ADផ្ទាំងផ្សព្វផ្សាយពាណិជ្ជកម្ម

Picture

ពេជ្រ ច័ន្ទ​បរមី​ បង្ហាញ​មុខ​យ៉ាង​កម្រ​ជា​មួយ​ស្វាមី​ មិន​លាត​ត្រដាង​ខ្សែ​ជីវិត​ដែល​ចាក​ឆ្ងាយ​ពី​សិល្បៈ​នេះ​ទេ​

11 ឆ្នាំ មុន

រាជ​ធានី​ភ្នំពេញ​ ៖ អតីត​​តារា​សម្តែង​ដែល​ធ្លាប់​មាន​ឈ្មោះ​បោះសំឡេង​​ក្នុង​សង្គម​សិល្បៈ​ អ្នក​នាង​ពេជ្រ​ ច័ន្ទ​បរមី​ បាន​លេច​មុខ​គួរ​ឱ្យ​ចាប់​អារម្មណ៍​ជាមួយ​ស្វាមី​កាល​ពី​ពេល ថ្មីៗ​នេះ​ក្នុង​កម្មវិធី​ធំ​មួយ​ក្នុង​នាម​ជា​លោក​ជំទាវ​ម្នាក់ ។​តារា​សម្តែងស្រី​នៅ​ក្នុង​រឿង​ «ចៅ​ពស់​កេង​កេង​» រូប​នេះ​នៅ​តែ​មិន​ស្វាគមន៍ចំពោះ​ការ​សាកសួរ​ពី​ក្រុម​អ្នក​សារព័ត៌​មាន​ឡើយ​ ដោយ​សារ​វត្ត​មាន​របស់​នាង​នាពេល​នោះ​ ក្នុង​

រាជ​ធានី​ភ្នំពេញ​ ៖ អតីត​​តារា​សម្តែង​ដែល​ធ្លាប់​មាន​ឈ្មោះ​បោះសំឡេង​​ក្នុង​សង្គម​សិល្បៈ​ អ្នក​នាង​ពេជ្រ​ ច័ន្ទ​បរមី​ បាន​លេច​មុខ​គួរ​ឱ្យ​ចាប់​អារម្មណ៍​ជាមួយ​ស្វាមី​កាល​ពី​ពេល ថ្មីៗ​នេះ​ក្នុង​កម្មវិធី​ធំ​មួយ​ក្នុង​នាម​ជា​លោក​ជំទាវ​ម្នាក់ ។​តារា​សម្តែងស្រី​នៅ​ក្នុង​រឿង​ «ចៅ​ពស់​កេង​កេង​» រូប​នេះ​នៅ​តែ​មិន​ស្វាគមន៍ចំពោះ​ការ​សាកសួរ​ពី​ក្រុម​អ្នក​សារព័ត៌​មាន​ឡើយ​ ដោយ​សារ​វត្ត​មាន​របស់​នាង​នាពេល​នោះ​ ក្នុង​នាម​ជា​ជំទាវ​មួយ​រូប​មក​ជាមួយ​ស្វាមី​ដែល​ជា​មន្ត្រី​មាន​មុខ​មាត់​ ហើយ​អាការ​បែប​នេះ​គឺកើត​មាន​ជា​ រឿយៗ​សម្រាប់​អតីត​តារាសម្តែង​រូប​នេះ​ សូម្បី​តែ​ការ​ថត​រូប​ក៏​កម្រ​នាង​អនុញ្ញាត​ឱ្យ​ដែរ ។​

គ្រង​រ៉ូប​ពណ៌​ខ្មៅ​ អ្នក​នាង​ពេជ្រ​ ច័ន្ទ​បរមី បាន​បណ្តើរ​គ្នា​ជា​មួយ​ស្វាមី​ទៅ​ចូល​រួម​ក្នុង​ក​ម្មវិធី​សម្ពោធ​ក្រុម​ហ៊ុន​ឆ្នោត​មួយ​កាល​ពី​ពេល​ ថ្មីៗ​នេះ​នៅ​ភោជនីយ​ដ្ឋាន​តូប៉ាស់​នៃ​រាជធានី​ភ្នំពេញ​ ក្នុង​នាម​ជា​ភ្ញៀវ​កិត្តិ​យស។ ក្នុងពេល​នោះ​ ក្រៅ​ពី​ជជែក​គ្នា​លេង​ជាមួយ​គ្រួសារ​ អ្នក​នាង​ពេជ្រ ច័ន្ទ​បរមី​ និង​ស្វាមី​បាន​ជួប​សំណេះ​សំណាល​ជាមួយ​លោក​​ខៀវ​ កាញា​រីទ្ធ​ រដ្ឋ​មន្ត្រី​ក្រសួង​ព័ត៌​មាន​ដែល​ជា​អធិបតី​នៅ​ក្នុង​កម្ម​វិធី​ ។​

គេសង្កេត​ឃើញ អ្នក​នាង​ពេជ្រ ច័ន្ទ​បរមី​ នៅតែ​ស្រស់​ស្អាត​ដដែល​ បើ​ទោះ​បី​ជា​នាង​​ដើេរ​ចេញ​ពី​វិស័យ​សិល្បៈ​អស់​ជាច្រើនឆ្នាំ​ ដោយរៀប​ការ​រស់​នៅ​ក្នុង​ភាព​ស្តុកស្តម្ភ​ក៏​ដោយ ។​ ពេជ្រ ច័ន្ទ​បរមី បាន​បង្ហាញ​ភាព​ហុឺហារបស់​ខ្លួន​ក្នុង​នាម​ជាជំទាវ​ម្នាក់​ ។ ការ​លេច​មុខ​ជា​មួយ​ស្វាមី​ជា​សាធារណៈ​របស់​អតីតតារាសម្តែង​រូប​នេះ គឺ​គេ​​កម្រ​​បានឃើញ​ណាស់​ ។ កន្លង​មក​គេ​ធ្លាប់​ឃើញ​នាង​ម្តង​ម្កាល​នៅ​ក្នុង​ពិធី​ជួប​ជុំ​អ្នក​សិល្បៈ​តែម្នាក់​ឯង​ប៉ុណ្ណោះ​ ។​

មាន​ការ​កត់​សម្គាល់​ថា​ តារា​ស្រី​២​ដួង​គឺ​ អ្នក​នាង​ស្រីតូច​ ចំណាន​ និង​អ្នក​នាង​ពេជ្រ ច័ន្ទ​បរមី​ សុទ្ធតែ​មាន​ស្វាមី​ជា​ឯក​ឧត្តម​ និង​ឧកញ៉ា​ រស់​នៅ​ក្នុង​ភាព​ត្រចះត្រចង់​ ហើយ​ចាក​ចេញ​ផុត​ពី​ពិភព​សិល្បៈ​ ។​សម្រាប់​អ្នក​នាង​ពេជ្រ ច័ន្ទបរមី​ កំពុង​រស់​​នៅ​ក្នុង​វីឡា​ស្កឹម​ស្កៃ​នៅ​ម្តុំ​ភ្នំពេញ​ថ្មី​នៃ​រាជធានី​ភ្នំពេញ​ ដោយ​មាន​កូន​ប្រុស​២​នាក់​ហើយ ៕​