ខេត្តកំពង់ចាម ៖ ដោយអនុវត្តន៍តាមគោលនយោបាយភូមិឃុំមានសុវត្ថិភាពកម្លាំងនគរបាលប្រឆាំង
គ្រឿងញៀនខេត្តបានបើកកិច្ចសហការជាមួយនឹងនគរបាលមូលដ្ឋាន ដោយបានបំបែកសំបុកគ្រឿង
ញៀនមួយកន្លែងធំ ដែលបានធ្វើឡើងនៅវេលាម៉ោង៣រសៀល ថ្ងៃទី០៩ មីនា ២០១៩ ។ ត្រង់ចំនុចផ្សារថ្មី ឃុំពាមប្រធ្នោះ ស្រុកកោះសូទិន ដោយបានឃាត់ខ្លួនប្រុសស្រីរហូតដល់ទៅ១២នាក់ ដកហូតបានថ្នាំញៀនចំនួន១៩៧កញ្ចប់ ក្នុងនោះធំ០៩កញ្ចប់ ជញ្ជីងអេឡិចត្រូនិច១គ្រឿង ប៊ិចកាំភ្លើងខ្លី១ដើម ដាវ១ដើម ទូរស័ព្ទដៃ០៨គ្រឿង និងម៉ូតូចំនួន០៥គ្រឿងផងដែរ ។
នគរបាលមូលដ្ឋានប្រាប់ឲ្យដឹងថា ក្រោយពីបានចំណាយពេលវេលា ដើម្បីតាមដានមុខសញ្ញាចែកចា
យគ្រឿងញៀននៅស្រុកកោះសូទិននោះក៏បានរាយការណ៍បន្ទាន់មកលោកឧត្តមសេនីយទោឯម
កុសល ស្នងការនគរបាលខេត្ត និងបានចាត់ការឲ្យកម្លាំងនគរបាលប្រឆាំងគ្រឿងញៀនខេត្តចុះជាប
ន្ទាន់ ដោយបានប្រើវិធីញុះញង់ឲ្យទិញថ្នាំញៀនដំបូងបានម្នាក់ ក្រោយបានសួរនាំក៏បានឆ្លើយសារភាព
និងបានតាមបំបែកសំបុកចែកចាយគ្រឿងញៀនតែម្តង។
នគរបាលមូលដ្ឋានប្រាប់បន្តថា ក្នុងវិធានការបង្ក្រាបមិនបានវៃស្មៅបង្អើលពស់នោះទេ ដោយបានតាម
បង្ក្រាបរហូតដល់ទៅ១២នាក់ក្នុងនោះមាន១-ឈ្មោះ កន ស្រីអូន ភេទស្រី អាយុ២៥ឆ្នាំ ២-ឈ្មោះ សេង
ប៊ុនហួរ ភេទប្រុស អាយុ៣២ឆ្នាំ ៣-ឈ្មោះ មិន ដានី ភេទស្រី អាយុ៣២ឆ្នាំ ៤-ឈ្មោះ ជុន ចាន់ផល្លា
ភេទប្រុស អាយុ២៩ឆ្នាំ ទាំង៤នាក់រស់នៅភូមិផ្សារថ្មី ឃុំពាមប្រធ្នោះ ស្រុកកោះសូទិន ៥-ឈ្មោះ ណុល
វ៉ាន់ណេត ភេទប្រុស អាយុ២២ឆ្នាំ ភូមិប៉ាក់ណាម ឃុំពង្រ ស្រុកកោះសូទិន ៦-ឈ្មោះ សេង ស៊ីម៉េង
ភេទប្រុស អាយុ២៦ឆ្នាំ ភូមិដំណាក់ស្វាយ ឃុំល្វេ ស្រុកកោះសូទិន ៧-ឈ្មោះ មុត វិសាល ភេទប្រុស
អាយុ២៤ឆ្នាំ ភូមិព្រែករំដេងកើត ឃុំព្រែករំដេង ស្រុកកោះសូទិន ៨-ឈ្មោះ ហាក់ ប៉ូលីស ភេទប្រុស
អាយុ៣០ឆ្នាំ ភូមិពង្រ ឃុំពង្រ ស្រុកកោះសូទិន ៩-ឈ្មោះ ថូ តុងហ៊ាង ភេទប្រុស អាយុ១៨ឆ្នាំ ភូមិព្រៃស្វា ឃុំជ្រៃឃ្មុំ ស្រុកស៊ីធរកណ្តាល ខេត្តព្រៃវែង ១០-ឈ្មោះ ងន់ ហោហេង ភេទប្រុស អាយុ២៩ឆ្នាំ
ភូមិព្រៃចង្ក្រាន ឃុំព្រៃចង្ក្រាន ស្រុកស៊ីធរកណ្តាល ១១- ឈ្មោះ ម៉ុង សុខចាន់ ភេទប្រុស អាយុ២៧ឆ្នាំ
នៅសង្កាត់សួង ក្រុងសួង ខេត្តត្បូងឃ្មុំ ១២-ឈ្មោះ ហ៊ាន ស៊ាងហួរ ភេទប្រុស អាយុ៣១ឆ្នាំ នៅសង្កាត់
សួង ក្រុងសួង ខេត្តត្បូងឃ្មុំ ។
នគរបាលគ្រឿងញៀនខេត្តវិញប្រាប់ថា ជនសង្ស័យទាំង១២នាក់ខាងលើ ក្នុងនោះមានអ្នកប្រើប្រាស់
គ្រឿងញៀនដែលសមត្ថកិច្ចនឹងត្រូវបញ្ជូនទៅសាលាដំបូងខេត្តនៅព្រឹកថ្ងៃអង្គារ៍ នេះជាប្រតិបត្តិ
ការបង្ក្រាបគ្រឿងញៀនធំ គ្រាន់បើនៅក្នុងទឹកដីស្រុកកោះសូទិន ដែលកន្លងមកធ្លាប់បង្ក្រាបបានបែប
នេះនោះទេ ហើយនិងតាមស្រាវជ្រាវបន្តទៀត ៕
ចែករំលែកព័តមាននេះ