រាជធានីភ្នំពេញ ៖ iflix ដែលជាបណ្តាញផ្សព្វផ្សាយភាពយន្ត និងរឿងភាគជាច្រើនហើយមានទីផ្សារទូទាំងពិភពលោកនោះ នឹងកំពុងធ្វើការសហការការផ្សាយជាមួយនឹងប៉ុស្តិ៍ទូរទស្សន៍ ភីអិនអិន PNN ដែលជាប៉ុស្តិ៍សិល្បៈកំសាន្តដ៏ល្បី និងពេញនិយមមួយក្នុងចំណោមប្រជាជនខ្មែរគ្រប់ស្រទាប់វណ្ណៈ។…
រាជធានីភ្នំពេញ ៖ iflix ដែលជាបណ្តាញផ្សព្វផ្សាយភាពយន្ត និងរឿងភាគជាច្រើនហើយមានទីផ្សារទូទាំងពិភពលោកនោះ នឹងកំពុងធ្វើការសហការការផ្សាយជាមួយនឹងប៉ុស្តិ៍ទូរទស្សន៍ ភីអិនអិន PNN ដែលជាប៉ុស្តិ៍សិល្បៈកំសាន្តដ៏ល្បី និងពេញនិយមមួយក្នុងចំណោមប្រជាជនខ្មែរគ្រប់ស្រទាប់វណ្ណៈ។ នេះបើយោងតាមប្រកាសព័ត៌មានចុះថ្ងៃទី ០៨ ខែមេសា ឆ្នាំ២០១៩ នេះ ។
គោលបំណងដ៏ចំបងនោះ គឺដើម្បីពង្រីកទីផ្សារឲ្យកាន់តែទូលំទូលាយ ដោយក្នុងនោះនឹងមានការផ្សាយនូវរឿងភាគខ្មែរ និងមួយចំនួនទៀតពីទូរទស្សន៍ថៃប៉ុស្តិ៍លេខ៣ CH3 និងប៉ុស្តិ៍ហុងកុងជាដើម ដែលទាំងអស់នេះ នឹងមានការបកប្រែ និងបញ្ចូលសម្លេងជាភាសាខ្មែរទៀតផង។ អ្វីដែលលោកអ្នកត្រូវធ្វើ គឺគ្រាន់តែចូលទៅកាន់ iflix.com និងចុចមើលជាការស្រេច!
ប្រធានគ្រប់គ្រងប្រចាំកម្ពុជា លោក Gonçalo Carvalho បាននិយាយថា «ក្រុមការងារយើងខ្ញុំពិតជាសប្បាយចិត្ត និងមានមោទនភាពខ្លាំងបំផុតដែលមានឱកាសសហការជាមួយទូរទស្សន៍ PNN។ PNN គឺពិតជាបណ្តាញដ៏ធំមួយនៅក្នុងប្រទេសកម្ពុជានេះ។ ទន្ទឹមគ្នានឹងផែនការគោលដៅដែលក្រុមយើងខ្ញុំមានដែរនោះ យើងតែងតែសង្ឃឹមថា នឹងអាចមានកិច្ចសហការជាមួយនឹងដៃគូក្នុងស្រុកបែបនេះជាពិសេស។ ការសហការនេះ មិនត្រឹមតែដើម្បីបង្កើនទិន្នន័យក្នុងស្រុកសម្រាប់គេហទំព័រយើងតែប៉ុណ្ណោះទេ តែក៏អនុញ្ញាតឲ្យអ្នកគាំទ្រទូរទស្សន៍ភីអិនអិន ធ្វើការទស្សនាបានពីគ្រប់ទីកន្លែង និងគ្រប់ពេលវេលា មិនថានៅតាមផ្លូវទៅធ្វើការ ទៅផ្ទះ ឬនៅទីណានោះឡើយ។
ប្រធានផ្នែកកម្មវិធីនៃប៉ុស្តិ៍ PNN កញ្ញា ទូច បូប្ផា បានបន្ថែមថា «ការដែលស្ថានីយទូរទស្សន៍យើងខ្ញុំអាចចាប់ដៃគូសហការជាមួយនឹង iflix ដែលជាបណ្តាញផ្សព្វផ្សាយដ៏ធំមួយនៅលើពិភពលោកនោះ ពិតជាឱកាសដ៏ល្អមួយ។ យើងខ្ញុំពិតជាមើលឃើញថា ការសហការនេះនឹងរីកចម្រើនទៅមុខដោយមានការជ្រោមជ្រែងយ៉ាងកក់ក្តៅបំផុត។ អាចនិយាយបានថា ក្រុមការងារយើងខ្ញុំមានសមត្ថភាពក្នុងការបង្កើតបណ្តុំទិន្នន័យប្លែកៗ និងពោរពេញដោយភាពច្នៃប្រឌិត សម្រាប់អ្នកគាំទ្ររបស់យើងនៅគ្រប់ទីកន្លែង និងគ្រប់បណ្តាញ ដែលក្នុងរយៈពេលត្រឹមតែប៉ុន្មានឆ្នាំប៉ុណ្ណោះ ពួកយើងបានផលិតកម្មវិធី ទូរទស្សន៍ និងរឿងភាគជាច្រើន។
មិនតែប៉ុណ្ណោះ យើងក៏ទទួលបានសិទ្ធិនាំចូលផ្តាច់មុខពី TVB ហុងកុង និង Chanel 3 ដែលជាប៉ុស្តិ៍ដ៏ល្បីនៅឯប្រទេសថៃ។ បន្ថែមទៅលើនេះ យើងខ្ញុំក៏បានសម្រិតសម្រាំងធ្វើយ៉ាងណាផ្តល់នូវព័ត៌មានប្រកបទៅដោយវិជ្ជាជីវៈជាមួយនឹងគុណភាពដែលសមស្របទៅនឹងតម្រូវការរបស់ទស្សនិកជនជាពិសេស។
សូមបញ្ជាក់ថា iflix គឺជាបណ្តាផ្សព្វផ្សាយសិល្បៈកំសាន្តខ្នាតអន្តរជាតិមួយដែលមានទីផ្សារទូលំទូលាយ ចម្រុះទៅដោយភាពយន្ត កម្មវិធីទូទស្សន៍ ការផ្សាយផ្ទាល់ ព័ត៌មាន ការទាញយកផ្សេងៗជាច្រើនពីជុំវិញពិភពលោក ពីគ្រប់ទិសទី និងគ្រប់ពេលវេលា។
iflix ត្រូវបានបង្កើតឡើងសម្រាប់អ្នកប្រើប្រាស់លើសពី១០០លាននាក់ ដែលរហូតមក ដល់ឥលូវនេះ អ្នកភ្ជាប់បណ្តាញ iflix អាចធ្វើការដកពិសោធន៍តាមពីរជម្រើសផ្សេងគ្នា រួមមាន iflixFREE និង iflixVIP ។ បច្ចុប្បន្ន iflix អាចធ្វើការប្រើប្រាស់បាននៅតាម បណ្តាប្រទេសមួយចំនួនដូចជា ម៉ាឡេស៊ី អិនដូនេស៊ី ភីលិពិន ថៃ ព្រុយនេ សេរីលង្កា ប៉ាគីស្ថាន មីយ៉ាន់ម៉ា វៀតណាម ម៉ាល់ឌីវ គុយវេត បារ៉េន សោឌីអារ៉ាប៊ី ចូដាន អ៊ីរ៉ាក់ ឡេបាណុន អេហ្ស៊ិប ស៊ូដង់ កម្ពុជា ណៃហ្សឺរី កេនយ៉ា ហ្កាណា ណេប៉ាល់ បង់ក្លាដេស ហ្សិមបាបវេ ម៉ូរូកូ តាន់ហ្សានយ៉ា និងអ៊ុយហ្សាន់ដា។
ចំណែកទូរទស្សន៍ ភីអិនអិន – PNN បានបង្កើតឡើងនៅអំឡុងឆ្នាំ២០១៥ ដែលធ្វើការផ្សព្វផ្សាយតាមបច្ចេកទេស និងស្តង់ដាដែលមិនធ្លាប់មានពីមុនមក។ គោលដៅនៃការផ្សាយ គឺឆ្លុះបញ្ចាំងពីការរីកដុះដាលនៅទូទាំងកប្រទេស។ ឃ្លាមួយនៃទូរទស្សន៍ ភីអិនអិន ដែលលើកឡើងថា «ភីអិនអិន សម្រាប់កម្ពុជា» សបញ្ជាក់ឲ្យឃើញថា ភីអិនអិនត្រូវបានផលិតឡើងដើម្បីបម្រើផលប្រយោជន៍រួមនៃប្រទេសជាតិ ផ្តល់ការកំសាន្ត ការអប់រំ ទាំងក្នុងពេលបច្ចុប្បន្ន និងអនាគតសម្រាប់ប្រជាជនកម្ពុជានៅគ្រប់ទិសទី៕ ដោយសហការ
ចែករំលែកព័តមាននេះ