អ្នកលក់ទឹកអំពៅម្នាក់មានសំណាងណាស់ត្រូវរង្វាន់១០០លានរៀលពីតែបៃតងអ៊ីឈីតាន់
- កំពង់ស្ពឺ
ស្ត្រីម្នាក់ដែលមានមុខរបរជាអ្នកលក់ទឹកអំពៅនៅបេនឡានផ្សារកំពង់ស្ពឺមានសំណាងបានត្រូវរង្វាន់ធំនូវទឹកប្រាក់ចំនួន១០០លានរៀលពីតែបៃតង អ៊ីឈីតាន់ ។ សម្រាប់ស្ត្រីដែលមានសំណាងខាងលើនេះ មានឈ្មោះ ខាត់ ចាន់ណារី អាយុ៣១ឆ្នាំ មានអាសយដ្ឋាននៅភូមិពាណិជ្ជកម្ម សង្កាត់រការធំ ក្រុងច្បារមន ខេត្តកំពង់ស្ពឺ ។
ថ្លែងប្រាប់ក្រុមការងារដែលបានចុះប្រគល់រង្វាន់ធំដល់លំនៅដ្ឋានដែល ស្ថិតនៅភូមិសាស្ត្រខាងលើនេះអ្នកនាង ខាត់ ចាន់ណារី បានរៀបរាប់ប្រាប់ឱ្យដឹងថា បើទោះជាអ្នកនាងជាអ្នកលក់ទឹកអំពៅ ប៉ុន្តែជាទម្លាប់អ្នកនាងតែងចូលចិត្តទទួលទានតែបៃតងអ៊ីឈីតាន់ជាប្រចាំ ព្រោះមានរសជាតិឆ្ងាញ់ ។ ដោយឡែកកាលពីចុងសប្ដាហ៍កន្លងទៅនេះបន្ទាប់ពីលក់ទឹកអំពៅឱ្យអតិថិជនរបស់ខ្លួនរួចហើយអ្នកនាងបានទិញតែបៃតងអ៊ីឈីតាន់ រសជាតិតែក្រូចឆ្មារទឹកឃ្មុំ ពីអ្នកលក់ដែលជាដេប៉ូចែកចាយបន្តនៅក្នុងផ្សារខេត្តកំពង់ស្ពឺទទួលទានលុះពេលមួលគម្របដប ក៏ស្រាប់តែឃើញមានរង្វាន់១០០លានរៀលនៅក្នុងគម្របដបតែម្ដង ។
ភ្លាមនោះអ្នកនាងពិតជាមានអារម្មណ៍រំភើបខ្លាំងមែនទែន ហើយក៏បានស្រែកប្រាប់អ្នកដែលនៅក្បែរមកចោមរោមមើល រួមជាមួយនឹងទូរស័ព្ទជូនដំណឹងដល់ក្រុមហ៊ុនតាមរយៈលេខទូរស័ព្ទដែលមានស្រាប់នៅនឹងគម្របដប ។ អ្នកនាងបានបញ្ជាក់ទាំងអារម្មណ៍រំជើបរំជួលទៀតថា តាំងពីមុនមកអ្នកនាងមិនធ្លាប់នឹកគិតថា អាចមានលុយច្រើនសន្ធឹកសន្ធាប់ដូច្នេះនោះទេ ប៉ុន្តែពេលនេះតែបៃតងអ៊ីឈីតាន់ បានធ្វើឱ្យជីវិត និងក្រុមគ្រួសាររបស់អ្នកនាងមានភាពល្អប្រសើរហើយ ។ ក្រោយពីទទួលបានលុយរង្វាន់ធំ១០០លានរៀលអ្នកនាងនឹងយកមួយចំនួនសង់ផ្ទះសម្រាប់ស្នាក់នៅឱ្យបានសមរម្យ ហើយទុកមួយចំណែកទៀតពង្រីកមុខរបរបន្ថែម ដើម្បីទ្រទ្រង់ជីវភាពទៅថ្ងៃអនាគត ។
គួរបញ្ជាក់ផងដែរថា សម្រាប់រដូវកាលទី៣ ឆ្នាំ២០១៩នេះ ក្រុមហ៊ុនតែបៃតងអ៊ីឈីតាន់បានបង្កើនរង្វាន់ធំនូវចំនួនទឹកប្រាក់១០០លានរៀលរហូតដល់៧០រង្វាន់ ម៉ូតូ Scoopy i ចំនួន៧០រង្វាន់ ទូរស័ព្ទ iphone Xs ចំនួន៧០រង្វាន់ រួមជាមួយនឹងរង្វាន់ Free តែបៃតងអ៊ីឈីតាន់ រាប់លានរង្វាន់ទៀត ។ រួសរាន់ឡើងអ្នកដែលមានសំណាងបានក្លាយជាសេដ្ឋីបន្ទាប់អាចជារូបអ្នក ៕
ចែករំលែកព័តមាននេះ