ប្រទេសប៉េរូ ៖ អាជ្ញាធរមូលដ្ឋានរាយការណ៍កាលពីថ្ងៃទី២៧មករាថា មនុស្សយ៉ាងតិច១៥នាក់ស្លាប់ ដោយសារការបាក់ដីហូរភក់និងដុំថ្ម សង្កត់លើសណ្ឋាគារមួយកាលពីយប់ថ្ងៃទី២៦មករា ពេលមានពិធីរៀបការមួយក្នុងសណ្ឋាគារនោះ នាភាគអាគ្នេយ៍ប៉េរូ។ ការហូរភក់យ៉ាងខ្លាំងបានវាយប្រហារសណ្ឋាគារនោះ ក្រោយពីបុកទម្លុះជញ្ជាំងបណ្ដាលឲ្យមនុស្សស្លាប់១៥នាក់និងរបួស៣៤នាក់។…
ប្រទេសប៉េរូ ៖ អាជ្ញាធរមូលដ្ឋានរាយការណ៍កាលពីថ្ងៃទី២៧មករាថា មនុស្សយ៉ាងតិច១៥នាក់ស្លាប់ ដោយសារការបាក់ដីហូរភក់និងដុំថ្ម សង្កត់លើសណ្ឋាគារមួយកាលពីយប់ថ្ងៃទី២៦មករា ពេលមានពិធីរៀបការមួយក្នុងសណ្ឋាគារនោះ នាភាគអាគ្នេយ៍ប៉េរូ។
ការហូរភក់យ៉ាងខ្លាំងបានវាយប្រហារសណ្ឋាគារនោះ ក្រោយពីបុកទម្លុះជញ្ជាំងបណ្ដាលឲ្យមនុស្សស្លាប់១៥នាក់និងរបួស៣៤នាក់។ នេះជាការអះអាងរបស់អភិបាលក្រុងABANCAY លោកEVARISTO RAMOS ទៅកាន់វិទ្យុRPP។ លោកបញ្ជាក់ថាមនុស្សជាង១០០នាក់ចូលរួមក្នុងពិធីអាពាហ៍ពិពាហ៍នោះ។ គ្រោះថ្នាក់នេះបណ្ដាលមកពីភ្លៀងធ្លាក់ខ្លាំង ខុសពីធម្មតាក្នុងតំបន់នារដូវភ្លៀង។
អ្នកទទួលខុសត្រូវម្នាក់នៃផ្នែកការពារស៊ីវិល លោកJORGE CHAVEZ ថ្លែងទៅកាន់វិទ្យុក្នុងស្រុកមួយថា មនុស្ស១៣នាក់រកឃើញស្លាប់ ក្នុងសណ្ឋាគារALHAMBRA ដែលមានពិធីរៀបការ ហើយ២នាក់ទៀតស្លាប់នៅមន្ទីរពេទ្យ។
យោងតាមផ្នែកការពារស៊ីវិលថា ជញ្ជាំងមួយដែលកសាងសម្រាប់ទប់ការពារសណ្ឋាគារ ពីការរមៀលធ្លាក់ដុំថ្ម ឬការបាក់ដីត្រូវបាក់ ដែលនាំឲ្យភក់ហូរចាក់បុកអគារ។ ពេលជញ្ជាំងខាងក្រៅការពារសណ្ឋាគាររងការបំផ្លាញ នាំឲ្យមានការបាក់ដំបូល សង្កត់លើភ្ញៀវចូលរួមពិធីអាពាហ៍ពិពាហ៍។
បណ្ដាអ្នកជួយសង្គ្រោះនិងប៉ូលិស ជួយជ្រោមជ្រែងដោយប្រជាជន បានខិតខំចាប់តាំងពីថ្ងៃទី២៦មករាមក ដើម្បីជួយដល់បណ្ដាមនុស្សដែលនៅជាប់ក្រោមគំំនរបាក់បែកនៅឡើយ៕
ចែករំលែកព័តមាននេះ