របាយការណ៍មួយរបស់រដ្ឋាភិបាលបានបង្ហាញថា ប្រជាជនកម្ពុជាកាន់តែច្រើន មានលុយដើរលេងក្រៅប្រទេស ហើយនៅឆ្នាំ២០១៨កន្លងមកនេះ ប្រជាជនកម្ពុជារហូតដល់ជិត២លាននាក់ បានចេញទៅក្រៅប្រទេសក្នុងគោលដៅទេសចរណ៍ ។ ឯកសារដែលនិយាយពីការចេញ-ចូលរបស់ជនបរទេស និងការធ្វើដំណើររបស់ប្រជាជនកម្ពុជា ទៅក្រៅប្រទេសនោះបាននិយាយថា…
របាយការណ៍មួយរបស់រដ្ឋាភិបាលបានបង្ហាញថា ប្រជាជនកម្ពុជាកាន់តែច្រើន មានលុយដើរលេងក្រៅប្រទេស ហើយនៅឆ្នាំ២០១៨កន្លងមកនេះ ប្រជាជនកម្ពុជារហូតដល់ជិត២លាននាក់ បានចេញទៅក្រៅប្រទេសក្នុងគោលដៅទេសចរណ៍ ។
ឯកសារដែលនិយាយពីការចេញ-ចូលរបស់ជនបរទេស និងការធ្វើដំណើររបស់ប្រជាជនកម្ពុជា ទៅក្រៅប្រទេសនោះបាននិយាយថា បើធៀបនឹងឆ្នាំ២០១៧ ចំនួនប្រជាជនកម្ពុជាធ្វើដំណើរជាលក្ខណៈ អន្តរជាតិ បានកើនឡើងចំនួន១២,៦០ភាគរយ ហើយនៅឆ្នាំ២០១៨ មានប្រជាជនខ្មែរចំនួន
១ ៩៨៦ ០០០នាក់ បានចេញក្រៅប្រទេសជាលក្ខណៈអន្តរជាតិ ។
ក្នុងនោះ ចំនួន១ ៩៣៥ ០០០ នាក់ ជាអ្នកទេសចរ ហើយការទូត៤៤០០នាក់ ពាណិជ្ជករ១៦៥៦នាក់ ផ្លូវការ១៧៩០០នាក់ និងនាវិកចំនួន២៦០០០នាក់។
ឯកសារដដែលនេះ ក៏បានអោយដឹងដែរថា មានជនបរទេសជិត៦លាននាក់បានចូលមកកាន់ប្រទេសកម្ពុជានៅឆ្នាំ២០១៨ ដោយមាន២០០សញ្ជាតិ ៕
ចែករំលែកព័តមាននេះ