រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញកាលពីល្ងាចថ្ងៃទី៣០ ខែមករា បានចេញដីកាសម្រេចឃុំខ្លួនស្ត្រីម្នាក់ដាក់ពន្ធនាគារជាបណ្តោះអាសន្ន ក្រោមការចោទប្រកាន់ពីបទ«រំលោភទំនុកចិត្ត» ។ ស្ត្រីរូបនោះឈ្មោះ មូល មន្និនិច…
រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញកាលពីល្ងាចថ្ងៃទី៣០ ខែមករា បានចេញដីកាសម្រេចឃុំខ្លួនស្ត្រីម្នាក់ដាក់ពន្ធនាគារជាបណ្តោះអាសន្ន ក្រោមការចោទប្រកាន់ពីបទ«រំលោភទំនុកចិត្ត» ។
ស្ត្រីរូបនោះឈ្មោះ មូល មន្និនិច អាយុ២៦ឆ្នាំ មានមុខរបរលក់ដូរ ស្នាក់នៅផ្ទះលេខ៥០៤ ផ្លូវលេខ ២៧១ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។
ស្ត្រីជាប់សង្ស័យត្រូវបានកម្លាំងសមត្ថកិច្ចព្រហ្មទណ្ឌកម្រិតធ្ងន់រាជធានីភ្នំពេញចាប់ខ្លួនតាមដីកាបង្គាប់ឲ្យចាប់ខ្លួនរបស់ចៅក្រមស៊ើបសួរដែលបានដាក់ឲ្យស្ថិតនៅក្រោមការត្រួតពិនិត្យតាមផ្លូវតុលាការ ។ ក្រោយចាប់ខ្លួនស្ត្រីរូបនោះសមត្ថកិច្ចព្រហ្មទណ្ឌបានបញ្ជូនទៅតុលាការភ្លាមៗ និងទើបត្រូវចៅក្រមសម្រេចចេញដីកាឃុំខ្លួនតែម្តង ។
គួរបញ្ជាក់ថា ស្ត្រីជាប់ចោទឈ្មោះ មូល មន្និនិច ធ្លាប់ត្រូវបានចាប់ខ្លួនដាក់ពន្ធនាគាររយៈពេល១៨ខែពីបទ «សមគំនិតក្នុងអំពើចេញមូលប្បទានប័ត្រគ្មានសាច់ប្រាក់» ប្រព្រឹត្តកាលពីថ្ងៃទី១៥ ខែកក្កដា ឆ្នាំ២០១៦ នៅផ្ទះលេខ៥០៤ ផ្លូវ២៧១ សង្កាត់ផ្សារដើមថ្កូវ ខណ្ឌចំការមន ជាបទល្មើសដែលមានចែងឲ្យផ្ដន្ទាទោសតាមមាត្រា៣៩១ មាត្រា៣៩២ នៃក្រមព្រហ្មទ័ណ្ឌ ។
ជនជាប់សង្ស័យក្រោយពេលចេញពីពន្ធនាគារមិនបានគោរពនូវកាតព្វកិច្ចឧបករណ៍ដែលអាចជួញដូរបាន ពោលគឺមិនសងប្រាក់ទៅដើមបណ្តឹងទើបត្រូវបានមានដីកាចាប់បញ្ចូលគុកវិញ ៕
ចែករំលែកព័តមាននេះ