ប្រទេសថៃ ៖ របបយោធាថៃដែលកាន់អំណាចចាប់តាំងពីជាង៤ឆ្នាំមកហើយ បានលុបចោលកាលពីថ្ងៃទី១២ កុម្ភៈ ការហាមឃាត់មិនឲ្យធ្វើយុទ្ធនានយោបាយ ខណៈជិតដល់ការបោះឆ្នោតដូចការសន្យានាដើមឆ្នាំ២០១៩ នាំឲ្យលោកថាក់ស៊ីនស៊ីណាវ៉ាត្រា សម្ដែងការអបអរ ដោយលោកថានោះជាក្ដីសង្ឃឹមមួយសម្រាប់ប្រជាជាតិ។…
ប្រទេសថៃ ៖ របបយោធាថៃដែលកាន់អំណាចចាប់តាំងពីជាង៤ឆ្នាំមកហើយ បានលុបចោលកាលពីថ្ងៃទី១២ កុម្ភៈ ការហាមឃាត់មិនឲ្យធ្វើយុទ្ធនានយោបាយ ខណៈជិតដល់ការបោះឆ្នោតដូចការសន្យានាដើមឆ្នាំ២០១៩ នាំឲ្យលោកថាក់ស៊ីនស៊ីណាវ៉ាត្រា សម្ដែងការអបអរ ដោយលោកថានោះជាក្ដីសង្ឃឹមមួយសម្រាប់ប្រជាជាតិ។
ការហាមឃាត់មិនឲ្យធ្វើសកម្មភាពនយោបាយត្រូវបានប្រកាសលុបចោលនាថ្ងៃទី១២កុម្ភៈ។ យោងតាមបទបញ្ជាមួយចុះហត្ថលេខាដោយលោកប្រាយុទ្ធចាន់អូចា ហើយចេញផ្សាយក្នុងព្រឹត្តិប័ត្ររបស់ព្រះបរមរាជវាំងថា បណ្ដាគណបក្សនយោបាយអាចធ្វើយុទ្ធនាការ ដើម្បីបង្ហាញពីនយោបាយរបស់ពួកគេ។
ចំណែកព្រះអង្កម្ចាស់ក្សត្រីអ៊ូបុលរតនា ព្រះរៀមរបស់ព្រះមហាក្សត្រថៃ នាថ្ងៃទី១១កុម្ភៈបានដកខ្លួនជាផ្លូវការ ពីការឈរឈ្មោះជាបេក្ខជននាយករដ្ឋមន្ត្រី របស់គណបក្សថៃរក្សាជាតិ។ គណៈកម្មាធិការបោះឆ្នោតថៃគូសបញ្ជាក់ថា ឈ្មោះរបស់បណ្ដាបេក្ខជន សម្រាប់តំណែងប្រមុខរដ្ឋាភិបាល ចេញពីការបោះឆ្នោតសភាថ្ងៃទី២៤មីនាត្រូវបានប្រកាស ហើយព្រះនាមរបស់ម្ចាស់ក្សត្រីអង្គនោះពុំមានក្នុងបញ្ជីឡើយ ព្រោះសមាជិកគ្រួសាររាជវង្សទាំងអស់ ត្រូវនៅពីលើនយោបាយ។ បែបនេះជាការបញ្ចប់វិបត្តិរយៈពេលជាច្រើនថ្ងៃ៕
ចែករំលែកព័តមាននេះ