ឆ្កែខាំ…នាងទុករហូតដល់ហួសពេល
- កំពង់ចាម
ខេត្តកំពង់ចាម ៖ ពិតជាគួរឲ្យសង្វេគណាស់ ដែលស្ត្រីម្នាក់ឈ្មោះ សេង ស៊ាងអេង អាយុ២៧ឆ្នាំ មានស្រុកកំណើតនៅភូមិត្រពាំងរាំង ឃុំត្រពាំងព្រះ ស្រុកព្រៃឈរ…
ខេត្តកំពង់ចាម ៖ ពិតជាគួរឲ្យសង្វេគណាស់ ដែលស្ត្រីម្នាក់ឈ្មោះ សេង ស៊ាងអេង អាយុ២៧ឆ្នាំ មានស្រុកកំណើតនៅភូមិត្រពាំងរាំង ឃុំត្រពាំងព្រះ ស្រុកព្រៃឈរ…
ខេត្តកំពង់ចាម ៖ ពិតជាគួរឲ្យសង្វេគណាស់ ដែលស្ត្រីម្នាក់ឈ្មោះ សេង ស៊ាងអេង អាយុ២៧ឆ្នាំ មានស្រុកកំណើតនៅភូមិត្រពាំងរាំង ឃុំត្រពាំងព្រះ ស្រុកព្រៃឈរ បានស្លាប់ដោយសារឆ្កែខាំដៃក្នុងអំឡុងពេលចេញទៅរកសុីនៅខេត្តកំពង់ឆ្នាំង ហើយមិនបានចាប់អារម្មណ៍ចាក់ថ្នាំបង្ការទេ បណ្តាលឲ្យមេរោគជ្រាបពេញខ្លួនក៏ស្លាប់កាលពីថ្ងៃទី១៩ កុម្ភៈ កន្លងទៅ ។ នេះអាចចាត់ទុកជាករណីទី១ កើតមាននៅក្នុងស្រុកព្រៃឈរដោយសារឆ្កែខាំ ហើយក៏ចំពេលដែលពលរដ្ឋខ្មែរកំពុងភ្ញាក់ផ្អើលនិងភ័យខ្លាចពីឆ្កែ ឬឆ្មាខាំ ។
លោកវរសេនីយ៏ឯក កែវ ស៊ាងហ៊ន់ អធិការនគរបាលស្រុកព្រៃឈរបានឲ្យដឹងថា ជនរងគ្រោះបានចេញពីផ្ទះទៅសុីឈ្នួលគេនៅឯខេត្តកំពង់ឆ្នាំង ហើយត្រូវឆ្កែខាំ តែមិនបានចាក់ថ្នាំទេ ហើយក៏មិនបានដឹងថាមានការបិទថ្នាំការពារ ឬក៏យ៉ាងណាដែរ ។ ក្រោយមក ជនរងគ្រោះបានទៅចួលរួមមង្គលការគេមួយកន្លែង ហើយហូបសាច់គោ ក៏ក្តៅខ្លួននិងបានឲ្យគ្រូពេទ្យឯកជនព្យួរសេរ៉ូមឲ្យ ។
លោកអធិការបន្តថា ប៉ុន្តែដោយអាការៈមិនបានធូរស្រាល ក៏ត្រូវបានសាច់ញាតិបញ្ជូនទៅព្យាបាលនៅមន្ទីរពេទ្យមួយក្នុងរាជធានីភ្នំពេញ ក៏នៅតែមិនធូរស្រាលទៀត ។ លុះនៅថ្ងៃទី១៨ ខែកុម្ភៈ ជនរងគ្រោះបានចូលមន្ទីរពេទ្យកាល់ម៉ែត និងត្រូវបានគ្រូពេទ្យប្រាប់ថា ហួសពេលហើយ មិនអាចសង្គ្រោះបានទេ ។ ពេលនោះសាច់ញាតិក៏ដឹកជនរងគ្រោះត្រឡប់មកផ្ទះវិញនៅស្រុកព្រៃឈរ លុះមកដល់ថ្ងៃទី១៩ ខែកុម្ភៈ ក៏បានស្លាប់ទៅ ហើយសពត្រូវបានយកទៅបញ្ចុះនៅថ្ងៃទី២០ ខែកុម្ភៈ ។ ស្ត្រីរងគ្រោះនៅលីវ មិនទាន់មានប្តីនៅឡើយទេ ។
លោកវេជ្ជបណ្ឌិត គីម សួរភិរុណ ប្រធានមន្ទីរសុខាភិបាលខេត្ត មានប្រសាសន៍ថា ករណីខាងលើនេះ ពិតជាមានមែន ហើយជំងឺប្រភេទនេះយូរៗឃើញកើតមានម្តង ។ លោករំឭកថា ប្រសិនបើមានឆ្កែខាំ សូមប្រញាប់នាំអ្នករងគ្រោះមកសង្គ្រោះដោយចាក់ថ្នាំបង្ការ ដើម្បីចៀសវាងកុំឲ្យកើតមានដូចករណីខាងលើ ៕
ចែករំលែកព័តមាននេះ