៅបាន ។
នៅក្នុងពិធីចុះហត្ថលេខារួមគ្នា កាលពីព្រឹកថ្ងៃទី០៩ មេសា ២០១៩ លោក Dennis Kao នាយកប្រតិបត្តិនៃក្រុមហ៊ុន TH CVS ដែលគ្រប់គ្រងហាង Circle K នៅកម្ពុជា បានអោយដឹងថា ភាពជាដៃគូរជាមួយ Kerry Express គឺជាជំហានដ៏សំខាន់មួយសម្រាប់ Circle K ដើម្បីក្លាយជាហាងផ្ដល់សេវាកម្មល្អ និងមានភាពងាយស្រួលដល់អតិថិជន ។ ហើយអ្វីដែលល្អបំផុតនោះ គឺតម្លៃសេវាកម្មពឹងផ្អែកទៅលើទំហំនៃទំនិញ ជំនួសអោយទម្ងន់ដែលមានតម្លៃបញ្ញើចាប់ពី៤.០០០រៀលប៉ុណ្ណោះ ។ លោកបន្តថា នេះ គឺជាការចាប់ផ្ដើមដ៏ល្អមួយសម្រាប់ក្រុមហ៊ុនទាំងពីរ ក្នុងការបង្កលក្ខណងាយស្រួលឱ្យអតិថិជនកាន់តែច្រើន ក្នុងការប្រើប្រាស់ សេវាកម្មបញ្ញើទំនិញទូទាំងប្រទេសក៏ដូចជាគាំទ្រដល់ការរីកចម្រើននៃអាជីវកម្មអនឡាញ និងសហគ្រាសខ្នាតតូច និងមធ្យមកម្ពុជា ។
បើតាមលោក Dickson Pang អ្នកគ្រប់គ្រងផ្នែកដឹកជញ្ជូននៃក្រុមហ៊ុន Kerry Worldbridge បានអោយដឹងថា Kerry Express Cambodia ជាក្រុមហ៊ុនដែលផ្ដល់សេវាកម្ម បញ្ញើទូទាំងប្រទេសកម្ពុជាដែលមានហាងបញ្ញើច្រើនជាង១០០កន្លែង និងមជ្ឈមណ្ឌល ចែកចាយចំនួនជាង៤០ទីតាំងផ្សេងទៀត នៅក្នុងប្រទេស ។ Kerry Express ផ្ដល់ជូននូវសេវាកម្មពិសេសពីរ គឺ Phnom Penh Sam-Day (សេវាកម្មថ្ងៃតែមួយ ក្នុងរាជធានីភ្នំពេញ ) និងសេវាកម្មថ្ងៃបន្ទាប់ ទៅកាន់គ្រប់រាជធានី ខេត្តទូទាំងព្រះរាជាណាចក្រកម្ពុជា ។
គួរបញ្ជាក់ថា ក្នុងឆ្នាំ២០១៩នេះ ហាង Circle K គ្រោងនឹងបន្តបើកដំណើរការសេវាកម្ម Kerry Express ចំនួន១០០កន្លែង ក្នុងរាជធានីភ្នំពេញ ហើយរំពឹងទុកថា កិច្ចសហប្រតិបត្តិការរវាង ក្រុមហ៊ុនទាំងពីរនឹងគ្របដណ្ដប់តំបន់នានាគ្រប់ខេត្តក្រុង ៕
ចែករំលែកព័តមាននេះ