ជំនឿពាក់ព័ន្ធនឹងបញ្ហាមុន
ជួនកាលវាពិបាកក្នុងការបែងចែករវាងអ្វីដែលពិត និងអ្វីដែលមិនពិត នៅពេលដែលពាក់ព័ន្ធនឹង បញ្ហាមុន ។ ខាងក្រោមនេះជាជំនឿមួយចំនួនពាក់ព័ន្ធនឹងបញ្ហាមុន ដែលយើងឮជារឿយៗហើយគិតថាវា ជាការពិត ។ ជំនឿទី១…
ជួនកាលវាពិបាកក្នុងការបែងចែករវាងអ្វីដែលពិត និងអ្វីដែលមិនពិត នៅពេលដែលពាក់ព័ន្ធនឹង បញ្ហាមុន ។ ខាងក្រោមនេះជាជំនឿមួយចំនួនពាក់ព័ន្ធនឹងបញ្ហាមុន ដែលយើងឮជារឿយៗហើយគិតថាវា ជាការពិត ។
ជំនឿទី១ ៖ មុនកើតមានចំពោះតែក្មេងជំទង់ប៉ុណ្ណោះ
ការពិត ៖ មុនអាចកើតឡើងចំពោះក្មេងជំទង់និងមនុស្សពេញវ័យ។ មនុស្សមួយចំនួនអាចកើតមុនក្នុងវ័យ ៤០ឆ្នាំនិងលើសពីនេះទៀត។
ជំនឿទី២៖ ការញិចមុនធ្វើឱ្យមុនឆាប់ជា
ការពិត ៖ ការញិចមុនអាចបណ្តាលអោយមុខឡើងក្រហមដោយសាររលាក ឬខ្លាំងជាងនេះគឺមកពីការឆ្លងមេរោគដែលបណ្តាលឲ្យមានស្លាកស្នាម។
ជំនឿទី៣ ៖ លាងមុខឲ្យច្រើនអាចកាត់បន្ថយមុន
ការពិត ៖ ការលាងមុខច្រើនពេកអាចធ្វើឲ្យជាតិខ្លាញ់ធម្មជាតិបាត់បង ដែលបណ្តាលឱ្យមុខស្ងួត និងរមាស់ ហើយបង្កឲ្យមានការបង្កើតជាតិខ្លាញ់ថែមលើផ្ទៃមុខ ជាហេតុធ្វើឲ្យមុនកាន់តែខ្លាំង លើសដើម។
ជំនឿទី៤ ៖ ការផាត់មុខធ្វើឱ្យកើតមុនច្រើន
ការពិត ៖ អ្នកឯកទេសផ្នែកថែរក្សាស្បែកបានណែនាំអោយប្រើប្រាស់គ្រឿងសម្អាងណា ដែលមិនបង្កអោយមានការរាំងស្ទះរន្ធរោម ព្រោះវាមិនបណ្តាលឱ្យមានការកើតមុននោះទេ។ ប៉ុន្តែការអោយស្បែករបស់អ្នកដកដង្ហើមដោយមិនមានការផាត់មុខម្តងម្កាលក៏ល្អសម្រាប់ស្បែកផងដែរ!
ជំនឿទី៥ ៖ ញ៉ាំសូកូឡាធ្វើឱ្យកើតមុន
ការពិត ៖ វាមិនមែនជាសូកូឡានោះទេ ប៉ុន្តែវាជាស្ករ និងទឹកដោះគោដែលបានបន្ថែមនៅក្នុងសូកូឡាដែលបណ្តាលអោយកើតមុន។
ជំនឿទី៦ ៖ ថ្នាំដុសធ្មេញអាចព្យាបាលមុន
ការពិត ៖ ថ្នាំដុសធ្មេញផ្ទុកគ្រឿងផ្សំដែលអាចធ្វើឱ្យមុនក្រាប ប៉ុន្តែវាមិនបានផលិតឡើងសម្រាប់ស្បែកនោះទេដូច្នេះវាអាចបណ្តាលអោយមានការរមាស់និងឡើងកន្ទួល។
ជំនឿទី៧ ៖ ផលិតផលរឹតតែខ្លាំង រឹតតែមានប្រសិទ្ធភាពក្នុងការព្យាបាលមុន
ការពិត ៖ ផលិតផលដែលខ្លាំងអាចធ្វើអោយស្បែកមានប្រតិកម្ម ជាពិសេសផលិតផលណាដែលមានផ្ទុកជាតិអាល់កុល។
ជំនឿទី៨ ៖ ក្រែមផ្តល់សំណើមបង្កឱ្យកើតមុន
ការពិត ៖ ស្បែកដែលខ្វះជាតិសំណើមផលិតជាតិខ្លាញ់ ដែលធ្វើឱ្យស្ទះរន្ធរោមច្រើនជាងស្បែកដែលមានសំណើម។ ដូច្នេះសូមកុំបញ្ឈប់ការប្រើក្រែមផ្តល់សំណើមរបស់អ្នក ។ អ្នកគួរតែលាបវាមុនពេលលាបឡេការពារកំដៅថ្ងៃ។
ជំនឿទី៩ ៖ របបអាហារមិនពាក់ព័ន្ធនឹងការកើតមុន
ការពិត ៖ ការសិក្សាបានរកឃើញថា អ្នកដែលញ៉ាំអាហារដែលមានជាតិស្ករ, ផលិតផលទឹកដោះគោ និងខ្លាញ់មិនល្អងាយនឹងកើតមុន។
ជំនឿទី១០ ៖ ពន្លឺថ្ងៃជួយកាត់បន្ថយមុន
ការពិត ៖ ពន្លឺព្រះអាទិត្យអាចបំផ្លាញ collagen នៃស្បែករបស់អ្នកបាន។ collagen ជា ប្រូតេអ៊ីនដែលរក្សាស្បែកអោយតឹង និងមានភាពវ័យក្មេង។ នៅពេលដែល collagen ត្រូវបានបំផ្លាញ រន្ធញើសរបស់អ្នកបើកធំ និងមិនមានការការពារទៅលើស្បែក ។ វាអាចបង្កឱ្យកើតមុនក្បាលខ្មៅ។
តើអ្នកបានយល់ពីចំណេះដឹងអ្វីដែលថ្មីទេ? ចុចទីនេះដើម្បីទៅកាន់ទំព័រហ្វេសប៊ុករបស់យើងនិងស្វែងយល់បន្ថែមពីការព្យាបាលស្នាម និងមុន៕ ដោយសហការ
ចែករំលែកព័តមាននេះ