រាជធានីភ្នំពេញ ៖ សម្តេចតេជោហ៊ុន សែន នាយករដ្ឋមន្ត្រីបានបញ្ជាឲ្យតាមចាប់អ្នកបើករថយន្តបុកនិស្សិតម្នាក់ស្លាប់ កាលពីថ្ងៃទី២៦ ខែមីនា ឆ្នាំ២០១៩កន្លងមកនេះ ។ មានប្រសាសន៍ក្នុងពិធីប្រគល់សញ្ញាបត្រដល់គរុសិស្ស-គរុនិស្សិត…
រាជធានីភ្នំពេញ ៖ សម្តេចតេជោហ៊ុន សែន នាយករដ្ឋមន្ត្រីបានបញ្ជាឲ្យតាមចាប់អ្នកបើករថយន្តបុកនិស្សិតម្នាក់ស្លាប់ កាលពីថ្ងៃទី២៦ ខែមីនា ឆ្នាំ២០១៩កន្លងមកនេះ ។ មានប្រសាសន៍ក្នុងពិធីប្រគល់សញ្ញាបត្រដល់គរុសិស្ស-គរុនិស្សិត ដែលបានបញ្ចប់ការសិក្សាឆ្នាំ២០១៧-២០១៨ សរុបចំនួន១,៩១៨នាក់ នៅវិទ្យាស្ថានជាតិអប់រំ នាព្រឹកថ្ងៃទី២៧ ខែមីនា ឆ្នាំ២០១៩នេះ សម្តេចតេជោបានបញ្ជាក់ថា «ដូចប៉ុន្មានថ្ងៃមកនេះ ឃើញដាក់បញ្ចាំងរឿងរថយន្តបុកនិ ស្សិតម្នាក់ស្លាប់នឹងត្រូវតែតាមរកឲ្យឃើញ ។ ករណីនេះបណ្តាលមកពីអី គឺបណ្តាលមកពីអត់គុណធម៌នឹងឯង» ។
សម្តេចបន្តថា បើអ្នកជិះម៉ូតូ ជិះកង់យឺតប៉ុណ្ណាក៏គង់តែលឿនជាងកង់ដែរ ហើយលឿនជាងអ្នកដើរដែរ លើកលែងតែឡាន និងម៉ូតូ តែម៉ូតូខ្លះបានវាលឿនជាឡានមួយសេរី ប៉ុន្តែគេចចុះគេចឡើង បុកផូងនៅក្រោមឡានបាត់រឿងនឹង គឺអីញ្ចឹង ។ សម្តេចក៏បានលើកឡើងថា គ្រោះថ្នាក់ចរាចរណ៍សព្វថ្ងៃនេះបានធ្វើឲ្យប្រជាពលរដ្ឋស្លាប់ច្រើនជាងសម័យសង្គ្រាមទៅទៀត។ សម័យសង្គ្រាមមានថ្ងៃខ្លះអត់មានការប្រយុទ្ធ តែមានអ្នកស្លាប់ និងរបួសដោយសារភ្លើងឆេះផ្ទះ ក្រោយការប្រយុទ្ធ ។
សម្តេចបញ្ជាក់ថា «ស្រុកខ្មែរបច្ចុប្បន្នថ្ងៃណាក៏មានស្លាប់ និងរបួសជាមធ្យមមានចំនួន៧នាក់ក្នុងមួយថ្ងៃគិតជាធម្យម ។ អាហ្នឹងស្លាប់ អីញ្ចឹងច្រើនជាងសម័យសង្គ្រាមទៅទៀត អីញ្ចឹងត្រូវយកចិត្តទុកដាក់» ។ ជាមួយគ្នានោះដែរការស្លាប់ដោយសារគ្រោះថ្នាក់ចរាចរណ៍សម្តេចតេជោ និយាយពីបញ្ជាគុណធម៌ ហើយជំហានដំបូងគម្បីត្រូវនិយាយពីបញ្ជាគោរពច្បាប់ចរាចរណ៍ ទាក់ទងបញ្ជាកាមិនប្រើប្រាស់គ្រឿងញៀន និងបញ្ហាសីលធម៌ រឿងទាំងអស់នេះ គឺជារឿងដែលយើងត្រូវដោះស្រាយ ។
សូមជម្រាបថា កាលពីថ្ងៃទី២៦ ខែមីនា ឆ្នាំ២០១៩ យុវតីជានិស្សិតម្នាក់ត្រូវបានរថយន្តម៉ាករ៉េនរ៉ូវើ បានបើកក្នុងល្បឿនលឿនបុកស្លាប់នឹងកន្លែង ខណៈដែលយុវតីនោះជិះម៉ូតូចេញពីសាលារៀន ៕
ចែករំលែកព័តមាននេះ