ក្រុមប៉ូលិសបាននិយាយថា ខ្មាន់កាំភ្លើងអាល់សាបាបបានសម្លាប់មនុស្សយ៉ាងហោចណាស់១៥នាក់ រួមទាំងរដ្ឋមន្ត្រីម្នាក់ បន្ទាប់ពីការបំផ្ទុះគ្រាប់បែកអត្តឃាតរថយន្តនិងការវាយប្រហារនៅក្នុងអគាររដ្ឋាភិ
បាល ។ កម្លាំងសន្តិសុខរបស់ប្រទេសសូម៉ាលី បានបង្ក្រាបអ្នកវាយប្រហារ៥នាក់ នៅក្នុងការប្រយុទ្ធគ្នាដោយកាំភ្លើង ដែលមានរយៈពេលរាប់ម៉ោងនៅខាងក្នុងអគាររដ្ឋាភិបាល ដែលមានក្រសួងការងារនិងការងារសាធារណៈ ។
លោក Saqar Ibrahim Abdalla អនុរដ្ឋមន្ត្រីក្រសួងការងារ និងកិច្ចការសង្គមនៃប្រទេសសូម៉ាលី ត្រូវបានសម្លាប់នៅក្នុងបន្ទប់ជាន់ក្រោមរបស់គាត់ភ្លាមៗ បន្ទាប់ពីខ្មាន់កាំភ្លើងបានចូលក្នុងអគារនៅរសៀលថ្ងៃសៅរ៍ ។ លោក Abdikadir Abdirahman ប្រធានផ្នែកសេវាសង្គ្រោះ Amin បាននិយាយថាមនុស្ស ១១នាក់ផ្សេងទៀតបានរងរបួស។ ក្រុមជ្រុលនិយមអាល់សាបាប ដែលមានទំនាក់ទំនងជាមួយអាល់កៃដាគឺជាអ្នកត្រូវទទួលខុសត្រូវចំពោះការវាយប្រហារនេះ។
ក្រុមភេរវករបានអះអាងថា ម្នាក់ក្នុងចំណោមអ្នកប្រយុទ្ធរបស់ខ្លួនបានបុកអគារនេះ ជាមួយគ្រាប់បែកក្នុងឡាន ដែលអនុញ្ញាតឱ្យអ្នកដទៃអាចទទួលបានការចូលតាមច្រកនេះបើយោងតាមកាសែត Al Jazeera ។ មនុស្សរាប់សិបនាក់នៅខាងក្នុងអគារនៅពេលនោះថ្ងៃសៅរ៍គឺជាថ្ងៃធ្វើការនៅក្នុងប្រទេសសូម៉ាលី។ អគារនេះគឺមិនឆ្ងាយពីទីស្នាក់ការកណ្តាលរបស់ទីភ្នាក់ងារចារកម្មសូម៉ាលីទេ ។
នៅពេលដែលការវាយប្រហារបានរីករាលដាល ការបាញ់កាំភ្លើងអាចត្រូវបានឮពីខាងក្នុងអាគារ ហើយសាក្សីបាននិយាយថាពួកគេអាចឃើញផ្សែងពណ៌សហោះចេញពីកន្លែងកើតហេតុ៕
ចែករំលែកព័តមាននេះ