រាជធានីភ្នំពេញ ៖ មន្ទីរពេទ្យរ៉ូយ៉ាល់ភ្នំពេញ បានរៀបចំនូវសិក្ខាសាលាមួយ ដើម្បីបង្ហាញពីជំងឺពីរប្រភេទដែលកើតចំពោះស្ត្រី គឺជំងឺមហារីកសុដន់ និងជំងឺដុំសាច់ក្នុងស្បូន ។ សិក្ខាសាលានេះបានធ្វើឡើងកាលពីថ្ងៃទី១៦ មីនា…
រាជធានីភ្នំពេញ ៖ មន្ទីរពេទ្យរ៉ូយ៉ាល់ភ្នំពេញ បានរៀបចំនូវសិក្ខាសាលាមួយ ដើម្បីបង្ហាញពីជំងឺពីរប្រភេទដែលកើតចំពោះស្ត្រី គឺជំងឺមហារីកសុដន់ និងជំងឺដុំសាច់ក្នុងស្បូន ។ សិក្ខាសាលានេះបានធ្វើឡើងកាលពីថ្ងៃទី១៦ មីនា ២០១៩ នៅមន្ទីរពេទ្យរ៉ូយ៉ាល់ភ្នំពេញ ផ្ទាល់តែម្ដង ដោយមានការចូលមរួមបង្ហាញដោយវាគ្មិនពីររូបមកពីមន្ទីរបាងកកប្រទេសថៃ ។
នៅក្នុងសិក្ខាសាលានោះដែរ លោក Kraipope Jarupaiboon វេជ្ជបណ្ឌិតជំនាញជំងឺមហារីកសុដន់បានមានប្រសាសន៍ថា ជំងឺមហារីកសុដន់ បានកើនឡើងគួរកត់សម្គាល់នៅក្នុងប្រទេស ជាក់ស្ដែងមនុស្ស១០ម៉ឺននាក់ យ៉ាងហោចណាស់ក៏មាន១៩នាក់ដែរផ្ទុកជំងឺមហារីកសុដន់ ហើយការព្យាបាលជំងឺនេះ ក៏នៅមិនទាន់មានប្រសិទ្ធភាព១០០ភាគរយដែរ ។
លោកបន្តថា សម្រាប់ជំងឺនេះនៅក្នុងប្រតេសកម្ពុជា បើប្រៀបធៀបនឹងប្រទេសជិតខាងឃើញថា មានអត្រាខ្ពស់ជាងគេ ដូច្នេះហើយត្រូវទាមទារបណ្ដុះបណ្ដាលប្រជាពលរដ្ឋជាពិសេសស្ត្រីកម្ពុជា ឱ្យយល់ដឹងពីជំងឺនេះឱ្យបានកាន់តែច្រើន ។ លោកថា៖ «ដើម្បីការពារនូវជំងឺនេះ ស្ត្រីគួរតែពិនិត្យសុដន់របស់ខ្លួនឱ្យបានទៀងទាត់រៀងរាល់ឆ្នាំ ហើយបើសិនជារកឃើញថា វាកំពុងកើតមាន នោះយើងអាចព្យាបាលបានទាន់ពេលវេលា ដោយមិនអោយវារីកដាលកាន់តែធំ »។
លោកបន្ថែមថា ជំងឺនេះជាជំងឺកាចសាហាវមួយ ដូច្នេះហើយទើបមន្ទីរពេទ្យរ៉ូយ៉ាល់ភ្នំពេញ បានរៀបចំនូវសិក្ខាសាលានេះឡើង ដើម្បីអោយស្ត្រីកម្ពុជាយល់ដឹងកាន់តែច្រើន និងការពារអោយបានល្អ ពីព្រោះការព្យាបាលនៅកម្ពុជា ហាក់នៅមានកម្រិតទាបនៅឡើយ មិនទាន់មានបច្ចេកទេសណាមួយទំនើបនៅឡើយទេ ។
ដោយឡែកលោកស្រីវេជ្ជបណ្ឌិត Yingchi Wang ឯកទេសផ្នែកសម្ភព និង រោគស្ត្រីវិញ ក៏បានអោយដឹងផងថា ជំងឺដុំសាច់ក្នុងស្បូន ក៏ជាជំងឺសាហាវមួយចំពោះស្ត្រី ហើយនៅពេលកើតជំងឺនេះ ភាគច្រើនត្រូវតែវះកាត់យកសាច់ដុះនោះចេញ ។ ហើយការវះកាត់ជំងឺនេះ ក៏ត្រូវប្រឈមធ្ងន់ធ្ងរផងដែរ ជាក់ស្ដែងដូចជា ការបាត់បង់ឈាមនៅពេលវះកាត់ជាដើម ។
លោកស្រីបន្តថា ដោយសារតែឃើញពីផលវិបាកនេះហើយ ទើបអ្នកជំនាញឯកទេសវះកាត់បានរកឃើញ នូវវិធីវះកាត់ដោយប្រើការចោះ ប្រហោងដើម្បីវះកាត់យកសាច់ដុះនោះចេញមក ។ លោកថា៖« ការវះកាត់ដោយចុះនោះ អ្នកជំងឺសឹងតែមិនចាំបាច់គេងសម្រាកនៅមន្ទីរពេទ្យនោះទេ ព្រោះការវះកាត់តាមបច្ចេកទេសថ្មីនេះ មិនធ្វើអោយបាត់បង់ឈាមច្រើនឡើង ដូច្នេះក្រោយពីវះកាត់តែពីរបីម៉ោង អ្នកជំងឺអាចចេញត្រឡប់ទៅសម្រាកនៅផ្ទះបាន ។
គួរបញ្ជាក់ថា មន្ទីរពេទ្យរ៉ូយ៉ាល់ភ្នំពេញ ក៏បានសហការជាមួយមន្ទីរពេទ្យជំនាញនៅប្រទេសថៃ ដើម្បីព្យាបាល និងវះកាត់ជំងឺពីរប្រភេទនេះផងដែរ ដោយប្រើបច្ចេកវិទ្យាទំនើបបំផុត នៅក្នុងប្រទេសកម្ពុជាផងដែរ ៕ ដោយសហការ
ចែករំលែកព័តមាននេះ