រាជធានីភ្នំពេញ ៖ នគរបាលផ្នែកព្រហ្មទណ្ឌខណ្ឌដូនពេញបានឃាត់ខ្លួនជនសង្ស័យឆក់ទូរស័ព្ទដៃបានជាបន្តបន្ទាប់ កាលពីវេលា ម៉ោង២១ និង១៩នាទី ថ្ងៃទី២៦ ខែមករា ឆ្នាំ២០១៩ ស្ថិតនៅចំណុចមុខផ្ទះលេខ៥៣…
រាជធានីភ្នំពេញ ៖ នគរបាលផ្នែកព្រហ្មទណ្ឌខណ្ឌដូនពេញបានឃាត់ខ្លួនជនសង្ស័យឆក់ទូរស័ព្ទដៃបានជាបន្តបន្ទាប់ កាលពីវេលា ម៉ោង២១ និង១៩នាទី ថ្ងៃទី២៦ ខែមករា ឆ្នាំ២០១៩ ស្ថិតនៅចំណុចមុខផ្ទះលេខ៥៣ ផ្លូវ១៨៤ កែង៦៣ ភូមិ១២ សង្កាត់ផ្សារថ្មី៣ ខណ្ឌដូនពេញ ។
យោងតាមរបាយការណ៍សមត្ថកិច្ចបានឲ្យដឹងថា ជនសង្ស័យចំនួន២នាក់ ជិះម៉ូតូ១គ្រឿងម៉ាកហុងដា BEAT ពណ៌ខៀវលាយសបានធ្វើសកម្មភាពឆក់ទូរស័ព្ទពុំបានសម្រេចពីជនបរទេសម្នាក់ ភេទស្រី អាយុប្រហែល៤០ឆ្នាំ ដែលកំពុងធ្វើដំណើរតាមរ៉ឺម៉កកង់បី តាមបណ្ដាយផ្លូវលេខ៦៣ ពីត្បូងទៅជើងមកដល់កន្លែងកើតហេតុខាងលើ ជនសង្ស័យក៏ធ្វើសកម្មភាពឆក់ ហើយជនរងគ្រោះព្រមជាមួយប្រជាពលរដ្ឋបានស្រែកឆោឡោ ភ្លាមនោះកម្លាំងរបស់ខណ្ឌ ប៉ុស្ដិ៍ ដែលកំពុងឈរជើងតាមបណ្តាគោលដៅ និងល្បាតទទួលបានពត៌មានក៏បានចេញអន្តរាគមន៍ប្រដេញចាប់ដោយបង្ក្រាប និងឃាត់បានម្នាក់យកមកប៉ុស្តិ៍ ដើម្បីធ្វើការសាកសួរ ដោយឡែកបក្សពួកម្នាក់ទៀត បានលោតប្រាស់គេចខ្លួនបាត់ ។
ដោយឆ្លងតាមវិធានការជំនាញសួរចម្លើយជនសង្ស័យខាងលើ គឺជាមុខសញ្ញាឆក់សកម្ម ជាប្រចាំថ្ងៃ (ឆក់អាជីព) តាមបណ្តាខណ្ឌ ក្នុងរាជធានីភ្នំពេញ នឹងបានធ្វើសកម្មភាពឆក់បានសម្រេចច្រើនដងទៅលើជនបរទេសគ្រប់ជាតិសាសន៍ ។ ដើម្បីរំលត់នូវសភាពការណ៍ឆក់នេះ អធិការដ្ឋានបានពន្លាតដែនសមត្ថកិច្ចស្រាវជ្រាវជ្រាវ និងតាមច្បាប់បន្តយកបក្ខពួកដែលបានរត់គេចខ្លួនម្នាក់ទៀតដល់ខណ្ឌចំការមន និងឈានដល់បង្ក្រាបឃាត់ខ្លួន នៅវេលាម៉ោង ២៣និង៣០នាទីយប់ថ្ងៃដដែល ។
លទ្ធផលនៃកិច្ចប្រតិបត្តិការណ៍នេះសមត្ថកិច្ចយើងបានធ្វើការឃាត់ខ្លួនជនសង្ស័យចំនួន២នាក់ ១- ឈ្មោះ ពៅ ដារ៉ាវិត ភេទប្រុស អាយុ១៦ឆ្នាំ មុខរបរ សិស្សវិទ្យាល័យព្រះស៊ីសុវត្ថិ ស្នាក់ នៅផ្ទះលេខគ្មានលេខ ភូមិបឹងប្រលឹត សង្កាត់ខណ្ឌច្បាអំពៅ ។ ២- ឈ្មោះ យឹម សំណាង ភេទប្រុស អាយុ១៧ឆ្នាំ មុខរបរសិស្ស ស្នាក់នៅផ្ទះលេខ១២ ផ្លូវសុធារស សង្កាត់ទន្លេរបាសាក់ ខណ្ឌចំកាមន ។
វត្តុតាងចាប់យក ម៉ូតូ១គ្រឿង ម៉ាកហុងដា Beat ពណ៌ខៀវលាយស ពាក់ស្លាកលេខភ្នំពេញ 1HG 7595 ។ ទិសដៅបន្ត អធិការដ្ឋាននឹងបន្តប្រើប្រាស់វិធានការជំនាញសួរចម្លើយរកបក្ខពួកនៅសេសសល់ និងប្រវត្តិសកម្មភាពកន្លងមកព្រមទាំងកសាងសំណុំរឿងបញ្ជូនទៅសាលាដំបូងរាជធានី ដើម្បីអនុវត្តន៍តាមច្បាប់ ៕
ចែករំលែកព័តមាននេះ