ទីក្រុងហ្សឺណែវ ៖ ការសិក្សាមួយរបស់ភ្នាក់ងារទទួលបន្ទុកផ្នែកពាណិជ្ជកម្ម និងអភិវឌ្ឍន៍ក្រោមអង្គការសហប្រជាជាតិ UNCTAD បានឲ្យដឹងថា គម្រោងរបស់អាមេរិកក្នុងការបង្កើនពន្ធលើការនាំចូលពីប្រទេសចិននាខែក្រោយនេះអាចនឹងបង្កឲ្យមានការអន់ថយផ្នែកសេដ្ឋកិច្ច ។ យោងតាមសេចក្តីរាយការណ៍របស់ទីភ្នាក់ងារសារព័ត៌មាន Rueters…
ទីក្រុងហ្សឺណែវ ៖ ការសិក្សាមួយរបស់ភ្នាក់ងារទទួលបន្ទុកផ្នែកពាណិជ្ជកម្ម និងអភិវឌ្ឍន៍ក្រោមអង្គការសហប្រជាជាតិ UNCTAD បានឲ្យដឹងថា គម្រោងរបស់អាមេរិកក្នុងការបង្កើនពន្ធលើការនាំចូលពីប្រទេសចិននាខែក្រោយនេះអាចនឹងបង្កឲ្យមានការអន់ថយផ្នែកសេដ្ឋកិច្ច ។
យោងតាមសេចក្តីរាយការណ៍របស់ទីភ្នាក់ងារសារព័ត៌មាន Rueters ដែលបានចេញផ្សាយកាលពីថ្ងៃទី៥ កុម្ភៈ ម្សិលមិញ បានឲ្យដឹងថា សហរដ្ឋអាមេរិកបានដាក់ពន្ធបន្ថែមរវាង ១០% និង២៥% លើផលិតផលចិន ស្មើនឹងទឹកប្រាក់២៥០ប៊ីលានដុល្លារកាលពីឆ្នាំមុន ហើយពន្ធ ១០%នឹងត្រូវបានបង្កើនដល់២៥% នាពេលខាងមុខ ប្រសិនបើប្រទេសទាំងពីរមិនអាចព្រមព្រៀងគ្នាមុនថ្ងៃទី១ ខែមីនា ខាងមុខនេះ
ទេ ។
អ្នកស្រី Pamela Coke-Hamilton ប្រធានទទួលបន្ទុកផ្នែកពាណិជ្ជកម្មអន្តរជាតិនៅ UNCTAD បានប្រាប់ដល់សន្និសីទកាសែតមួយថា កំណើនពន្ធ និងការឆ្លើយតបពីប្រទេសចិនវិញអាចនឹងបង្កឲ្យសេដ្ឋកិច្ចធ្លាក់ចុះ ព្រោះតែអស្ថិរភាពក្នុងទីផ្សារផលិតផលនិងហិរញ្ញវត្ថុ ខណៈដែលក្រុមហ៊ុនសម្របខ្លួន ។
អ្នកស្រីបានបន្ថែមថា ប្រទេសតូចៗនិងប្រទេសក្រីក្រនឹងជួបឧបសគ្គក្នុងការប្រឈមមុខនឹងបញ្ហា ។
កំណើននៃការខាតបង់បង្កពីសង្គ្រាមរវាងសហរដ្ឋអាមេរិក និងប្រទេសចិន នឹងបង្កឲ្យក្រុមហ៊ុនងាកចេញពីខ្សែសង្វាក់ផលិតកម្មនៅអាស៊ីខាងកើត ប៉ុន្តែវាមិនផ្តល់អត្ថប្រយោជន៍ដល់ក្រុមហ៊ុនអាមេរិកទេ។
ការសិក្សាខាងលើបានឲ្យដឹងថា សហរដ្ឋអាមេរិកនឹងទទួលបានផលចំណេញបានតែ ៦%នៃការដាក់ពន្ធលើផលិតផលចិនទេ ខណៈដែលប្រទេសចិនទទួលបាន១២% បើទោះជាការចំណាយនៃការធ្វើពាណិជ្ជកម្មបានកើនឡើងពិតមែនក្តី ។
ប៉ុន្តែប្រទេសដទៃនឹងទទួលផលចំណេញបាន៨២%នៃការនាំចេញរបស់ប្រទេសចិនប្រមាណ២៥០ប៊ីលានដុល្លារ និង៨៥%ទៀតពីការនាំចេញរបស់សហរដ្ឋអាមេរិកប្រមាណ៨៥ប៊ីលានដុល្លារ។ ពួកគេបានបន្ថែមថា ៖« សហភាពអឺរ៉ុបនឹងទទួលផលចំណេញបាន ៧០ប៊ីលានដុល្លារពីការធ្វើពាណិជ្ជកម្មរវាងសហរដ្ឋអាមេរិកនិងប្រទេសចិន ខណៈជប៉ុន ម៉ិកស៊ិក និងកាណាដានឹងទទួលបាន២០ប៊ីលានដុល្លាររៀងៗខ្លួនផងដែរ ៕
ចែករំលែកព័តមាននេះ