រាជធានីភ្នំពេញ៖ ស៊ូ ស៊ីរីកា ទើបតែមានឱកាសទៅសម្ដែងជាលើកដំបូងនៅលើទឹកដីអាមេរិក ប៉ុន្តែតារាស្រីរូបនេះទាក់ទាញបានអ្នកគាំទ្រច្រើន ។ អ្នកគ្រប់គ្រងកម្មវិធីនៅសហរដ្ឋអាមេរិកបានលើកឡើងកាលពីពេល ថ្មីៗកន្លងមកថា តារាស្រីនៅផលិតកម្មថោនរូបនេះមានការគាំទ្រច្រើន ទាំងខ្មែរនៅទីនោះ…
រាជធានីភ្នំពេញ៖ ស៊ូ ស៊ីរីកា ទើបតែមានឱកាសទៅសម្ដែងជាលើកដំបូងនៅលើទឹកដីអាមេរិក ប៉ុន្តែតារាស្រីរូបនេះទាក់ទាញបានអ្នកគាំទ្រច្រើន ។ អ្នកគ្រប់គ្រងកម្មវិធីនៅសហរដ្ឋអាមេរិកបានលើកឡើងកាលពីពេល ថ្មីៗកន្លងមកថា តារាស្រីនៅផលិតកម្មថោនរូបនេះមានការគាំទ្រច្រើន ទាំងខ្មែរនៅទីនោះ ទាំងបរទេស ទាំងមន្ត្រីស្ថានទូតប្រចាំសហរដ្ឋអាមេរិក បានទិញសំបុត្រចូលទស្សនាការសម្ដែងរបស់នាងច្រើនកុះករ ។
ប្រភពដដែលអះអាងថា ហ្វេននៅលើទឹកដីអាមេរិក សុទ្ធតែលាន់មាត់សរសើរថា ស៊ូ ស៊ីរីកា ជាតារាចម្រៀងខ្មែរដែលអាចបកស្រាយបានលន្លង់លន្លោចទាំងបទមនោសញ្ចេតនាជាភាសាខ្មែរ និងបរទេស ខណៈដែលបទចម្រៀងជាចង្វាក់រាំដែលនាងបកស្រាយក៏ពោរពេញដោយស្ទីលក្រមិចក្រមើម ធ្វើឱ្យអ្នកទស្សនាដោយផ្ទាល់ជាប់ចិត្ត ។
ស៊ូ ស៊ីរីកា ពិតជាមានប្រជាប្រិយភាពនៅលើទឹកដីអាមេរិក ធ្វើឲ្យអ្នកធានាយកនាងឱ្យទៅច្រៀងនៅទីនោះញញឹមបិទមាត់មិនជិត និងសរសើរថានាងគឺជាតារាល្បីពីកម្ពុជាតែម្នាក់គត់ ដែលចេះសម្របតាមបរិយាស ដោយតស៊ូច្រៀងបំពេញតាមសំណូមពរអ្នកគាំទ្រ ដោយមិនកំណត់ចំនួនបទ និងម៉ោងពេល ធ្វើឱ្យកម្មវិធីទាំងមូលកាន់តែរស់រវើក ។
ស្របពេលដែលទទួលបានជោគជ័យលើការសម្ដែងនៅលើទឹកដីសហរដ្ឋអាមេរិក ខណៈនេះបទចម្រៀងថ្មីរបស់ស៊ូ ស៊ីរីកា «ម៉ាឌីហ្ស៊នឈូសស្បែកជើង» របស់នាងក៏ត្រូវគេចាក់គ្រប់ទិសទីតាមហាងទំនិញ ផ្សារទំនើប និងក្នុងកម្មវិធីរាំលេងក្នុងមង្គលការ ស្របពេលដែលបទចម្រៀងនេះក៏មានអ្នកចូលស្ដាប់ច្រើននៅលើយូធូប ។
មិនត្រឹមតែកន្ត្រាក់អារម្មណ៍អ្នកនិយមទឹកដមសំឡេងរបស់ស៊ូ ស៊ីរីកា ក្នុងបទ «ម៉ាឌីហ្ស៊នឈូសស្បែកជើង» តែមួយបទទេ សូម្បីតែបទមរតកដើម ដូចជាបទ «ចាស់ហើយលោកប្ដី» ដែលនាងច្រៀងរួមគ្នា ជាមួយលោកម៉ៅ ហាជី ក៏ត្រូវគេចាក់តាមវិទ្យុ និងទីសាធារណៈ ជាញឹកញាប់ ។ ធ្លាយដំណឹងដែរថា នៅលើទឹកដីអាមេរិកនោះមានបុរសចែចង់ស៊ូ ស៊ីរីកា ហើយនាងកំពុងតែពិចារណា ៕
ចែករំលែកព័តមាននេះ