រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ជំហរមិនឱនក្បាលស្តាប់ការចង្អុលបញ្ជារបស់បរទេសក្នុងការធ្វើឲ្យប្រសើរឡើងលើវិស័យសេដ្ឋកិច្ចនោះទេ គឺសម្តេចនឹងយកគំរូដឹកនាំប្រទេសរបស់សម្តេចព្រះបាទនរោត្តមសីហនុព្រះបរមរតនកោដ្ឋ ។ ថ្លែងក្នុងវេទិការវាងរាជរដ្ឋាភិបាល -ផ្នែកឯកជនលើកទី១៨…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ជំហរមិនឱនក្បាលស្តាប់ការចង្អុលបញ្ជារបស់បរទេសក្នុងការធ្វើឲ្យប្រសើរឡើងលើវិស័យសេដ្ឋកិច្ចនោះទេ គឺសម្តេចនឹងយកគំរូដឹកនាំប្រទេសរបស់សម្តេចព្រះបាទនរោត្តមសីហនុព្រះបរមរតនកោដ្ឋ ។ ថ្លែងក្នុងវេទិការវាងរាជរដ្ឋាភិបាល -ផ្នែកឯកជនលើកទី១៨ នាព្រឹកថ្ងៃទី២៩ ខែមីនា ឆ្នាំ២០១៩ នៅវិមានសន្តិភាព ។
សម្ដេចតេជោបានគូសបញ្ជាក់ថា«កុំឱ្យគេមកចង្អុលក្បាលយើងថា អ្ហែងធ្វើនេះ អ្អែងធ្វើនោះ បើឯងមិនធ្វើតាមអញ អញនឹងត្រូវកាត់ពីអ្ហែង កុំអញ្ចឹងទៀត ។ បើគេឱ្យទៅឲ្យទៅហើយ បើគេមិនឲ្យយើងបង់ពន្ធឱ្យគេទៅ ។ យើងបង់ពន្ធឱ្យទេគេបង់ពន្ធឱ្យយើង ជាការសមរម្យណាស់ក្នុងការរកស៊ី ប៉ុន្តែបើយើងមានការអនុគ្រោះក៏ជាការល្អ ក៏ប៉ុន្តែកុំឲ្យគេមកប្រើក្បាលយើងថាអ្ហែងទៅធ្វើចេះ ឯងត្រូវតែធ្វើចុះ បើមិនធ្វើតាមទេ អាញនឹងកាត់ជំនួយ» ។ សម្ដេចបន្តថា កម្ពុជាមិនទាន់ទទួលការគំរាមបែបនេះនោះទេ ព្រោះថា អតីតកាលរបស់កម្ពុជាធ្លាប់បានរងការឈឺចាប់ណាស់ គឺការស្លាប់ក្នុងរបបប៉ុលពត ត្រូវគេហ៊ុំព័ទ្ធទាំងផ្នែកនយោបាយ និងផ្នែកសេដ្ឋកិច្ច ។ តែកម្ពុជាមិនស្លាប់នោះទេ ប្រឹងងើបឈរឡើងកម្ពុជាតាំងពីភ្នំពេញមានមនុស្សតែ៧០ នាក់ យើងឈរឡើងឥឡូវមិនត្រូវទុកឱ្យនរណាបង្គាប់បញ្ជាយើងនោះទេ ។ មិនអាចយកឯករាជ្យអធិបតេយ្យជាតិ គឺដោះដូរនូវអ្វីទាំងអស់ បើទោះបីយើងត្រូវរឹតក្រមា និងចង្កេះ ដើម្បីស៊ីឲ្យតិច ក៏ត្រូវតែរឹតដែរ» ។
សម្តេចបានបន្ថែមថា ដើម្បីធានាឲ្យឯករាជ្យរបស់ប្រទេសហើយ បើអ្នកណាមួយហើយតាំងខ្លួន និងឱនក្បាលលិឍជើងគេ ដើម្បីនឹងទទួលបានភាពអនុគ្រោះមិនចាំបាច់ធ្វើមេដឹកនាំកម្ពុជាកម្ពុជាទេ ។ គ្មានចរិតជាតិនិយមចង្អៀតចង្អល់នោះទេ ។ តើកម្ពុជាមានចរិតជាតិនិយម មួយនៅត្រង់ថា រក្សារឯករាជ្យជាតិ និងអធិបតេយ្យ ហើយរឿងនេះសម្ដេចព្រះនរោត្តមសីហនុព្រះបិតាជាតិរបស់យើង កាលពីជំនាន់មុន សុខចិត្តឲ្យគេកាត់ជំនួយរហូតដល់ព្រះអង្គ សូមឱ្យគេផ្ដាច់ជំនួយពីបរទេស តែព្រះអង្គមិនលូននឹងអោបជើងរបស់អ្នកណានោះទេ ។
សម្តេចគូសបញ្ជាក់ថា«យើងត្រូវរៀនសូត្រតាមព្រះបិតាជាតិសម្តេចព្រះនរោត្តមសីហនុព្រះបរមរតនកោដ្ឋ ដែលបង្រៀនយើងតាំងពីដើមមក»។ ជាមួយគ្នានោះដែរសម្ដេចតេជោក៏បានគូសបញ្ជាក់ថា«អញ្ចឹងទេ យើងត្រូវខិតខំធ្វើខ្លួនឯងកុំចង់ចំណេញអាក្រុមហ៊ុនស្គេន ហើយនាំគ្នាកាន់ធ្វើឱ្យយឺតដំណើរការសេដ្ឋកិច្ចគ្រាន់តែល្បឿន និងដឹកជញ្ជូនយើងចំណេញទាំងពេលវេលា និងចំណេញទាំងលុយ ដូច្នេះហើយជាផែនការអភិវឌ្ឍសេដ្ឋកិច្ច ។ សម្តេច បន្ថែមទៀតថា បើទោះបីមានភាពអនុគ្រោះ ឬគ្មានភាពអនុគ្រោះ គឺកម្ពុជានៅតែទៅមុខជារៀងរហូត ។
កម្ពុជាត្រូវការសហការជាមួយដៃគូ ហើយកម្ពុជាក៏មិនត្រូវការឲ្យគេខុសក្បាលតាមអំពើចិត្តនោះទេ ។ ខ្ញុំបានចារទៅចំណាររបស់លោកឧបនាយករដ្ឋមន្ត្រីប្រាក់ សុខុន រដ្ឋមន្ត្រីចំក្រសួងការបរទេសចំពោះការសន្ទនា រួចហើយខ្ញុំចាថា កង្វល់របស់អ្នកដទៃមិនមែនជាបន្ទាត់នយោបាយដែលយើងត្រូវអនុវត្តនោះទេ ។ រឿងរបស់អ្នកដទៃដែលមានកង្វល់សម្រាប់យើង គឺយើងអរគុណហើយតែមិនមែនជាអ្វីដែលយើងត្រូវធ្វើនោះទេ ។ បើកង្វល់មានហេតុមានផលត្រឹមត្រូវដោយមិនបំពានលើអធិបតេយ្យរបស់យើធ្វើ»៕
ចែករំលែកព័តមាននេះ