តាមប្រភពពីOddity Central បានឱ្យដឹងថា បុរសជនជាតិថៃម្នាក់ដែលគេល្បីកាលពីខ្ទង់២ឆ្នាំមុនថាទៅណាមកណា តែងតែពាក់រូបព្រះជាច្រើនពេញខ្លួន (មើលទៅដូចជាអាវក្រោះ) បានស្លាប់ដោយសាររថយន្តបុកនៅពេលគាត់ចាកចេញពីផ្ទះ ដោយគ្មានពាក់រូបព្រះទៅជាមួយ ។
លោក Sanom Chantaraphirom នៅស្រុក Sawaeng Ha ក្នុងខេត្ត Ang Thong ប្រទេសថៃ គឺជាអ្នករត់ម៉ូតូតុតុ ដែលមានពាក់រូបព្រះជាច្រើនពេញខ្លួន រហូតដល់ថ្នាក់ធ្វើឱ្យល្បីពេញព័ត៌មាន ។ លោកពាក់វត្ថុស័ក្តសិទ្ធិយ៉ាងច្រើនបែបនេះ គឺដោយសារតែជឿជាក់ថា នឹងទទួលបានសំណាងល្អ ហើយលោកក៏ចង់បង្ហាញថាលោកគោរពព្រះពុទ្ធសាសនា។
រូបព្រះដែលលោក Chantaraphirom មានពាក់ជាប់នឹងខ្លួន មានធ្វើអំពីស្នែង ឆ្អឹង ឈើ និង លោ
ហៈ។ រាល់រូបព្រះទាំងអស់ សុទ្ធតែត្រូវយកទៅប្រសិទ្ធិនៅវត្ត ។ គេជឿជាក់ថា ការពាក់របស់ទាំងនេះ គឺនាំមកនូវសំណាងទាំងខាង ស្នេហាប្តីប្រពន្ធ ទ្រព្យសម្បត្តិ សុខភាព និងស្នេហាគូសង្សារ ។
កាលពីខែមុន អ្នកដែលស្គាល់លោក Sanom មានការភ្ញាក់ផ្អើលយ៉ាងខ្លាំង នៅពេលដឹងថា លោកបានស្លាប់នៅក្នុងហេតុការណ៍គ្រោះថ្នាក់ចរាចរណ៍ (រថយន្តបុក) ខណៈពេលដែលគាត់បើកតុកតុកមកផ្ទះ ។ អ្វីដែលគួរឱ្យកត់សម្គាល់នោះ គឺគេឃើញគាត់មិនមានពាក់រូបព្រះដូចរាល់ដងនោះទេ ។
ចែករំលែកព័តមាននេះ