រាជធានីភ្នំពេញ ៖ រយៈពេល៥ឆ្នាំកន្លងមក ដើម្បីធ្វើកំណែទម្រងវិស័យអប់រំឲ្យគុណភាពរាជរដ្ឋាភិបាលបានខិតខំបន្ថែមថវិកាទៅលើក្រសួងអប់រំយុវជន និងកីឡាជាបន្តបន្ទាប់ដែលមានចំនួនកើនរយៈដល់ប្រមាណ៨៥២លានដុល្លារអាមេរិក គិតត្រឹមឆ្នាំ២០១៨ ។ នេះបើតាម លោកឧបនាយករដ្ឋមន្ត្រី អូន…
រាជធានីភ្នំពេញ ៖ រយៈពេល៥ឆ្នាំកន្លងមក ដើម្បីធ្វើកំណែទម្រងវិស័យអប់រំឲ្យគុណភាពរាជរដ្ឋាភិបាលបានខិតខំបន្ថែមថវិកាទៅលើក្រសួងអប់រំយុវជន និងកីឡាជាបន្តបន្ទាប់ដែលមានចំនួនកើនរយៈដល់ប្រមាណ៨៥២លានដុល្លារអាមេរិក គិតត្រឹមឆ្នាំ២០១៨ ។ នេះបើតាម លោកឧបនាយករដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ។
ថ្លែងក្នុងពិធីសម្ភោធដាក់ឲ្យប្រើប្រាស់ជាផ្លូវការអគារវិទ្យាសាស្ត្រមជ្ឈមណ្ឌលបណ្តុះបណ្តាលធុរកិច្ចថ្មី «តេជោ» និងសមិទ្ធិផលនានា នៅសាកលវិទ្យាល័យភូមិន្ទភ្នំពេញ នារសៀលថ្ងៃទី៨ ខែមេសា ឆ្នាំ២០១៩ លោកឧបនាយករដ្ឋមន្ត្រីបានលើកឡើងថា ក្នុងអាណត្តិទី៦នេះ រាជរដ្ឋាភិបាលបានកំណត់វិស័យអាទិភាពសំខាន់ៗសម្រាប់យុទ្ធសាស្ត្រចតុកោណដំណាក់ទី៤ក្នុងនោះ មានទី១-ការអភិវឌ្ឍន៍ធនធានមនុស្ស ពិសេសតាមរយៈការបន្តផ្តោតគុណភាពលើកវិស័យ អប់រំវិទ្យាសាស្ត្រ និងការបណ្តុះបណ្តាលជំនាញបច្ចេកទេស ។ ទី២- ការបន្តកែលម្អប្រព័ន្ធឡូជីស្ទិក និងលើកកម្ពស់ការតភ្ជាប់ និងការលើកកម្ពស់ផ្នែកដឹកជញ្ជូន ផែនថាមពល និងផ្នែកឌីជីថល ។
ទី៣- ការប្រកួតប្រជែង និងការលើកស្ទូយសហគ្រាសផ្នែកធនតូច និងមធ្យមព្រមទាំងសហគ្រិ នភាព ដើម្បីបង្កើនលទ្ធភាព និងប្រសិទ្ធភាពសេដ្ឋកិច្ច ។ ទី៤- ការលើកស្ទួយវិស័យកសិកម្ម និងការភិវឌ្ឍន៍ជនបទ និងការគ្រប់គ្រងធនធានធម្មជាតិប្រកបដោយចីរភាព…។ ជាមួយគ្នានោះដែរ លោកឧបនាយរដ្ឋមន្ត្រីក៏បានលើកឡើងថា រាជរដ្ឋាភិបាលបានកំពុងតែអនុវត្ត និងផ្តោតសំខាន់លើវិស័យអាទិភាពចំនួន៤ គឺមនុស្ស ផ្លូវ ភ្លើង និងទឹក ដើម្បីធ្វើការអភិវឌ្ឍប្រទេសឲ្យមានការរីកចម្រើន ។ លោកក៏បានលើកឡើងថា ការយកចិត្តទុកដាក់លើកវិស័យអប់រំជាចម្បងរបស់រាជរដ្ឋាភិបាល តាមរយៈបង្កើនថវិកាជាតិសម្រាប់ផ្តល់ឲ្យក្រសួងអប់រំយុវជន និងកីឡាជាងរៀងរាល់ឆ្នាំក្នុងរយៈពេលកន្លងមកមានការកើនឡើងជាបន្តបន្ទាប់ ។
លោកគូសបញ្ជាក់ថា ជាក់ស្តែងការចំណាយសរុបរបស់ក្រសួងអប់រំត្រូវបានបង្កើនពីប្រមាណ២២៩លានដុល្លារត្រូវជា១.៧៦ភាគរយនៃផលិតផលសរុបក្នុងស្រុកសម្រាប់ឆ្នាំ២០១៣ ឡើងដល់ប្រមាណ៨៥២លានដុល្លារអាមេរិក ត្រូវជាប្រមាណ៣.៤៦ភាគរយ នៃផលិតផលសរុបក្នុងស្រុកនៅឆ្នាំ២០១៨ ។ ពោលការចំណាយថវិកាសម្រាប់ក្រសួងអប់រំយុវជន និងកីឡាត្រូវបានចំណាយកើនជាង៣ដងក្នុងរយៈពេល៥ឆ្នាំ ។ លោកបានបញ្ជាក់ថា «ជាការពិតផ្លែផ្កានៃការអនុវត្តយុទ្ធសាស្ត្រចតុកោណនាពេលកន្លងមក និងគោលនយោបាយពាក់ព័ន្ធដដៃបានធ្វើឲ្យមានការផ្លាស់ប្តូរជាការកត់សម្គាល់ពោលពីការពឹងផ្អែកលើកវិស័យសិកម្មទៅជាប្រទេសដែលមានសេដ្ឋកិច្ចពឹងផ្អែកលើក វិស័យ ឧស្សាហកម្ម និងសេវាកម្ម» ។ លោកឧបនាយរដ្ឋមន្ត្រីបានបន្ថែមថា ដើម្បីឲ្យសេដ្ឋកិច្ចមានប្រសិទ្ធិខ្ពស់ និងប្រកបដោយបរិយាប័ណ្ណ និងដើម្បីសម្រេចបាននូវការប្រែក្លាយកម្ពុជាឲ្យទៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានចំណូលខ្ពស់នៅឆ្នាំ២០៥០ ។
រាជរដ្ឋាភិបាលចាំត្រូវបង្កើនការខិតខំខ្លាំងថែមទៀតជំរុញការធ្វើពិពិតកម្ម និងភាពប្រកួតប្រែងឲ្យខ្លាំងថែមទៀតក្នុងនោះការអភិវឌ្ឍធនជាមនុស្ស ពិសេសផ្នែកវិទ្យាសាស្ត្រ បច្ចេកវិទ្យាវិស្វកម្មគណិតវិទ្យា ។ ក្នុងឱកាសនោះដែរលោកហង់ ជួនណារ៉ុន រដ្ឋមន្ត្រីក្រសួងអប់រំយុវជន និងកីឡាក៏បានលើកឡើងថា ក្រសួងបានកំពុងតែពង្រឹងគុណភាពអប់រំ ដើម្បីធ្វើយ៉ាងណាឲ្យមានប្រសិទ្ធភាពខ្ពស់ ។ លោករដ្ឋមន្ត្រីបន្តថា ក្រសួងក៏បានបង្កើតសាលាជំនាន់ថ្មី ដោយបានពង្រឹងការបង្រៀនខាងផ្នែកវិទ្យាសាស្ត្រដោយបង្កើតឲ្យមានបណ្ណាល័យសតវត្សរ៍ទី២១ បង្កើតឲ្យមានការបណ្តុះបណ្តាលគ្រូឲ្យមានការប្រើប្រាស់បច្ចេកទេសក្នុងការបង្រៀនផងដែរ ៕
ចែករំលែកព័តមាននេះ