នៅថ្ងៃទី៣ ខែមេសា ឆ្នាំ២០១៩ ថ្មីៗកន្លងទៅនេះ នៅក្នុងមជ្ឈមណ្ឌលពាណិជ្ជកម្ម វឌ្ឍនៈ កាពីតាល មានប្រារព្ធពិធីសម្ពោធដាក់ឱ្យដំណើរការជាផ្លូវការ នូវហាងផ្គត់ផ្គង់សម្ភារៈបន្ទប់គេងរបស់អ៊ីតាលីម៉ាក «FRETTE»។…
នៅថ្ងៃទី៣ ខែមេសា ឆ្នាំ២០១៩ ថ្មីៗកន្លងទៅនេះ នៅក្នុងមជ្ឈមណ្ឌលពាណិជ្ជកម្ម វឌ្ឍនៈ កាពីតាល មានប្រារព្ធពិធីសម្ពោធដាក់ឱ្យដំណើរការជាផ្លូវការ នូវហាងផ្គត់ផ្គង់សម្ភារៈបន្ទប់គេងរបស់អ៊ីតាលីម៉ាក «FRETTE»។
កម្មវិធីនេះបានផ្តល់កិត្តិយស អញ្ជើញចូលរួមកាត់ខ្សែបូរ ក្រោមអធិបតីភាពរបស់ លោកឧកញ៉ា សំអាង វឌ្ឍនៈ នាយកប្រតិបត្តិនៃក្រុមហ៊ុន វឌ្ឍនៈ អ៊ីនវេសមេន លីមីតធីត និងលោក FILIPPO ARNABOLDI នាយកប្រតិបត្តិនៃក្រុមហ៊ុន FRETTE ព្រមទាំង មន្ត្រីរាជការដែលជាថ្នាក់ដឹកនាំសំខាន់ៗមួយចំនួនទៀត ។
នៅក្នុងកម្មវិធីដ៏អធិកអធមនេះ ក្រុមហ៊ុន វឌ្ឍនៈ អ៊ីនវេសមេន បានរៀបចំនូវការបង្ហាញម៉ូតសំលៀកបំពាក់គេងដ៏អស្ចារ្យ រួមជាមួយនឹងផលិតផលម៉ាក FRETTE ជូនដល់ភ្ញៀវកិត្តិយសបានទស្សនា អមជាមួយនឹងការទទួលទានអាហារពេលល្ងាចនៅក្នុងសណ្ឋាគារ រ៉ូសវូដ ភ្នំពេញផងដែរ។
ក្រុមហ៊ុន FRETTE អាយុកាល ១៥៩ឆ្នាំ មកហើយ ដោយត្រូវបានបង្កើតឡើងតាំងពីឆ្នាំ ១៨៦០ មកម្លេះ។ ក្រុមហ៊ុននេះទទួលបានភាពល្បីល្បាញ ដោយសារតែការររចនាល្អឥតខ្ចោះចេញពីសសៃសូត្រ កប្បាស រោមកញ្ច្រោងដ៏កំរ និងមានតំលៃបំផុត។ អស្រ័យដូចនេះហើយទើបផលិតផលនេះ ទទួលស្គាល់ពីសំណាក់ រាជវង្សជាង៥០០ គ្រួសារនៅទ្វីបអ៊ឺរ៉ុប និងជាង១០០០ សណ្ឋាគារ ដែលក្នុងនោះក៏មានសណ្ឋគារ រ៉ូសវូដ ភ្នំពេញ ដែលក៏បានជ្រើសរើសប្រើប្រាស់នូវសម្ភារៈដ៏ប្រណិតនេះ។
ក្នុងពិធីថ្លែងសន្ទារកថា លោក FILIPPO ARNABOLDI នាយកប្រតិបត្តិនៃក្រុមហ៊ុន FRETTE បានសម្តែងនូវក្តីសោមនស្សរីករាយបំផុតក្នុងការពង្រីកវិសាលភាពរបស់ខ្លួនមកកាន់ទីផ្សារកម្ពុជា ដែលជាទីផ្សារមួយប្រកបសក្តានុពលភាព ខណៈសេដ្ឋកិច្ចប្រទេសកម្ពុជាកំពុងមានការរីកចម្រើនយ៉ាងឆាប់រហ័ស ។
ការនាំចូលម៉ាកដ៏ល្បី FRETTE មកកាន់មជ្ឈមណ្ឌលពាណិជ្ជកម្ម វឌ្ឍនៈ កាពីតាលគឺជាជម្រើសដែលល្អបំផុត ព្រោះមជ្ឈមណ្ឌលពាណិជ្ជកម្មដ៏ប្រណិតនេះបានប្រមូលផ្តុំនូវទំនិញម៉ាកល្បីៗជាច្រើនដូចជា JIMMY CHOO, HUGO BOSS, BOTTEGA BENETA, STEFFANO RICCI, CANALI, SAVATORE FERRAGAMO, ROBERTO CAVALLI, BRIONI ដែលជាទិសដៅអតិថិជនរបស់ហាង FRETTE ។
លោក FILIPPO សង្ឃឹមថាអតិថិជននឹងទទួលបាននូវបទពិសោធន៍ថ្មីលើផលិតផលដ៏ប្រណិតទាំងនេះ ហើយលោកក៏បានពោលពាក្យមួយឃ្លាដ៏មានអត្ថន័យថា “ ព្រះអាទិត្យរះ ឬ អស្តង្គត ផលិតផល FRETTE គឺនៅជាមួយអ្នក”។
សូមអញ្ជើញសាធារណជនទាំងអស់ ចូលរួមទទួលយកបទពិសោធន៍ថ្មីៗ និងទទួលយកនូវភាពស៊ីវីល័យនែការរស់នៅ ពីមជ្ឈមណ្ឌលពាណិជ្ជកម្មដ៏ប្រណិត វឌ្ឍនៈ កាពីតាល ដែលមានទីតាំងស្ថិតនៅមហាវិថីព្រះមុនី្នវង្ស សង្កាត់វត្តភ្នំ ខណ្ឌដូនពេញ រាជធានីភ្នំពេញ ។
សូមអញ្ជើញចូលទស្សនាគេហទំព័រតាមរយៈhttps://www.vattanaccapital.com/
លេខទូរស័ព្ទទំនាក់ទំនង +855 (0)23 938 888
ចែករំលែកព័តមាននេះ