រាជធានីភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាបានថ្លែងថា ទោះបីស្ថានភាពពិភពលោកមានការប្រែប្រួល ឬមិនច្បាស់លាស់ទៅផ្លូវណា គឺកម្ពុជាមិនអោយពលរដ្ឋខ្លួន ដាច់បាយឡើយ…
រាជធានីភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាបានថ្លែងថា ទោះបីស្ថានភាពពិភពលោកមានការប្រែប្រួល ឬមិនច្បាស់លាស់ទៅផ្លូវណា គឺកម្ពុជាមិនអោយពលរដ្ឋខ្លួន ដាច់បាយឡើយ ។
យោងតាមគេហទំព័រហ្វេសប៊ុករបស់សម្ដេចតេជោ ហ៊ុន សែន បានលើកឡើងក្នុងពិធីជួបសំណេះសំណាល និងសួរសុខទុក្ខ កូននិស្សិតចំនួន៤៦៨នាក់ ដែលកំពុងសិក្សានៅក្នុង ប្រទេសចិននៅថ្ងៃទី២០ ខែមករា ឆ្នាំ២០១៩ សម្តេចតេជោ ហ៊ុន សែន បានពន្យល់អំពីស្ថា នការណ៍ពិភពលោកដល់និស្សិតឲ្យបានយល់ដឹងផងដែរ ។
សម្តេចបានមានប្រសាសន៍ថា «ទោះបីស្ថានភាពពិភពលោកមានការប្រែប្រួល ឬមិនច្បាស់លាស់ទៅផ្លូវណា គឺកម្ពុជាមិនឲ្យពលរដ្ឋខ្លួនដាច់បាយឡើយ ។ សម្តេចនឹងបន្តខិតខំដើម្បីពង្រឹងសេដ្ឋកិច្ចប្រទេសជាតិឲ្យបានរឹងមាំបន្ថែមទៀត» ។ ជាមួយគ្នានេះដែលសម្តេចតេជោនាយករដ្ឋមន្ត្រីសប្បាយរីករាយ និងមានមោទនៈភាពដែលបានឃើញកូនក្មួយ និស្សិតមានឱកាសបានមកសិក្សានៅប្រទេសចិនដែលជាប្រទេសមហាអំណាចមួយដែរ ។
សម្តេចបានលើកទឹកចិត្តឲ្យនិស្សិតយកចិត្តទុកដាក់ក្នុងការសិក្សារួមទាំងភាសាអង់គ្លេស និងភាសាចិន ហើយរស់នៅគោរពច្បាប់ប្រទេសចិនរក្សាសន្តិសុខសណ្តាប់ធ្នាប់ឲ្យបានល្អចេះស្រឡាញ់រាប់អានគ្នា និងចេះជួយយកអាសារគ្នា ទាំងតាមរយៈដោយផ្ទាល់ខ្លួន និងតាមរយៈសមាគម ឬតាមរយៈសាលា និងតាមរយៈកុងស៊ុល និងស្ថានទូតជាដើម ។
សម្តេចតេជោនាយករដ្ឋមន្ត្រីនៅបានលើកឡើងថា ក្នុងទស្សនកិច្ចផ្លូវកានៅពេលនេះសម្តេច នឹងខិតខំជំរុញនូវកិច្ចសហប្រតិបត្តិការលើគ្រប់វិស័យ ជាពិសេសវិស័យសេដ្ឋកិច្ច ពាណិជ្ជកម្ម វិនិយោគ និងទេសចរណ៍ ។ នៅក្នុងឆ្នាំ២០១៧ យើងទទួលបានទេសចរចិនប្រមាណ១.២ លាននាក់ ហើយនៅឆ្នាំ២០១៨ កន្លងទៅនេះទេសចរចិនបានកើនឡើងដល់១.៩លាននាក់ ។
កាលពីឆ្នាំមុនសម្តេចតេជោគ្រោងចង់បានទេសចរចិនប្រមាណ ០.០១% តែចាប់ពីឆ្នាំ២០១៩ នេះ គឺកម្ពុជាចង់បានទេសចរចិនយ៉ាងហោចណាស់០.០៥% នៃចំនួនប្រជាជនចិន ១,៣០០ លាននាក់ ។ ជាមួយគ្នានេះដែរ គឺកម្ពុជាត្រូវខិតខំបើកពង្រីក និងពង្រឹងទីផ្សារឲ្យបានច្រើនថែមទៀត ក្រៅពីទីផ្សាអាមេរិក និងអ៊ឺរ៉ុប ដើម្បីបញ្ចេញទំនិញ និងផលិតផលកសិកម្មកម្ពុជា ចេញក្រៅដូចជា នៅក្នុងប្រទេសចិន អាហ្វ្រិក មឈ្ឈិមបូព៌ា និងកូរ៉េជាដើម ។
សព្វថ្ងៃនេះទំហំពាណិជ្ជកម្មកម្ពុជា និងចិនក៏បានកើនឡើងដល់៥,៦០០លានដុល្លារហើយ ។ មិត្តចិន គឺវិនិយោគធំជាងគេនៅកម្ពុជា ជាពិសេសលើវិស័យហេដ្ឋារចនាសម្ព័ន្ឋផ្លូវថ្នល់ស្ពាន ស្ពានអាកាស និងវារីអគ្គិសនីជាដើម ៕
ចែករំលែកព័តមាននេះ