រាជធានីភ្នំពេញ ៖ មានការភ្ញាក់ផ្អើលមួយបានកើតឡើងនៅក្នុងបន្ទាយប៉ូលិសការពារព្រំដែនទឹក ដោយមានបាត់មន្ត្រីប៉ូលិសម្នាក់មិនឃើញភ្ញាក់ពីដំណេកពេលព្រឹកដូចសព្វមួយដង លុះនៅពេលមិត្តភក្តិទៅបើកទ្វារបន្ទប់ក៏ប្រទះឃើញដេកស្លាប់នៅក្នុងបន្ទប់បាត់ទៅហើយ ។
ហេតុការណ៍នេះបានកើតឡើងកាលពីវេលាម៉ោង៩និង៣០នាទីព្រឹកថ្ងៃទី២៤ ខែមករា ឆ្នាំ២០១៩ នៅក្នុងបន្ទាយវរៈសេនាតូចលេខ២៦៩ ឈរជើងនៅឃុំប៉ាក់ខ្លង ស្រុកមណ្ឌលសីមា ខេត្តកោះកុង ។
ជនរងគ្រោះដែលស្លាប់ឈ្មោះ ខឹម សុខុន ភេទប្រុស អាយុ៤៥ឆ្នាំ ជាមន្ត្រីមានឋានន្តរស័ក្តិវរសេនីយ៍ត្រី
ស័ក្តិ៤ ។
ក្នុងហេតុការណ៍ខាងលើ លោកមេបញ្ជាការវរៈក៏បានរាយការណ៍ជូនថ្នាក់លើ រួចស្នើសុំកំលាំងបច្ចេកទេសព្រហ្មទណ្ឌ រួមទាំងគ្រូពេទ្យបច្ចេកទេស ដើម្បីចុះមកពិនិត្យសព។
ក្រោយពីបានធ្វើកោសល្យពិច្ច័យលើសពរួច ក្រុមគ្រូពេទ្យបច្ចេកទេសបានសន្និដ្ឋានថា ជនរងគ្រោះពិតជាបានស្លាប់ដោយសារជម្ងឺគាំងបេះដូង ហើយបានស្លាប់នៅវេលាម៉ោង១រំលងអាធ្រាត្រឈានចូលថ្ងៃទី២៤ មករា ឆ្នាំ២០១៩។
ប្រភពពីមន្ត្រីប៉ូលសរួមការងារជាមួយជនរងគ្រោះជាច្រើននាក់បានអះអាងថា កន្លងមកជនរងគ្រោះពិតជាធ្លាប់កើតអាការៈគាំងបេះដូងញឹកញាប់ដែរ តែដោយមានអ្នករួមការងារដឹងក៏បានជួយសង្គ្រោះបានទាន់ពេលវេលា ៕
ចែករំលែកព័តមាននេះ