រាជធានីភំពេញ ៖ នារីម្នាក់ជិះម៉ូតូទៅផ្សារទុកម៉ូតូនៅមុខផ្សារកំពុងដើរទិញម្ហូប ស្រាប់តែត្រូវជនសង្ស័យកាច់.កម៉ូតូយកទៅបាត់បង្កឲ្យមានការភ្ញាក់ផ្អើលកាលពីម៉ោង៦និង២០នាទីយប់ ថ្ងៃទី២១ ខែមីនា ឆ្នាំ២០១៩ នៅផ្សារអូដឹម ក្នុងបុរីញ៉ូវថោន ស្ថិតក្នុងភូមិអង្គសង្កាត់ចោមចៅទី៣…
រាជធានីភំពេញ ៖ នារីម្នាក់ជិះម៉ូតូទៅផ្សារទុកម៉ូតូនៅមុខផ្សារកំពុងដើរទិញម្ហូប ស្រាប់តែត្រូវជនសង្ស័យកាច់.កម៉ូតូយកទៅបាត់បង្កឲ្យមានការភ្ញាក់ផ្អើលកាលពីម៉ោង៦និង២០នាទីយប់ ថ្ងៃទី២១ ខែមីនា ឆ្នាំ២០១៩ នៅផ្សារអូដឹម ក្នុងបុរីញ៉ូវថោន ស្ថិតក្នុងភូមិអង្គសង្កាត់ចោមចៅទី៣ ខណ្ឌពោធិ៍សែនជ័យ ។
ជនរងគ្រោះជាម្ចាស់ម៉ូតូឈ្មោះ វេត តូនី ភេទប្រុស អាយុ២៥ឆ្នាំ មុខរបរកម្មកររោងចក្រ ស្នាក់នៅភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ ចំណែកស្ត្រីជាពន្ធមិនបានបញ្ជាក់ឈ្មោះនោះឡើយ ដោយបានមកដាក់ពាក្យបណ្ដឹងជាមួយគ្នា ។ រីឯម៉ូតូដែលជនសង្ស័យកាច់កយកទៅបាត់នោះម៉ាកហុងដាឌ្រីម ស៊េរី២០១៧ ពណ៌ខ្មៅ ពាក់ស្លាកលេខ ភ្នំពេញ 1GN -2791 ។
តាមប្រភពពីបុរសជាប្តីនិយាយថា នៅមុនពេលកើតហេតុ ប្រពន្ធគាត់បានជិះម៉ូតូទៅរកទិញម្ហូបនៅក្នុងផ្សារអូដឹមខាងលើនោះដោយទុកម៉ូតូនៅមុខផ្សារ រួចចូលទៅដកលុយ ហើយឈៀងចូលទៅទិញត្រីធ្វើម្ហូប ខណៈទិញត្រីបានហើយឱ្យអ្នកលក់ជួយធ្វើត្រីអស់រយៈពេលប្រមាណជាង២០នាទី ទើបត្រឡប់ទៅកន្លែងទុកម៉ូតូវិញ ស្រាប់តែម៉ូតូត្រូវជនសង្ស័យកាច់កម៉ូតូយកទៅបាត់ ។
ប្រភពដដែលបន្តទៀតថា ខណៈពេលដែលបាត់ ប្រពន្ធរបស់គាត់បានសួរអ្នកនៅក្បែរកន្លែងកើតហេតុ ដោយឃើញជនសង្ស័យម្នាក់ជិះចេញ ហើយប្រជាពលរដ្ឋខាងលើស្មានថា ជាប្តី ជនរងគ្រោះ ដោយឃើញជនរងគ្រោះទុកម៉ូតូ ហើយជនសង្ស័យបានយក បន្ទាប់ពីនារីរងគ្រោះទុកហើយជនសង្ស័យយកភ្លាមៗផងដែរ។
ក្រោយពេលកើតហេតុ ជនរងគ្រោះពីរនាក់ប្តីប្រពន្ធមកដាក់ពាក្យបណ្ដឹងដើម្បីឱ្យសមត្ថកិច្ចនគរបាលប៉ុស្តិ៍ ជួយស៊ើបអង្កេតរកមុខសញ្ញាខាងលើយកមកផ្តន្ទាទោសតាមច្បាប់ ៕
ចែករំលែកព័តមាននេះ