ខេត្តបាត់ដំបង ៖ សមត្ថកិច្ចបានឲ្យដឹងថា បុរសវ័យជាងពាក់កណ្ដាលជីវិតម្នាក់ បានចង.កសម្លាប់ខ្លួន កាលពីវេលាម៉ោង១០ និង៤៥នាទីយប់ថ្ងៃទី០៨ កុម្ភ: ស្ថិតនៅចំណុចខាងក្រោយផ្ទះ ក្នុងភូមិអណ្តូងចេញ…
ខេត្តបាត់ដំបង ៖ សមត្ថកិច្ចបានឲ្យដឹងថា បុរសវ័យជាងពាក់កណ្ដាលជីវិតម្នាក់ បានចង.កសម្លាប់ខ្លួន កាលពីវេលាម៉ោង១០ និង៤៥នាទីយប់ថ្ងៃទី០៨ កុម្ភ: ស្ថិតនៅចំណុចខាងក្រោយផ្ទះ ក្នុងភូមិអណ្តូងចេញ សង្កាត់អូរចារ ក្រុងបាត់ដំបង បន្ទាប់ពីប្រើកាំបិតចាក់ប្រពន្ធឱ្យរងរបួស ព្រោះតែភ្លើងប្រចណ្ឌ ។
សមត្ថកិច្ចបានប្រាប់ថា បុរសដែលគិតខ្លីនោះ ឈ្មោះឯម សំ ប្រុសអាយុ៥៧ឆ្នាំ មុខរបរមិនពិតប្រាកដ រស់នៅចំណុចកើតហេតុខាងលើ ។ បុរសនេះបានយកខ្សែអង្រឹងទៅចង.កសម្លាប់ខ្លួននៅនឹងដើមឈើខាងក្រោយផ្ទះ ហើយក្រុមគ្រួសារបានដឹងនៅប៉ុន្មានម៉ោងក្រោយ ។ បើតាមក្រុមគ្រួសារបានប្រាប់សមត្ថកិច្ចថា មូលហេតុដែលជនរងគ្រោះសម្រេចបញ្ចប់ជីវិតខ្លួនបែបនេះ គឺផ្ដើមចេញពីការប្រចណ្ឌ ។
ជាមួយគ្នានេះ សមត្ថកិច្ចក៏បាននិយាយដែរថា ដោយសារតែភ្លើងប្រចណ្ឌប្រពន្ធនេះ ដំបូងបុរសនេះបានយកកូនកាំបិតចាក់ទៅលើប្រពន្ធឈ្មោះស៊ុន សោភា អាយុ៥៣ឆ្នាំ បណ្តាលឱ្យរងរបួស ។ ហើយបន្ទាប់ពីចាក់ប្រពន្ធហើយ បុរសនេះក៏បានរត់ទៅចង.កសម្លាប់ខ្លួននៅខាងក្រោយផ្ទះតែម្តង ។
បច្ចុប្បន្នសពបុរសខាងលើនេះ ត្រូវបានសាច់ញាតិរៀបចំធ្វើបុណ្យតាមប្រពៃណីហើយខណ:ប្រពន្ធរបស់គាត់ត្រូវកំពុងសង្គ្រោះនៅមន្ទីរពេទ្យបង្អែកខេត្ត៕
ចែករំលែកព័តមាននេះ