មហាអំណាចចិន កំពុងត្រូវបានពិភពលោកផ្តោតការយកចិត្តទុកដាក់ខ្ពស់ ជាក់ស្តែងការស្ទង់មតិតាមប្រព័ន្ធអីុនធើណែតដោយកាសែត China Daily និងបណ្តាញសារព័ត៌មានទូទាំងពិភពលោកចំនួន 25 រួមទាំងប្រទេសកម្ពុជាផង បានរកឃើញថា គោលនយោបាយការបរទេសរបស់ចិន…
មហាអំណាចចិន កំពុងត្រូវបានពិភពលោកផ្តោតការយកចិត្តទុកដាក់ខ្ពស់ ជាក់ស្តែងការស្ទង់មតិតាមប្រព័ន្ធអីុនធើណែតដោយកាសែត China Daily និងបណ្តាញសារព័ត៌មានទូទាំងពិភពលោកចំនួន 25 រួមទាំងប្រទេសកម្ពុជាផង បានរកឃើញថា គោលនយោបាយការបរទេសរបស់ចិន គឺជាប្រធានបទគួរឲ្យចាប់អារម្មណ៍កំពូលក្នុងចំណោមអ្នកប្រើប្រាស់អ៊ីនធឺណែត។
ការស្ទង់មតិនេះ គឺជាឧបករណ៍វាស់ស្ទង់មួយនៃរបៀបដែលប្រជាជននៅទូទាំងពិភពលោកមើលឃើញថាចាំបាច់សម្រាប់ការរៀបចំកិច្ចប្រជុំចំនួន ២ វគ្គ ។ ការស្ទង់មតិ បានស្នើសុំឲ្យអ្នកប្រើប្រាស់អីុនធើណែត ជ្រើសរើសយកប្រធានបទទាក់ទងនឹងប្រទេសចិនដែលពួកគេចាប់អារម្មណ៍នៅមុនព្រឹត្តការណ៍រយៈពេលពីរសប្តាហ៍ ។
សមាជប្រជាជនជាតិ ដែលជានីតិប្បញ្ញត្តិកំពូលរបស់ប្រទេសចិន និងសន្និសីទពិគ្រោះយោបល់នយោបាយប្រជាជនចិន ដែលជាស្ថាប័នប្រឹក្សានយោបាយជាន់ខ្ពស់ គឺត្រូវបានកោះប្រជុំរាល់ខែមីនា នៅទីក្រុងប៉េកាំង ។ កិច្ចប្រជុំប្រចាំឆ្នាំរបស់គណៈកម្មាធិការជាតិ CPPCC បានបើកកាលពីថ្ងៃអាទិត្យ និងកិច្ចប្រជុំ NPC ប្រចាំឆ្នាំនឹងបើកនៅថ្ងៃអង្គារ៍។
តាមរយៈការស្ទង់មតិដែលចូលរួមដោយប្រព័ន្ធផ្សព្វផ្សាយក្រៅប្រទេសចំនួន 25 រួមទាំងកាសែត Daily Telegraph នៅទីក្រុងឡុងដ៍ និងទីភ្នាក់ងារ Agencia EFE របស់អេស្ប៉ាញបានបង្ហោះកម្រងសំណួរលើអីុនធើណិតដើម្បីប្រមូលចម្លើយពីអ្នកអានរបស់ពួកគេ ។
នៅក្នុងការស្ទង់មតិអ្នកឆ្លើយសំនួរចំនួន 18,9 % និយាយថា គោលនយោបាយការបរទេស និងកិច្ចការបរទេស គឺជាប្រធានបទដែលគេរំពឹងទុកបំផុត បន្ទាប់មកគឺកំណើនផលិតផលក្នុងស្រុកសរុបរបស់ចិន GDP មានចំនួន 13,6% ការការពារបរិស្ថាន 13,3% និងទីផ្សារការងារចំនួន 12% ។ គិតត្រឹមថ្ងៃសៅរ៍ កន្លងទៅនេះ គឺមានមនុស្សសរុបចំនួន 5,206 នាក់បានផ្តល់ចម្លើយពាក់ព័ន្ធនឹងការស្ទង់មតិនេះ ។ ក្រៅពីកម្រងសំណួរលើប្រព័ន្ធអីុនធើណែត ប្រព័ន្ធផ្សព្វផ្សាយខាងលើ ក៏បានដាក់សេចក្តីថ្លែងការណ៍ជាលាយលក្ខណ៍អក្សរផងដែរ។ ហើយវាបានបង្ហាញថា រាប់ចាប់ពីមនុស្សសាមញ្ញនិងឧស្សាហកម្មប្រព័ន្ធផ្សព្វផ្សាយ គឺមានចំណាប់អារម្មណ៍ លើប្រធានបទសំខាន់ៗមួយចំនួនប្រហាក់ប្រហែលគ្នា។
លោក Trinh Thanh Thuy និពន្ធនាយកព័ត៌មានព័ត៌មានវៀតណាមបាននិយាយថាគោលនយោបាយការបរទេសរបស់ចិន គឺជាជម្រើសកំពូលនៃអ្នកឆ្លើយសំណួរនៅទូទាំងពិភពលោកក៏ជា «ចំណាប់អារម្មណ៍ដ៏អស្ចារ្យ» សម្រាប់ស្ថាប័នផ្សព្វផ្សាយជាភាសាអង់គ្លេសប្រចាំថ្ងៃ ផងដែរ ។
លោក Henok Seyoum មកពីទីភ្នាក់ងារសារព័ត៌មានអេត្យូពី (Ethiopian Press Agency) បាននិយាយថា «ប្រទេសចិនកំពុងប្រើប្រាស់អំណាចប្រកបដោយភាពទន់ភ្លន់ និងបង្ហាញពីរូបភាពសន្តិភាពនៅក្រៅប្រទេស តាមរយៈការលើកកម្ពស់វប្បធម៌ ការអប់រំ កីឡា ទេសចរណ៍និងការផ្លាស់ប្តូរផ្សេងៗ» ។
ចំណែកទីភ្នាក់ងារសារព័ត៌មាន Montsame របស់ប្រទេសម៉ុងហ្គោលី បានទទួលស្គាល់សារៈសំខាន់របស់ចិននៅក្នុងការធ្វើពាណិជ្ជកម្ម ខណៈប្រទេសចិនទទួលខុសត្រូវចំពោះការវិនិយោគទុនបរទេសសរុប និងទំហំនៃការនាំចេញរបស់ប្រទេសម៉ុងហ្គោលី៕
ចែករំលែកព័តមាននេះ